С?йлеу ?абілетін ме?геру

Сөйлеу қабілетін меңгеру

А.Абилова

№ 16 орта мектебінің қазақ

тілі мен әдебиет пәні мұғалімі

Қарағанды облысы, Балқаш қаласы

Сабақтың тақырыбы: Б.Соқпақбаевтың «Менің атым-Қожа».

Сабақтың мақсаты:

Білімділік: Повесть бойынша оқушылардың ойын тиянақтау, Қожа мінезіне талдау жасап, өз көзқарасын жүйелі айтуға үйрету.

Дамытушылық: Оқушы қабылдауы мен ойлау аралығын зерттей отырып ой қорытқызу және жаңа ұғымды өзі іздеп табуға бағыттау. Оқушының ой-өрісі мен дүниетанымын бағыттау.

Тәрбиелік: Сын пікірге құрметпен қарап, сыпайылыққа, ұстамдылыққа тәрбиелеу. Сөйлеу әдебін меңгерту, ұлтжанды ұрпақ тәрбиелеу.

Сабақтың типі: Жаңа білім беру сабағы

Сабақтың әдісі: Сұрақ-жауап, баяндау, топтық, талдау, тест.

Пәнаралық байланыс: Қазақ тілі, тарих, мәдениет.

Сабақтың көрнекілігі: Интерактивті тақта, флипчарт, ACTIVOTE тесті, «Менің атым Қожа» киносынан үзінді

Сабақтың барысы:

Ұйымдастыру кезеңі

А)Оқушыларды түгендеу.

В)Үй тапсырмасын тексеру

Үй тапсырмасы бойынша оқушыларды 3 топқа бөлу. Әр топқа жеке-жеке шығармашылық, ізденіс жұмыстары берілген.

1-топ: “ Тапқыр “ –Б.Соқпақбаевтың өмірі мен шығармалары.

2-топ: ”Алғыр”-Жоспар құру.

3-топ: ”Зерек”-Кейіпкерлерді талдау. Сөздікпен жұмыс.

Үй тапсырмасын ұяшықтарда жасырылған сұрақтар арқылы бекіту.

«Кім жылдам?»

1.Оң жақтағы «10»-повесть қалай басталатын еді?(өзін таныстырумен )

2.Ортадағы «20»-Майқанова мен Қожаның арасындағы кикілжің неден басталды?(Дүкеннен кітап сатып алудан)

3. Сол жақтағы «30» – Қай оқиғадан кейін сынып жетекшісі Майқанова апай сабаққа екі күн қатарынан келмей қалды?(Сөмкесіне бақа салғаннан кейін)

4. Оң жақтағы «20» - Қожаның қай сәті бейнеленген?

«Төбемнен шатыр етіп жай түскендей болды, не істерімді білмеген қалпымда орнымнан сүйретіле түрегеле бердім» ( орыс тілі сабағында Пушкиннің «Қысқы кешін» жаттамаған сәті)

5. Ортадағы «30» – Тәртіпсіздігінен кейін анасы Қожаға өз ренішін қалай білдіреді? (aнасының ақыл айтуы. Кинодан үзінді.)

6. Сол жақтағы «10» – Шығармадағы кейіпкерлерді ата? (Қожа, Майқанова апай, Жанар, Жантас т.б)

Сөздікпен жұмысты тексеру

Шілдехана- турник- шідер- әмәмда-

даңғаза- кесапат- құпия-

күнаһар- қаулы- аруақ-

Өткен сабақты бекіте отырып жаңа сабақпен байланыстыру.

Сабақтың эпиграфы

«Елімізді 2030 жылы барысқа айналдыратын күш – бүгінгі мектеп партасында отырған оқушылар мен жастар»

Н. Назарбаев

Сабақтың ұраны: «Біле бер, қанша білсең тағы тіле, жетерсің мақсатыңа біле-біле»

І кезең «Қиял кемесі»

«Жақсы бала жеткізеді мұратқа,

Жаман бала қалдырады ұятқа» - демекші, тақтадан «Менің атым Қожа» киносынан үзінді көрсетіледі. Әр топқа тапсырма берілдеі.

І топ: Қожаның дүкендегі іс-әрекеті.

ІІ топ: Қожаның анасының алдындағы кешірім сұрауы.

ІІІ топ: Қожаның портретін беру. (ішкі және сыртқы портреті) Өз ойларын толық жеткізу. Венн диаграмма әдісі арқылы протрет беру.

Қожаның ренжудегі сәті

Қожаның қуану сәті

Әдеби теориясынан повесть, портрет сұрау арқылы еске түсіру.

ІІ кезең «Талдау – табыс кілті»

І топ: Повестен тұрақты тіркестерді табу;

ІІ топ: Кірме, теңеу сөздерді табу;

ІІІ топ: Сатылай кешенді талдау;

І, ІІ, ІІІ топ бірігіп, қорытынды талдау жұмысын жасайды.

(композициялық талдау)

ІІІ кезең «Сәкестендір» (сергіту сәті)

І топ: Флипчарттағы суреттерден сәйкестікті табу.

ІІ топ: Таратпа карточкамен жұмыс. (Шығарманы өз ойыңмен аяқта)

ІІІ топ: Флипчарттағы берілген мәтінге сай кейіпкерлерді табу.

ІV кезең «Шығармашылық белес»

І топ: Көрініс қою (Қожаның жиналыс ашуы)

ІІ топ: Сөзжұмбақ құрау «Балалықтан даналыққа»

ІІІ топ: Қиялыңдағы Қожа бейнесі (сурет салу)

V кезең «Сүйікті кейіпкерім – Қожа»

VІ кезең «Білім өлшеуіші – тест»

ACTIVOTE құрылғылары арқылы тест тапсырмасын орындау.

Әр кезең бойынша топтар орындаған тапсырмалар ұпаймен бағаланады. Сабақ соңында ең жоғары ұпай жинаған топ марапатталды.

Оқушыларды бағалау

Үй тапсырмасын беру.

Балалар әдебиетіндегі өзге шығармалады өздігінен оқу, салыстыру.