Б.Соқпақбаев. «Менің атым Қожа» (Қожа бейнесі)

Сабақтың тақырыбы: Б.Соқпақбаев. «Менің атым Қожа» (Қожа бейнесі) Сабақтың мақсаты: а) білімділігі: Оқушыларға қазақ балалар әдебиетінің классигі Бердібек Соқпақбаевтың повестімен таныстыра отырып, мәтіндегі негізгі ойды ұғындыру, ойларын, пікірлерін еркін айтуға, өз көзқарастарын дәлелдей білуге үйрету; ә) тәрбиелілігі: Қожа бейнесі арқылы оқушыларды адамгершілікке, мәдениеттілікке, әдебиетті сүюге, үлгі өнеге алуға шақыру, жағымсыз қасиеттерден аулақ болуға тәрбиелеу; б) дамытушылығы: Жазушы шығармалары арқылы әр оқушыны өзіндік ой-қиялына ерік бере отырып, өзінше ой түюге баулу, ізденуге талпындыру, шығармашылық қабілеттерін дамыту. Сабақтың түрі: бекіту сабақ Сабақтың әдісі: сұрақ-жауап,сын тұрғысынан ойлау технологияларының стратегиялары, интерактивті сабақ элементтері, пікірталас, топтық, жұптық жұмыстар. Сабақтың көрнекілігі: интерактивті тақта, кітап көрмесі, кино фрагменттері, сұрақтар қорабы, слайд Сабақтың барысы Оқушылармен амандасу. а) Қызығушылықты ояту. б) Топтарға бөлу. Топтарға бөлу әдісі.(Үш топқа арналған парталар қойылады.Қима қағаздарда үш түрлі геометриялық фигураларды таңдап алады) Партада қойылған сол фигураға отырады. ІІ. Үй тапсырмасын тексеру. -Оқушылар, біз қазақ балалар әдебиетінің көрнекті өкілі Б.Соқпақбаевтың «Менің атым Қожа» хикаятын оқып шықтық. Автордың бұл шығармасы тіл қарапайымдылығымен ерекшеленеді. Өздерің ойлаңдаршы, бұл хикаятты қанша оқысақ та, теледидардан көрсек те еш жалықпаймыз. Осы жерде қояр сұрағым бар. Көркем әдебиет пен киноның айырмашылығы бар ма? Болса, қандай? -Енді, балалар әлеміне осындай қымбат сыйлық «Менің атым Қожа» хикаятын тарту еткен Бердібек Соқпақбаевтың өмірін, шығармашылығын еске түсірейікші. 1 .   Жазушы қай жылы, қай жерде дүниеге келді? 2 . Қандай шығармаларын білесіңдер? (Оқушылар сұрақтарға жауап береді) -   Жарайды, балалар! Енді хикаятты қаншалықты меңгердіңдер, кейіпкерлер қандай әсер қалдырды, қандай ой түйдіңдер, осының барлығы бүгінгі сабақ барысында білініп, бағаланбақ. Үйге тапсырма « Менің атым Қожа » деген тақырыпта болатын. Қане, кім сабаққа дайындықпен келді? -         Қалай ойлайсыңдар, үй тапсырмасы неліктен « Менің атым ...» деп аталады? -         Сендерге қандай есімдер ұнайды? -         Повесть қалай басталатын еді? -         Қожа өз атына риза ма? -         Осы тарауда қандай ұлттық салт-дәстүр туралы айтылған? Оқушы: Балаға ат қою дәстүрі. -Мұғалім: дұрыс, балалар! Өмірге келген кішкентай сәбиге азан шақырып ат қою дәстүрі әлі де жалғаса бермек. III. «Менің атым Қожа» повесі бойынша Қожа-қиялшыл,сезімтал,зейінді бала тақырыбы. Мұғалім: - Жарайды, оқушылар! Енді бүгінгі сабағымызды бастаймыз. Сабағымыздың тақырыбы – «Қожа-қиялшыл,сезімтал,зейінді бала». Мақсатымыз – хикаят бойынша ойымызды жинақтау, Жантаспен салыстыра отырып, Қожа бейнесін ашу. - Балалар, біз алдыңғы сабағымызда Б. Соқпақбаевтың «Менің атым – Қожа» повесінен алынған үзіндімен таныстық. 
