kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Сценарий : "Мастер своего дела"-С. Рабаданов

Нажмите, чтобы узнать подробности

Привить любовь к поэтам и писателям Дагестанской литературы и их произведениям

Просмотр содержимого документа
«Сценарий : "Мастер своего дела"-С. Рабаданов»

Сценарий

«Зайбик│уси девла уста».



С. Рабаданов 80 дус виънилис багъишлабарибси литературный вечер.

Вечерла мурад:

1.Дурх│нала литератураличи диги имц│адик│ахъни.

2.Дагъиста ва даргала поэтуни – писательтала произведениебачи иштях│ мурхьбиахъни.

3.Дурх│нала гъай гьаладях│ ардукни.



Вечерла бехбихьуд:



Вед.1: Гъабзадешли биц│ибси

Жузли гъубзни абилкьа

Буц│арси лами лебси

Жузли дигай адилкьа.



Вед2: С. Рабаданов ак│убх│ейчирад 80 дус дикнилис багъишлабарибси литературный вечер сунела гъайличил ибхьулра.

Нушала машгьурси ва пергер поэт, прозаик, драматург ва переводчик, Сулайбан Рабаданович Рабаданов_ писательтала Союзла секретарьли ва даргала секцияла руководительли узули калунсири.



Вед:

Сулайбан Рабадановла биографияличила ва илала творческий гьуниличила къант│ли бурес дигули сари Дагъиста литературала ва мезла учительницас - Мяхяммадова Раисат Иминовналис.

Вед:

Гьанна илала г│ямрула ва творчествола гьуйчила бурули саби 5- ибил классла буч│антани:

С. Р. Рабаданович ак│убси сай 1932 ибил дуслизив Дахадаевла района Дибгашила шилизив. 1963 ибил дуслизиб илини М. Горькийла уличилси Литературный институт таманбариб. Даргала мезличил дурабулхъуси «Ленинна байрахъ» газетализив литературный х│янчизарли узули калун.

1964 ибил дуслизивад 1992 ибил дусличи бикайчи Сулайбан дарган мезличил дурабулхъуси Литературный Дагъистан» альманахла редактор сайри. 1992 ибил дусличивад сунела г│ямрула бег│ла г│ергъиси барх│иличи бикайчи Дагъиста Республикала писательтала Союзла аппаратлизив узусири.

С. Р. Рабадановла цаибил поэтический сборник- «Имтих│ян»- 1958 – ибил дуслизиб дурабухъун. Илала г│ергъи илини нешла ва урус мезличил гъаличирра имц│али поэзияла ва прозала жузи дураиб.

Сулайбан Рабаданович Рабаданов левг│ев г│ях│си переводчик сайлинра машгьурси вири: илини даргала мезличи шурдатур А. С. Пушкинна «Евгений Онегин», М. Ю. Лермантовла «Демон», А. Островскийла «Г│яйиб агаркъира г│яйибла бег│ти»,К. Гольдинила «К│ел господина къуллукъчи» бик│ути пьесаби, Дагъиста ва дунъяла машгьурси поэтунала поэмаби.

1976 ибил дуслизир «Батирай» бик│уси спектакль багьандан илис Х│. Ц│адасала уличилси республикала ва Г│.Батирайла уличилси литературала премияби дедибтири.

Сулайбан Рабаданов дусла бег│лара къугъаси манзиллизив – апрельличив, х│ебла вава – кьарли дунъя жагабарибх│ели вак│ибсири.Сай ак│убси барх│ила х│урматра баррили, ил баягъи х│ебла базлизив- апрельличив, нушачивад арякьнсири.



Вед.:

Гъай С. Рабадановла далай буч│а -7 – ибил классла руч│ан Г│ялибекова Кристинали.

Вед: Нушаб ил поэтцунра ах│и, учительра сайри. Г│ямрула ламус -х│яяла, сабурла ва хатирла учитель. Жагьил лук│антас бухънабас. Чевях│си сай ил нушаб, даргантас. Г│ях│ти адамтани чуйнара дуракайу сунела поэзияла, прозала, драматургияла, публицистикала жузира. Тамандирути ах│ен илала жузи- Дагъиста ва даргала литературала хазна.

Вед:

С. Рабадановла «Ах│ерси неш»- бик│уси назму буч│а Мирзаев Исламли.

