Просмотр содержимого документа
«?аза? тілі ж?не ?дебиет "Жиренше мен ?арашаш"»
Солтүстік Қазақстан облысы
Тайынша ауданы
Амандық ауылы
Қазақ тілі және әдебиет пәнінің мұғалімі
Кошембаева Адина Есенбаевна
Сабақтың тақырыбы:Қарашаш пен Жиренше
Мақсаты: 1. Оқушыларға аңыз әңгіме кейіпкерлері Жиренше шешен мен Қарашаш сұлудың кездесуі, шешендік тапқыр сөздері туралы түсінік беру.
2. Жиренше шешен мен Қарашаш сұлудың қарым-қатынасы мен жанұядағы әйел адам рөлі туралы үғымдарын кеңейту.
3. Оқушыларды әділ болуға,тапқыр сөйлей білуге, әр түрлі образға ене білуге, ақылдылыққа, қарапайымдылық, бірлікке, көпшілдікке тәрбиелеу.
Сабақтың әдісі: театрланған топтық сайыс сабағы.
Сабақтың түрі: жаңа сабақты меңгеру.
Сабақтың көрнекілігі: плакаттар, бағалау парағы топшамалар.
Пәнаралық байланыс: сурет, тарих, информатика.
Сабақтың жүргізілу барысы:
Үйымдастыру.
Жаңа тақырыпты түсіндіру.
Оқушылар екі топқа бөлінеді. 1-топ «Қарашаш сұлу» - қыз балалар. 2-топ «Жиренше шешен» - еp балалар.
Сабақ төмендегі өлең жолдарынан құралған жоспар бойынша сайыс түрінде өткізілді.
Сайыс түрлері:
Біз - зейінді баламыз бөлімінде «Жиренше шешен» тобынан А.Сәрсенғалиев пен Е.Райымғалиев және «Қарашаш сүлу» тобынан Г.Ибраимова мен Э.Шынболатова берілген тақырыпты үйден оқып келіп, өз тобына түсіндіреді.
Түсіндірген тақырыбы - «Жиренше шешен мен Қарашаш сұлу» әңгімесі.
Өскенде әртіс боламыз. Бұл да үй тапсырмасы. Берілген әңгімені екі топ мазмұнына сай сахналайды.
«Жиренше шешен» тобы –
Сұраган сен ақымақ па,
Сұратқан хан ақымақ па ?
«Қарашаш сұлу» тобы - «Жиреншенің хан сынағына түсуі».
Сурет салғанды ұнатып. Үй тапсырмасы. Екі топ өткен тақырыптың біріне сурет салып келеді.
Қарсы топ қай тақырыптан салғанын табады.
«Жиренше шешен» тобы «Қырық өтірік» әңгімесі бойынша;
«Қарашаш сұлу» тобы «Бата беру» салтының суреттерін салған.
Режиссер де боламыз. Екі топ тапсырма парағын суырады. Берілген әңгімені сахналап көрсету керек.
«Жиренше шешен» тобы «Алдар көсе мен Жиренше шешеннің кездесуін»;
«Қарашаш сұлу» тобы «ЕрТөстік» ертегісінен үзіндіні сахналайды.
Адамды сыйлай білеміз. Екі топ өз атаулары Жиренше мен Қарашашқа мінездеме береді. Тақтаға шығып, әр топтан екі оқушы қатысады. Қалғандары дәптерлеріне жазады.
Дауды әділ шешеміз. Ы.Алтынсариннің «Ағаш шебері мен ұстаның дауласып келген дауын», А.Құнанбаевтың «Он жетінші қара» сөзіндегі дауласқан жүрек, ақыл, қайраттың айтысын тыңдап, әділ шешті.
«Кейде пікір алысып» Компьютерде пікірталас сұрағы берілген.
- Отбасында кімнің сөзіне мән береді? Үнемі кімнің (әкенің, ананың) айтқанын тыңдайсыңдар?
Кім билігін ақылдылығымен жүргізеді?
Сынып оқушыларының барлығы да жанұяларында әке рөлінің жоғары екенін, кейде анасының ақылына да құлақ түретінін айтады.
«Мақалға мән береміз». «Сөз атасы - мақал» демекші, «Жиренше» тобы ер, батыр, жігіт туралы, ал Қарашаш тобы қыз тәрбиесі, ана туралы мақал- мәтелдер айтып айтысады.
Үйге тапсырма: Жиренше мен Қарашаш туралы қосымша көркем әдеби шығармалар оқып келу.
