"М??а?али - м??гілік ??мыр" (М.Ма?атаев ?мірі мен шы?армашылы?ы "?мір с?рейік алмасып" ?ле?і)

Сабақтың тақырыбы : "Мұқағали - мәңгілік ғұмыр"

(Мұқағали Мақатаевтің өмірі мен шығармашылығы, "Өмір сүрейік алмасып"өлеңі)

Сабақтың мақсаты:

а) білімділік: жаңа технология арқылы М. Мақатаев туралы білімін

тереңдету, өмірінен мағлұмат беру, оның өлеңдерімен

таныстыру, сұрақтарға дұрыс жауап беруге үйрету;

ә) тәрбиелік: Мұқағали өлеңдері арқылы махаббатқа, кішіпейілділікке,

адамгершілікке, достыққа тәрбиелеу;

б) дамытушылық: Мұқағали шығармашылығын оқыту арқылы сөздік

қорларын дамыту, ойлау дағдыларын арттыру.

Сабақтың түрі: аралас сабақ

Сабақтың әдісі : түсіндіру, әңгімелеу, сұрақ - жауап

Сабақтың көрнекілігі: интерактивті тақта, электронды оқулық, М. Мақатаев

портреті, М. Мақатаев шығармалары, буклеттер.

Пәнаралық байланыс:қазақ, орыс тілдері, тарих, география, математика,

музыка.

Сабақтың жүрісі: I. Ұйымдастыру сұрау

- Оқушылармен амандасып, отырғызамын, сабақтың

ашылғанын жариялаймын ;

- Түгендеу.

II. Үй тапсырмасын сұрау

Екі - үш оқушыдан Олжас Сүлейменовтың "Арғымақ"

немесе "Қыз қуу" өлеңі жатқа сұралады.

Олжас Сүлейменовтың өмірінен сұрақтар қойылады.

III. Жаңа тақырып

Бүгінгі сабақтың тақырыбы "Мұқағали - мәңгілік ғұмыр", оның өмірі мен шығармашылығы және "Өмір сүрейік алмасып" өлеңі.

(электронды оқулықты ашып, сонда берілген материалды тыңдаймыз)

Тыңдап болған соң, бүгінгі тақырыпқа байланысты слайд арқылы сөздік жұмысын жасаймыз, Мұқағалидің өмірі туралы көрсетіп, түсіндіремін.

№ 1 Слайд

Жаңа сөздер

қайың - береза

жанымды айырбастайын - меняемся душами

адам көзімен - человеческим взглядом

нәр алдың - питался

ұзақ жасайсың - долго будешь жить

құрдасы келер заманның - ровесник будущей эпохи

№2 слайд Жылдар сыр шертеді

Мұқағали Мақатаев 1931 жылы Алматы облысы, Райымбек ауданындығы Қарасаз аулында дүниеге келген.

1948 жылы "Советтік шекара" ( "Хан Тәңірі") газетінде тұңғыш өлеңі басылды.

1954-1952 жылы Қазақ радиосында диктор болып жұмыс жасайды.

1962-1963 жылы "Социалистік Қазақстан"(" Егеменді Қазақстан").

1963-1965 жылы "Мәдениет және тұрмыс"("Парасат").

1965-1972 жылы "Жұлдыз" журналдарында бөлім меңгерушісі болып қызмет атқарады.

1972-1973 жылы Қазақстан Жазушылар Одағына әдеби кеңесші болды.

1976 жылы қайтыс болды.

№3 слайд " Шығармашылығы"

Мұқағали Мақатаевтың шығармашылығына тоқталатын болсақ, Мұқағали Мақатаев кім? деген сұрақ арқылы білуге болады.

Біріншіден, Мұқағали Мақатаев - туа біткен дарынды ақын. Оның өлеңдері : алғашқылары " Қырман басында " және " Қойшы бала - "Әкітай";

"Армысыңдар, достар!", " Қарлығашым , келдің бе?", "Аққулар ұйықтағанда" , " Шуағым менің", " Өмір сүрейк алмасып", т.б.

Екіншіден, Мұқағали Мақатаев - драматург. Пьесасы : "Қош, махаббат".

Үшіншіден, Мұқағали Мақатаев - аудармашы. Мұқағали орыc тілін, неміс тілін жақсы білген адам. Шекспирдің "Сонеттасын", Дантенің "Құдіретті комедиясын", Уолт Уитменнің өлеңдерін аударған.

№4 слайд "Өмір сүрейік алмасып"

Сонымен бірге, Мұқағали Мақатаевтың өлеңіне жазылған әндері де аз емес. Олар: "Өмір сүрейік алмасып", " Бақытыңды жырлайды", " Сенің көзің түпсіз терең", " Мен сені ұнатамын",т.б. Бүгін оқып, талдап, тыңдайтынымыз "Өмір сүрейік алмасып" өлеңі. (слайдтан өлеңнің әрбір шумағы оқылып, мазмұны ашылады).

Содан кейін "Өмір сүрейік алмасып" өлеңін әуенімен тыңдаймыз.

№5 слайд Семантикалық картамен жұмыс.(әр оқушының қолында және интерактівті тақтада болады)

№6 слайд Бұл тапсырманы орындап болған соң, слайдтан тест тапсырмасын оқып, оқушылар жауап береді.

Тест.

1. Мұқағали қай жылдары өмір сүрді?

А) 1932-1978

Ә) 1933 - 1987

Б) 1931 - 1976

2. Мұқағалидың пьесасын ата.

А) Еңлік - Кебек"

Ә) "Қош, махаббат"

Б) " Шуағым менің"

3. 1963 - 1965 жылы қай журналда қызмет етті ?

А) " Парасат"

Ә)" Хан Тәңірі"

Б) " Жұлдыз"

4. Мұқағали кімнің " Сонетталарын" аударды?

А) Данте

Ә) Шекспир

Б) Уолт Уитмен

5. " Жұлдыз" журналында қай жылдары еңбек етті?

А) 1965 - 1972

Ә) 1931 - 1976

Б) 1963 - 1965

V. Сабақты қорытындылау

1) Мұқағали Мақатаев кім? (сызба бойынша)

2 ) Оның қандай шығармалары бар?

3 ) Әуені бар өлеңдерін ата.

4 ) Мұқағали қайда туылды?

5 ) Ол қандай тілдерді жақсы білді?

6 ) Өлеңдері қандай тақырыптарда жазылған?

VI. Үйге тапсырма

"Өмір сүрейік алмасып" өлеңін жаттау.

VII. Бағалау