Сабақ жоспары.Тұлаусыз мүшелер. 8-сынып.

Пән аты: Қазақ тілі

Сыныбы: 8

Cабақтың тақырыбы: Тұрлаусыз мүшелерден өткенді қайталау
Сабақтың мақсаты:
Тұрлаусыз сөйлем мүшелерінен алған білімдерін мысалдар келтіру арқылы пысықтау, еске түсіру.Сөйлем мүшелерін ажырата білуге үйрету.
Әдіс-тәсілдер: сұрақ-жауап,талдау,ой қорыту,іздендіру.
Көрнекілігі: слайдтар, тапсырмалар, нақыл сөздер.
Сабақтың барысы:
І. Ұйымдастыру кезеңі:

1.Оқушылармен амандасып, зейіндерін сабаққа аудару.
2.Бүгін біз сабағымызда сөйлем мүшелерінен алған білімімізді қайталаймыз.
3.Сыныпты үш топқа бөлу

ЕРЕЖЕ:
1. Тыныштықты сақтау.
2. Бірін-бірі тыңдау.
3. Өз ойын ашық айту.
4. Уақытты үнемдеу.
5. Қол соғу.
(Балалардың зейінін сабаққа аудару 3 рет алақан соғу)

«Осыны оқып ойлай бер, болсаң зерек,

Еңбекті сат, ар сатып неге керек.

Үш-ақ нәрсе адамның қасиеті:

Ыстық қайрат, нұрлы ақыл, жылы жүрек...»

(Абай)

(Оқушылар өлеңнен адамның үш қасиетін атап сол бойынша топқа бөлінеді)

І топ «Толықтауыш»

ІІ топ «Анықтауыш»

ІІІ топ «Пысықтауыш».

І бөлім «Талдау – табыс кілті»

Әр топ «Толықтауыш», «Анықтауыш», «Пысықтауыш» тақырыптарында жоба қорғайды.

ІІ бөлім « Мақал – сөз мәйегі »
Берілген мақал-мәтелдерді оқып, І топ сол оқылған мақал-мәтелден толықтауышты, ІІ топ анықтауышты, ІІІ топ пысықтауышты табады.
І топ (толықтауыш)
1. Темірді қызған кезде соқ.
2. Талаптыға нұр жауар.
3. Қайғысыз қара суға семірер.
ІІ топ ( анықтауыш )
1. Жаман жолдас жауға қалдырар.
2. Гүл – жердің көркі,
Қыз – елдің көркі.
3. Байлықтың атасы –еңбек, анасы – жер.
ІІІ топ (пысықтауыш):
1. Қорыққан бұрын жұдырықтар.
2. Ер жігіт елі үшін туады, елі үшін өледі.
3. Болат қайнауда шынығады, батыр майданда шынығады.
ІІІ бөлім Ойланыңыз, ізденіңіз, табыңыз!

Сызба бойынша сөйлем құрастырып, сөйлем мүшелеріне талдау:
1. Анықтауыш - бастауыш – пысықтауыш – пысықтауыш – баяндауыш.
2. Пысықтауыш – бастауыш – пысықтауыш – баяндауыш.
3. Бастауыш – толықтауыш – пысықтауыш - баяндауыш

ІҮ бөлім «ҰБТ – болашаққа бастар жол»

Тест сұрақтарына жауап беру

Рефлексия (ой толғау):

- Бүгінгі сабақ сендерге ұнады ма?
- Қандай әсер алдыңдар?
- Қандай тапсырма сендерге қиындық туғызды?

Қорытынды:

«Әсемпаз болма әрнеге,

Өнерпаз болсаң арқалан.

Сен де бір кірпіш дүниеге,

Кетігін тап та, бар, қалан».

(Абай)

Бағалау: жұлдызшалар арқылы сабаққа қатысқан оқушылардың білімін бағалау.
Үйге тапсырма: Тәуелсіздік тақырыбына 5 сөйлем құрастыру

