?алихан Ыс?а? «?о?ыр к?з еді» (7-сынып?а ?аза? ?дебиеті п?нінен саба? жоспары)

7 -сынып

Қазақ әдебиеті

Сабақтың тақырыбы: Қалихан Ысқақ «Қоңыр күз еді»

Сабақтың мақсаты: оқушыларға Қалихан Ысқақтың жазушылық өмірінің қиын да қызғылықты шақтары-оның шығармаларының алтын арқауы екенін меңгерту.

Күтілетін нәтиже:

1. Оқушылар Қалихан Ысқақтың өмірімен танысады.

1. Жазушының өмірбаяны мен шығармадағы ұқсастықты салыстыра алады.

2. Қасымның жазушы Б.Майлинмен кездесе алмайтын себебін шығарма авторы Қ.Ысқақтың өмірбаяны арқылы білетін болады.

Қалай көрінеді:

1.«Символдар» стратегиясы.

2. «ЖИГСО» стратегиясы

3. «Екі жақты күнделік» стратегиясы.

Сабақтың түрі: Топтық ізденіс

Сабақтың әдіс-тәсілі: Сын тұрғысынан ойлау стратегиялары.

Сабақтың көрнекілігі: Қ.Ысқақтың портреті, Б.Майлиннің портреті.

Сабақтың барысы:

І. Қызығушылығын ояту.

«Символдар» стратегиясы.

Тақтада ілулі тұрған 4 түрлі сурет бойынша (сарғайған жапырақ, ағаш, жылқы, кітап) 4 топтың да оқушылары шағын мәтін құрастыру керек. 5 мин. уақыт беріледі. Құрастырған мәтіндерін топ ішінде оқып, әр топ жақсы деген 1 немесе 2 мәтінді оқуына болады. Өздерінің құрастырған мәтіндері арқылы кезекті сабақтың тақырыбын ашамыз.

ІІ. Мағынаны тану.

1. Қалихан Ысқақтың өмірімен танысу

2. «ЖИГСО» стратегиясы

Оқушылар 4 топқа бөлінеді.Әр топта 4 адамнан отырғызылады. Және сол топтағылардың өзі 1,2,3,4 болып бөлінеді. Ылғи 1-лер бір бөлек, 2-лер бір бөлек отырады. Шығарманы оқуға 10 мин. уақыт беріледі. Оқушылар оқып болғаннан кейін, өз іштерінде яғни ылғи бірлер бір-бірлеріне түсіндіреді. Содан соң өз орындарына келіп әр оқушы өзі оқыған бөлімін топтағы оқушыларға түсіндіріп береді. Жеке-жеке түсіндіруге 3мин. беріледі. Барлығы айтылып болған соң әр топтан қосымша сұралады.

3. Деңгейлік тапсырма орындау.

І деңгей

Тапсырма.Мәтіннің тілдік ерекшеліктерін зерделеп, кестені дәптерлеріңе толтырыңдар.

ІІ деңгей

Тапсырма. Тапсырманы кітапты пайдаланбай орындаңдар.

Ән бірте-бірте _____________ түсті. Таянған сайын _______________, ___________түскен тәрізді. «Қос етек, __________бел, қуалай соғар ___________ жел» деген қайырмасы да еміс-еміс___________ жетеді құлаққа. Осы жұрттың ___________ айтып жүретін «__________». Қуалай соққан ________самалдай бірде ____________төгіліп-төгіліп кетеді де, бірде __________ , шөп басының _________ дірілдеп барып үзіледі. Сол қоңыржай __________ қоса бүткіл __________ үстін, осы __________ бір өзі ғана ____________ тұрғандай болады.

ІІІ деңгей

Тапсырма. Өз ауылыңның (қалаңның) табиғаты мен адам тіршілігін байланыстырып, шағын эссе дайындаңдар.

ІІІ. Толғаныс.

- «Екі жақты күнделік» стратегиясы

–Бүгінгі күннің балалары қандай болу керек деп ойлайсыңдар?

-Оқушылар, бүгінгі танысқан Қ.Ысқақтың «Қоңы күз еді» шығармасынан өздеріңіз үшін өмірге қажетті не ала алдыңыздар?

ІҮ. Үйге тапсырма.

1.Қ.Ысқақтың өмірін оқып, әңгімелеу.

2. «Қоңы күз еді» шығармасының мазмұнын әңгімелеу.

3. Шығармадағы портреттерді тауып жаттау.

Ү. Бағалау