Вед:

Дубуртачир улкала пергер урши, г│ях│си гьалмагъ ва узи, Дагъиста халкьла поэт Сулайбан Рабаданов. Халаси урк│ец│ила, г│ямруличи г│яшикьси, урк│и сахаватси ва алавтачила къайгъичевси , сай валути лебилра сунела малх│ямдешли ва дигили тамашабирахъуси адам сайри.

Илала жигарчерти г│ямру, пасих│си творчество дубуртар улкаличи ках│едурхути дуц│арти диги, интернациональный гьалмагъдешла х│ялани халкьлис марли къуллукъбирнила мисалти сари.

Вед:

Далайрикули сари- Гялиева Гульшан.

Вед:

Мар –марлира литературала хъучив, поэзияла хъучив, драматургияла хъучив бамсри агарли валцуси хъубзара сайри Сулайбан Рабаданов.

Сунела марси юлдаш, сунела унра, Дагъиста машгьурси поэт Рашид Рашидов вик│уливан, адабдешла ва адамдешла гьели велг│уси хъубзара сайри ил.

Илини делг│ути малх│ямдешла, даршудешла гье гьар дуслизир сахаватли, дерхъили чера дашутири.Илди гьелизибад бахъли чус пайдара кайси. Сулайбан Рабадановла поэзияла марти юлдашуни, ил кьиматлабирантиДагъистайзиб камли ах│ен.

Вед:

С. Рабадановли белкунси назму «Дагъистайс» буча – Рабаданова Сабинани.

Вед:

Дигахъи Сулайбан Рабадановлис адамти. Илди чидил миллатла биалра илис дек│ардеш х│ебири. Дагъистайзир ил адам ваъх│еибти дахъал мерани кали х│едургар вик│алра хат│ах│ейкур. Сай ваибси гьар мерличив сунела урк│ила ванадеш, сунела г│ях│ти пикруми г│елар далтес бажардиирки Сулайбан Рабаданов.

Вед:

Гъай С. Рабадановла. Макьам халкьла. Далайрикули сари- Ибиева Диана.

Вед:

Иличил мурт гьуниваадра, ца пикрила асарлиу виркусири: ил чихъти ламус_х│яяла, умути адабла, бархьдешла адам сайри. Иличи г│ях│си адамличи кьяйда бахъал адамти дугьабилзи ва гьачамцунра ах│и чуйнара дугьабилзи.Тяп илгъуна сайливан кавлан ил сунела бахъал гьалмагъунала урк│базив, халкьла пикрумазив.

Вед:

С. Рабадановла басняби «Ахъдеш дигуси чичала» ва «Гапчи пушяг» - чедиахъули сари 5- ибил классла бучантани.

Вед:

С. Рабадановла назмурти -дуча гьанна нушала бучантани.

Вед:

С. Рабадановла повестьличила – отзыв бурес дигули сари урус мезла учительница Къизбика Г│ялиевнас.

Вед:

С. Рабадановла прозала шайчибад бурес дигули сари учительницас Мяхяммадова Раисат Иминовнас.

Вед:

Г│ях│си жузла някъ буцадли

Х│у, ахъ х│урхъличи айц│уд.

Вайси жузла някъ буцадли

Х│у къадализи кайц│уд.

Вед:

Ламусла, асилдешла

Дебш ц│акьси дила Ват│ан.

Къаркъа т│алгъуна гъабза

Х│ед саби дила деза.

Вед: Гьанна делхъ чедиахъули саби 8-ибил классла рурсбани ва уршбани.

Вед: Баркалла х│ушаб лех│ахънилис.

Вед: Баркалла нушачил барх замана берк│нилис.



















МКОК «Джинабинская СОШ».





Мероприятие, посвященное 80 летию Сулеймана Рабаданова.

















Провела: Гамидова У. Д.

















2012г.


Получите в подарок сайт учителя

Предмет: Литература

Категория: Уроки

Целевая аудитория: 9 класс

Скачать
Сценарий : "Мастер своего дела"-С. Рабаданов

Автор: Гамидова Умият Джаруллаевна

Дата: 16.02.2018

Номер свидетельства: 457874

ПОЛУЧИТЕ БЕСПЛАТНО!!!
Личный сайт учителя
Получите в подарок сайт учителя


Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства