«?озы К?рпеш – Баян С?лу» жыры. Жырда?ы ?арабай мен ?одарлар ?лемі.

Пән: Қазақ әдебиеті

Сынып: 7-сынып

1. Сабақтың тақырыбы: «Қозы Көрпеш – Баян Сұлу» жыры. Жырдағы Қарабай

мен Қодарлар әлемі.

1. Сабақтың мақсаты: Халық ауыз әдебиетінің тәрбиелік мәнінің ерекшеліктерін ұғындыру, сауаттылығын, білімділігін арттыру, шығармашылық ізденіске жетелеу, пәнге қызығушылығын арттыру, халықтық педагогиканың, ұлттық тәрбиенің алар орны ерекше екендігін, достыққа, жолдастыққа адал болу, елді, жерді сүюге, бауырмалдылыққа тәрбиелеу, халқымыздың әдет-ғұрпын, салт-дәстүрін меңгеру, жеке тұлға ретінде қалыптастыру, оқушының ойлау қабілетін дамыту, халық ауыз әдебиетін жинақтауға, зерттеуге баулу.

2. Сабақтың көрнекілігі: «Қозы Көрпеш – Баян Сұлу» жыр кітабы, «Батырлар жыры», халық ауыз әдебиеті – буклеттер, иллюстрациялы суреттер, ойындар, электронды оқулықтар, сызба, саз өнері –дискілер, кино өнері, «Қыз Жібек» фильмі.

3. Сабақтың түрі: бекіту сабағы.

4. Сабақтың әдісі: Ой қозғау, баяндау, сахналық көрініс, топтау, жинақтау, салыстыру әдістері.

5. Пәнаралық байланыс: Музыка, кино өнері, ақпараттандыру, тарих, география, қазақ тілі, халықаралық қатынастар тілі, театр т.б.

І Сабақтың барысы:

1. Ұйымдастыру кезеңін жүргізу.

а) Оқушыларды, оқулық құралдарын түгендеу, тексеру.

ә) Оқушы назарын сабаққа аудару.

Оқушыларды 2 топқа бөлеміз. 1) «Бәйтерек» тобы 2) «Ақ қайың» тобы

ІІ Жаңа сабақ: Мазмұны

1. Сахналық көрініс (Қарабай мен Сарыбайдың кездесуі)

2. Саз өнері. Электронды оқулықтан Құрманғазының күйі «Сарыарқаны» тыңдау бойынша сұрақ қою.

3. Мұғалім жүргізуші. Жырдағы Қарабай мен Қодар бейнесі, жырда алатын орны туралы түсіндіру.

4. Топтық жұмыс: жазбаша схема құрастыру

1-топ: Қарабай мен Сарыбайға мінездеме.

2-топ: Қодар мен Қозыға мінездеме.

Топтау әдісі: Қарабай – қатігез әке, дүниеқоңыз, сараң т.б. Қодар – даңғой, кісі өлтіруші, зұлым, әділетсіз т.б.

ІІІ Үй жұмысын сұрау: ( Кітаппен жұмыс)

1) І топқа тапсырма: Диалог дегеніміз не? Жырдың көркемдік ерекшелігі?

ІІ топқа тапсырма: Монолог деген не? Жырдағы әдет-ғұрып салт дәстүр?

(2 топ әртүрлі тапсырма парақтарымен жұмыс жүргізеді.)

2) 1-топ – жазбаша Жыр құрылысын жаса?

2-топ – Бір шумақ өлең құрылысын талдау.

3) Топтық жұмыс. Географиялық сызба карта құрастыру.

4) «Сиқырлы ағаш» сергіту ойыны:

1. Эпостық жырлар дегеніміз не?

2. Лиро-эпостық жырлар деген не? т.б.

3. Ғашықтық жырлардың батырлар жырынан айырмасы неде?

4. Жыр дегеніміз не?

5. Қандай лиро-эпостық жырларды білесіңдер?

6. «Қозы Көрпеш – Баян Сұлу» жырының басты тақырыбы не?

7. Жыр өлеңнің қай түрімен жазылған.

8. Жыр кейіпкерлері кімдер?

9) Жырдың бізге жеткен нұсқасын кім жазған?

10) Жыр немен аяқталады? Трагедия дегеніміз не?

5) Дебат ойыны: Жырдағы оқиға тарихта болған ба, болмаған ба?

(оқушының ой - өрісін дамыту стратегиясы )

6) Полиглот: Сөздердің баламасын табу. Ана, батыр, сұлу қыз, бай, сараң , достық, адалдық, ауыл, би, бақыт т.б. мақал-мәтел сайысы.

(Интерактивті тақтаны пайдалану)

7) Сөз жұмбақ шешу.

1) Жырды алғашқы зерттеушілер кімдер?

2) Ай мен Таңсық қоштасқан жерлер?

3) Жырда кездесетін би аттары?

4) Тайлақтың кенже інісінің аты кім?

5) Жырда аты аталған ірі қала атауы?

IV Тапсырма беру арқылы сабақты қорытындылау.

а) Венн диаграммасы: Баян, Жібек

ә) Топтау стратегиясы: Бүгінгі қазақ қызы қандай?

б) Инсерт әдісі: Не білдім? Нені білгім келеді? Үйренгенім.

V Үйге тапсырма: Ел аузындағы ауыз әдебиеті үлгілерін жинақтау. «Қозы Көрпеш – Баян сұлу» жырынан шығарма жазу.