Енді бүгінгі сабағымыз осы сабақты қорытындылауға арналып отыр. 
- Балалар, Қожа сияқты бала сендердің сыныптарыңда бар ма? 
IV. Мағынаны тану. Ендеше, шығарма мазмұнын еске түсірейікші. Ол үшін «Ойлан,тап!» ойыны. Алдымен үш топ мына аспаптарды таңдап алайық.Осы аспаптардағы сұрақтарға жауап берейік.(Домбыра,қобыз,сыбызғы.)
1.Шығарма кейіпкерлерін еске түсіру.
1. Шығарма авторы кім? 
2. Шығарманың бас кейіпкері? 
3. Қожаның шын аты кім? 
4. Қожаның анасының аты? 
5. Қожаның сынып жетекшісі
6. Қожаны дұшпанындай көретін бала кім?
7. Қожаның досы кім?
8. Мектеп директоры 9.Қожаның сыныптас қызы,сыныптағы үздік оқушы кім? 10.Қожа оны жек көреді,өйткені анасынан қызғанады. 11.Қожаның айтуынша: «Мұғалімнің ішіндегі-алтын адам»-Ол кім? 12.Мектеп күзетшісі. -    Сабағымызды хикаят бойынша өзімізге таныс кейіпкердің бейнесін саралаумен бастаймыз. Барлығымыз дәптерлерімізді ашамыз, ұнамды-ұнамсыз кейіпкерлерді екі топқа бөліп жазамыз. Бір оқушы тақтаға шығып жазу керек. Тақтаға... -         Мына оқушымен келіспейтіндерің бар ма? -         Ал, мен кейбір саралауларыңмен келіспей тұрмын. Маған өз көзқарастарыңызды дәлеледеп көріңдерші. V.Дәптермен жұмыс Ұнамды кейіпкер                          Ұнамсыз кейіпкер (оқушылар дәлелдеп шығады) Мұғалім: - Иә, балалар! Сендер өз көзқарастарыңды дәлеледеп шықтыңдар. Оларыңды мен де құптаймын. Мен бұл пікірді сендердің көзқарастарыңның нақты дәлелденуіне ықпал ету мақсатында пайдаландым. Сондықтан өмірде де әрқайсың өз позицияларыңның дұрыстығын дәлелдей біліңдер, саралай біліңдер. ҮІ. Жұптық жұмыс.Б.Соқпақбаев повесі бойынша әдеби ойын. «Сұрақтар қорабы» Мұғалім: - әрі қарайда өз ойын ашық айтып, өз пікірін қорғай алады деген сеніммен «Сұрақтар қорабы» бойынша жұмыс жүргіземіз. Қорапта түрлі түсті конверт салынған. Әр оқушының алдында түрлі түсті төртбұрыштар бар. Сол түрлі түсті төртбұрыштар бойынша 2 оқушыдан топтаса қойыңыздар. Жұптасқан түстеріңіз бойынша конверттерді таңдай отырып, сұрақтарға жауап береміз. Яғни, осы хикаяттың ішінен оқушы ережесіне жатпайтын Қожа мен Жантастың қандай ұнамсыз қылықтарын байқадыңдар, соны талдаймыз. 1.     Лагерьге жолдама бермегені үшін Майқанова апайды ренжіткен Қожаның ісіне қалай қарайсың? 2.     Оқулық алу үшін мұғалімді алдағаны дұрыс па? 3.     «Қысқы кешті» жаттамаған Жантас не істеді?   Онысын қалай бағалайсың? 4.     «Қысқы кешті» жаттамаған Қожақандай күйде болды? 5.     Қара Көже, мынаның не екенін білесің бе? Біз лагерьге баратын болдық. Ал сен, көшедегі иттерді тәртіпке салуға қалатын болдың. Осы сөздермен Жантастың қандай сипаты көрінеді? 6.     Сұлтанға еріп, «Бұзық бала» атануына көзқарастарыңыз? Бұндай балалар бүгін де араларыңда бар ма? 7.     Түбінде адам болатын бала деуі не себепті? 