Қысқа мерзімді жоспар
Пәні: Қазақ әдебиеті
Сыныбы: 9

Сабақтың тақырыбы: Ахмет Иасауи шығармаларындағы философиялық түйін
Сабақтың мақсаты: Ахмет Йасауи еңбегі арқылы оқушылардың ойлау, есте сақтау қабілетін артыруға, өз ойларын жеткізе білуге жағдай жасау.
Сабақтың міндеттері: а) оқушыларды Ахмет Йасауи шығармашылығымен таныстыру;
ә) Ахмет Йасауи еңбектерімен таныса келе шығармашылық қабілеттерін дамыту;
б) Топтағы ынтымақтастыққа тәрбиеленеді.
Сабақтың нәтижесі: 1Ахмет Йасауи туралы өз ойларын жеткізе алады
2. Ахмет Йасауидің өмірі мен шығармашылығының тақырыбтарын ашып, түйінді ойын айтады.
3. Ахмет Йасауидің хикметтеріне пікір айтады.
Сабақтың табыс критерийлері: 1. «Ахмет Йасауи» мазмұн желісін көркем фильм арқылы ұғынады;
2. «Ахмет Йасауи» кесенесі көркем фильм арқылы көрінеді;
3. «Ахмет Йасауи» туралы қосымша мәлімет іздеу және оқу арқылы жүзеге асады;
Сабақтың түрі: Жаңа сабақ
Сабақтың әдіс - тәсілдері: «Мінсіз адам келбеті» әдісі, «Миға шабуыл» әдісі, «Серпілген сауал» стратегиясы, «Бір, екіге бөліну» стратегиясы, диалогты оқыту әдісі, Сыни тұрғыдан оқу мен жазуды дамыту технологиясының элементтері, талдау, жинақтау, сұрақ - жауап, жеке жұмыс, жұппен жұмыс, топпен жұмыс.
Көрнекілігі: тақырыпқа қатысты суреттер флипчарт, маркер,
Сабақта қолданылған құралдар: интербелсенді тақта, компьютер.
Пән аралық байланыс: тарих, музыка,
Сілтеме:
1. Қазақ әдебиеті. Жалпы білім беретін мектептің 9 - сыныбына арналған оқулық. Т. Ақшолақов, Т. Жұмажанов, С. Қалиев, С. Дүйсебаев. – Өңд., толықт. 3 - бас.-«Алматы»Мектеп, 2013.- 408 б., сур.
2. Қазақ әдебиеті. Оқыту қазақ тілінде жалпы білім беретін мектептің 5 - 9 сыныптарына арналған Оқу бағдарламасы. Астана 2014. 114 бет.

Ұйымдастыру кезеңі
Ынтымақтастық атмосферасын қалыптастыру
1. Сәлемдесу.
Сынып оқушыларын ұйымдастырып, сабаққа бейімдеу. Тренинг өткізу. Шаттық шеңбері. «Жылы лебіз» тілектер айту.
2. Оқушыларды топқа бөлу.
Оқушыларға «Мінсіз адам келбеті» әдісін қолданып, геометриялық фигураларды ( тік төртбұрыш, үшбұрыш) алдарына тастаймын, олар бұл фигуралардың ұнағандарын алып, ұқсас фигуралары барлар топтарға бөлінеді. Солай оқушылар «тіктөртбұрыш», «үшбұрыш» болып үшке бөлінеді.

І. Білу.
«Инсерт» әдісі мен «Серпілген сауал» стратегияларын қолданамын, яғни сабақтың басында, ортасында және аяғында (ауызша түрде сұраймын):
Білетінім
Ахмет Йасауи туралы мәлімет алады.
Ахмет Йасауидің кесенесі туралы және хикметтерін біледі.

Нені білгім келеді?
- хикметтері туралы толық білгім келеді;
- киелі жерлер туралы білгім келеді;

Бейне көрсету. Ахмет Йасауи туралы слайд. Ахмет Йасауи кесенесі бейнекөрсетілімі («Қасиетті мекен Түркістан» фильмінен үзінді) арқылы «Миға шабуыл» әдісін ұйымдастырамын.

2. Зерттеушілік диалог әдісі. Жоғары деңгейдегі сұрақтар (оқушылардың зерттеушілік диалогы бойынша сабаққа қызығушылығын аңғару).
1. Бейнефильм басты кейіпкері кім?
2. Бейнефильмінде көтерілетін басты мәселелер қандай?
3. Бейнефильмнің сіздер үшін қандай тәрбиелік мәні бар? Қалай ойлайсыздар?
3. Ахмет Йасауи туралы слайд көрсетіледі.

ІІ. Түсіну.
1 - тапсырма. Мозайка (ЖИГСО) әдісін қолданып Ахмет Йасауи тақырыбын оқып, түсініп, топ ішінде талқылап, басқа топқа өз бөлігін түсіндіріп әңгімелеп береді де, өз тобына қайтіп келеді және «Түртіп алу» кестесіне айтыс туралы тақырыпты түсіреді (үйде оқуға берілген тақырыпты ескере отырып, кестені толтырады).

1 - топ – Ахмет Йасауи
2 - топ – «Диуани хикмет»
Оқушылар интербелсенді тақтадан слайдты көреді.
Слайдтағы материалдар:
- Ахмет Йасауи туралы;
- Ахмет Йасауи кесенесі туралы;
- Ахмет Йасауи шығармаларымен танысады.

ІІІ. Қолдану
Тапсырмалар:
1 - тапсырма.
Сұрақ - жауап әдісі. Оқушылар осы сұрақтарды пайдаланып, диалог дайындайды.
І топ: «Ахмет Йасауи» тобы.
1. Хикметтердің өзіне тән қандай ерекшеліктері бар?
2. Ақынға тән қасиеттер
3. Ахмет Йасауи қай жылы, қай жерде дүниеге келді?
4. Әкесінің аты кім?
5. Ахмет Йасауи қай жылы қайтыс болды?
ІІ топ: « Диуани хикмет» тобы.
1. Ахмет Йасауидің өмірлік мақсат - мұраты қандай?
2. Ахмет Йасауи нені жырлады?
3. Ахмет Йасауидің имандылық туралы ойлары қазіргі заманғы тәрбиеге сай келе ме?
4. Анасының аты кім?
5. Ахмет Йасауи кесенесі қай жерде?

2 - тапсырма.
Ахмет Йасауи кесенесі туралы бейнефилим көру. Кесене туралы өз ойларын ортаға салады.

ІҮ. Талдау (анализ).
Ү. Жинақтау (синтез).
ҮІ. Бағалау