C.Торай?ыров

Күні: 13.11.15ж Пәні: қазақ әдебиеті Сыныбы: 7

Сабақтың тақырыбы: С.Торайғыров «Шәкірт ойы»

Сабақтың мақсаты:

а) «Шәкірт ойы» өлеңін оқытып, мағынасан ашу,талдату;

ә) Өзіндік пікірін еркін айта білуге жетелеу, шығармашылық қабілеттерін дамыту;

б) өлең арқылы оқу білімге үндеу, отансүйгіштікке, еңбексүйгіштікке тәрбиелеу;

Сабақтың түрі: шығармашылық сабақ

Сабақтың әдісі: сұрақ-жауап, мәнерлеп оқу, топтастыру т.б

Сабақтың көрнекілігі: сызбалар,кестелер, электронды оқулық, Сұлтанмахмұт шығармалар жинағы т.б

Пәнаралық байланыс: тарих,астрономия

Сабақтың барысы:

а) Ұйымдастыру кезеңі:

Оқушылармен амандасу,түгелдеу, оқу құралдарын тексеру, сыныптың тазалығына көңіл бөлу. Оқушылардың зейінін сабаққа аудару.

ә) Үй тапсырмасын пысықтау:

Үйге берілген Сұлтанмахмұттың «Бір адамға» өлеңін жатқа сұраймын.Оқушыларға бірнеше сұрақтар қоямын.

б) Жаңа сабақты түсіндіру:

Бүгінгі танысатынымыз С.Торайғыровтың келесі шығармасы –«Шәкірт ойы»

1. Өлеңді мәнерлеп оқу.

2. «Миға шабуыл» әдісі арқылы талдау.

Шәкірт нені армандайды?

Елдің жүрегі неге мұздаған?

Ол неге жұлдыз емес Күн болғысы келеді?

1. Астрономиялық тұрғыдан жұлдыз бен Күн туралы ғылыми түрде түсінік береді. (электронды оқулық)

2. Топтастыру.

Қараңғылықтан құтқаратын

Күн болуды армандайды

Ілім-білімге құштар

ШӘКІРТ

Еліне адал қызмет еткісі келеді.

Надандықпен күреседі

1. «Менің ойым», ой түйін жасау.

2. Венн диаграммасы арқылы ортақ қасиетін тауып, жазады.

Өлең шумақтары бойынша сурет салу.

7.Өлең құрылысына талдау

Қараңғы қазақ //көгіне// а

Өрмелеп шығып //күн болам!// б

Қараңғылықтың// кегіне// а

Күн болмағанда,//кім болам?// б

Мұздаған //елдің жүрегін // в

Жылытуға //мен кірермін!// в

3 шумақ, 6 тармақ , 2 бунақ , 8 буынды кезектес,шалыс ұйқас.

Сергіту сәті. (Көзімізді жұмып, қолымызды тіземіздің үстіне қойып, тек жақсы нәрселерді ғана ойлаймыз. Көзімізді ашқанда, жақсы нәрсе болатынына ғана сенейік 1мин)

Сабақты бекіту

«Менің арманым», пікірлесу.

Білімді бағалау: Оқушылырдың жауаптарына ,сабаққа белсене қатысып отырғандарына қарай білімдері бағаланады.

Үйге тапсырма:

1. Сұлтанмахмұттың «Шәкірт ойы» өлеңін жаттау

2.«Бағасы жоқ байлық» тақырыбында шығарма жазу.

Қорытынды.

Жүсіп Баласағұнның «Біле бер, қанша білсең тағы тіле, Жетерсің мұратыңа біле-біле» деген сөзін әрқашан естеріңізге сақтап,білмекке құмар болыңыздар. Бүгінгі сабақтан түйген ойларыңыз болашақ өмірлеріңізден көрініс тауып,Күн нұрындай баршаға шуақ сеуіп жарқырап жүріңіздер.