М.?уезов ??гімелеріндегі ?ор?ансыздар та?дыры. 11 сынып

Қазақ әдебиет. 11 сынып.

Сабақтың тақырыбы: М.Әуезов әңгімелеріндегі қорғансыздар тағдыры («Жетім», «Қорғансыздың күні», «Оқыған азамат» әңгімелері бойынша).

Сабақтың мақсаты:

Білімділігі: М.Әуезовтің өмір жолы мен шығармашылығы туралы мағлұматтарын кеңейту; әңгіме мазмұнына талдау жасай отырып, жазушы идеясын ұғындыруға ықпал ету.

Дамытушылығы: оқушылардың жеке тұлға ретіндегі өзіндік пікірлерін айта білу қабілетін, тілін, ой өрістерін дамытуға ықпал ету.

Тәрбиелігі: оқушыларды қайырымдылыққа, адамгершілікке, имандылыққа тәрбиелеуге, жанашырлық, мейірімділік сезімдерінің дами түсуіне ықпал ету.

Сабақтың түрі: аралас сабақ.

Сабақтың ресурстары: маркер, постер, сергіту сәттерінің жазбалары, бағалау парақтары, сызба-кестелер..

Сабақтың көрнекілігі: М.Әуезовтің өмір жолы шығармашылығы туралы кесте, терме, күйлер жазылған үнтаспалар: халық күйі «Қоңыр», Ж.Кәрменов «Ойламаңдар жігіттер» термесі, адамгершілік, қайырымдылық туралы халық термелері.

І. Ұйымдастыру кезеңі.

1. Амандасу – 1 минут.

2. Оқушылардың назарын жинақтап, сабаққа аудару мақсатымен сергіту сәтін өткізу.

3. Топқа бөлу. Оқушылар 1-ден 3-ке дейін саналып, 3 топқа бөлінеді. – 1 минут.

4. Өткен тақырыпты қайталау. «Қарама-қарсы шабуыл» әдісін қолдану. Топтар өткен сабақта танысқан тақырып бойынша сұрақтар дайындайды. Ойлануға – 1 минут. Сұрақ алмасуға – 6 минут.

• 1-топпен 2-топ бір-біріне сұрақтарын қояды. 2-топпен 3-топ бір-біріне сұрақтарын қояды, 3-топпен 1-топ бір-біріне сұрақтарын қояды.

1. «Қоңыр» күйінің әуенімен қайырымдылық, қорғансыздық туралы өлең оқу.

2. «Қорғансыздық» ұғымы туралы ой қозғау.

3. Сабақ тақырыбын айтып, мақсатын түсіндіру.

ІІ. Жаңа тақырыппен танысу кезеңі.

1. М. Әуезовтің өмір жолы мен қызметі, шығармашылығы туралы баяндату.

2. Оқушыларға алынған үш әңгіменің қысқаша мазмұны беріледі.

3. Үш әңгіме бойынша сызба-кесте толтыру.

1. Үш әңгімедегі қорғансыздарға Венн диаграммасын толтыру.

• Егер сен жазушы болсаң, басқаша қалай аяқтаған болар едің?

• Жазушының шығармадағы қайғы, зарды білдіру үшін қолданған психологиялық параллелизмдерін, пейзаж суреттеулерін тапқызып оқыту.

• Ерекше әсер еткен сөйлемдерді тауып оқыту.

Шығарманы өмірмен байланыстыра отырып талдау сұрақтары:

• Бүгінгі заманның Ғазиза, Қасымдары, Мақсұттың шешесіндей қарттары бар ма?

• Ғазиза мен тағдырлас қыздар туралы ойларың қандай?

• Бейбіт заманның Қасымдары неге көп?

• Қарттар үйінде, өмірде Мақсұттың шешесінің кебін кигендер көп, себебі неліктен деп ойлайсыңдар?

• Неге адамдар арасында мейірім, сыйластық, адамгершілік қасиеттер төмен болып барады?

• Құран сөзі (Қайырымдылық, жетім-жесірге көмек туралы)

• Елбасы жолдауы (халықты әлеуметтік қорғау туралы)

Ж.Кәрменов «Ойламаңдар жігіттер» термесі.

РАФТ әдісімен ой қорыту.

1. Кейіпкерге хат.

2. Жетім көрсең жебей жүр,

Жесір көрсең, желей жүр ..(ой толғау).

«Галлереяны шарлау» әдісі арқылы бағалау. Әр топ басқа топтардың жасаған жұмыстарымен танысып, критерийлерге сай бағалайды. Қойған бағасын стикерлерге жазып жабыстырып кетеді – 5 минут.

Бағалау парағын толтыру. 1 минут

Үйге тапсырма: Әңгіме мазмұны негізінде кейіпкерлерге мінездеме жазып келу.

Рефлексия. «Қос бағанды күнделік» - 3 минут.