8. Майқанова апайды Қожа немен қорқытады? -         Міне, балалар! «Жақсыдан үйрен, жаманнан жирен» дегендей сендер жақсылықты үлгі етіп, жамандықтан аулақ болады деген сенімдемін. -         Енді, балалар, хикаяттың басты кейіпкері Қожа туралы қандай пікір қалыптасты – осыны білу үшін Жантаспен салыстыра отырып, мінездеме беріп көрейік. Пікірталас Мұғалім: «Қожа қандай бала?». «Жантас қандай бала » - деген сұраққа жауап іздейміз. Менің байқауымша, сіздердің пікірлеріңіз әртүрлі. Соған байланысты балалар екі топқа бөлінеміз. (Әр топ өз тұжырымдарын дәлелдейді) І топ – жақтаушы топ. Қожаның ісі дұрыс деп, ойын дәлелдейді. ІІ топ – даттаушы топ. Қожаның ісі дұрыс емес деп теріс шығарады да, дәлелдейді. IIIтоп – Жантастың ісі дұрыс деп, дұрыс емес деп дәлелдейді. І топ – Жақсы бала жеткізеді мұратқа (Қожа – жақсы, алғыр, ақылды, әділетті, мейірімді) ІІ топ – Тентек бүлдіреді, ата-анасын күйдіреді (Қожа – тентек, өтірікші, шыдамсыз, бұзық, тиянақсыз). VII.Қорытынды.Оқушылардың сабақты толық меңгергені туралы «Тапқыр болсаң .озып көр» ойыны арқылы байқайық. 1.     «Бұл кім?» -         Аузымды түтінге толтырып алып, жұтып кеп қалғаным сол екен бір керемет улы газ өңешімнен шеңгелдеп ала кеп түсті. Жер дүние төңкеріліп бара жатты. (Қожа) -         «Жаңа оқытушы бізді оқу жылының басталуымен құттықтады, өзін таныстырды...» (Сәбира Майқанова) -         «Шыбыным, әйтеуір ешкімге тимей, ұрынбай, жайыңа жүр. Сенің тентегіңді менен басқа ешкім де көтермейді. Біреудің ала жібін аттаушы болма» (Анасы Миллат) -         Мен сенің әкеңе қарыздыгер адаммын. Мойнымда оның тиыны емес, теңге емес, бақандай бір қарасы жүр. (Сәйбек қарт) -         Біреуді біреуге атыстырып, от тастап жүретін қу, сабақ үстінде сыбырлап-сыпсыңдағыш. (Жантас) -         «Сен оқуды тастасаң, маған ілесіп тастады деп екеумізді бірдей қудалап пәле қылады. Оқи бер. Оқудың түбіне сен-ақ жет. Мүмкін кейін дырдай басатықтың бірі болып шығарсың. Сонда маған шапағатың тиер». (Сұлтан)

2.     «Бұл қай сәт?» -         Терезенің тұсында мектептің бағы бар. Осыдан бес, алты жыл бұрын өз қолымызбен отырғызылған теректер. Бір теректің басына маймылша өрмелеп шығып алдым. (Пед.кеңес болып жатқан сәт) -         Қоңырау әлі бола қоймаған. Сол кезде басыма сап етіп, бір қызық ой келе қалды. Кішкентай бақаның бірін Майқанованың сөмкесіне сүңгіттім де жібердім. (Сөмкедегі бақаның шыға келу сәті) -         «Есікті аша бергенімде, тынысым мүлде бітіп, жүрегімнің соғуы тоқтап қалғандай болды. Сол кездегі келбетім көлденең көзге тірі аруақ тәрізді қыбырлаған бірдеңеге ұқсар деймін» (Бақа оқиғасынан кейін апасымен кездесер сәт). VIII. Оқушыларды бағалау. IX. Үйге тапсырма. «Мен әдепті баламын» ой толғау.