"Ана – те?десі жо? ??дірет"

Қожағалиева Айымгүл Махсотқызы

І санатты қазақ тілі мен әдебиеті пәнінің мұғалімі,

Бөрлі ауданы, Қызылтал ЖОББМ.

Сабақтың тақырыбы: Ана – теңдесі жоқ құдірет

Сабақтың мақсаты:

а) Ғабит Мүсіреповтің «Ананың анасы» атты әңгімесін қорытындылау, алған білімдерін жинақтап бекіту;

ә) оқушыларды ананы құрметтей білуге, мейірімділікке, сыйластыққа тәрбиелеу;

б) оқушылардың белсенділіктерін шыңдау, ізденуді жандандыру.

Әдісі: СТО технологиялары: РАФТ, ББҮ, ", жұптас, бөліс" , топтық

тапсырмалар,т.б.

Сабақтың түрі: топтық жұмыс, білімді жинақтап, қорыту сабағы.

Пәнаралық байланыс: орыс тілі, ағылшын тілі, қазақ тілі, ән-күй сабағы.

Көрнекілігі: Ғ.Мүсіреповтің портреті, жазушы шығармалары, интербелсенді тақта, үнтаспа,т.б.

Сабақтың барысы:

Жоспары

Кіріспе

" Бәйге" (зымыран сұрақтар) .

" Көкпар" (мақал-мәтелдер айту).

" Полиглот".

Негізгі бөлімі

"Жанды сөз" (кітаппен жұмыс)

" Білгірлер " (дәптермен жұмыс)

Қорытынды

"Ділмар" (түйінді ой айту).

Қызығушылығын ояту

Топқа бөлу тренингі

Үнтаспадан "Ана туралы баллада" әнінен үзінді тыңдалады.

( Әндегі ана бейнесі алып ағашқа теңеліп, оның жапырақтары арқылы оқушылар топқа бөлінді. 6 жапырақтан "Ана"тобы, 6жапырақтан "Жалпақ батыр"тобы, 6жапырақтан "Қоғам" тобы шығады).

(Ұйымдастыру кезеңінде оқушылар ойынның өту барысымен таныстырылады).

1."Бәйге" (зымыран сұрақтар).

1-сұрақ. Аппақ, ақ қарбас,етектей сақалын балуан бармақтарымен сипалап отырған кім? (Әйтілес қарт)

2-сұрақ. Оның әңгімесін тыңдаушылар кім? (балалар, саудагер, Рамазан, молда)

3-сұрақ. Әңгіме Әйтілес қарттың ертеде өткен оқиғаны жаңғыртып айтуынан басталады.Мұны әдебиет теориясында не дейді? (Экспозиция)

4-сұрақ. Бала бидің батыры кім? (Жалпақ балуан)

5-сұрақ.Оның шабуға барған елі. (Ергенекті)

1-сұрақ. Ергенекті елінен бірінші рет жеңілгенде Жалпақ балуан нешеде? (Алты жасар)

2-сұрақ. Екінші рет Жалпақ балуан неге жауға шапты? (Намысқа шыдамаған еді)

3-сұрақ. Ергенекті елінде Жалпақ балуанның қандай құнды дүниесі бар деп ойлайсың? (Қалыңдығы)

4-сұрақ. Жалпақ балуанның қасында қанша жігіт бар деп ойлайсың? (Қырық жігіт)

5-сұрақ. Батырдың тілегі не? (Жаумен кездесу)

1-сұрақ. Бидің тілегі не? (Жылқыға кездесу)

2-сұрақ. Жылқының бір шетін төңкеріп,қиқулап келе жатқанда барымташыларға кім кездеседі? (Тезек терген қыз)

3-сұрақ.Тұтқынға түскен қызды бірінші болып кім қуып келеді? Оның халі не болды екен? (жылқышы әкесі,өледі)

4-сұрақ. «Жаным,сен неткен жансың? Сен қазақтың қатыны шығарсың да,өзімді батыры шығар деп ойлаймын ... Бұл кімнің сөзі?

5-сұрақ. Батыр мен оның жігіттерінің артынан неге Ергенекті елі қуып келмеді? (Себебі Ергенекті елі басқа елді шауып кетеді.)

2." Көкпар". (мақал-мәтелдер айту) әр топ 5 мақалдан айту керек.

Ана туралы мақалдар:

Ананың көңілі балада,

Баланың көңілі далада.т.б.

3. " Полиглот."

Әңгімеден сөйлемдер алынып,ішінен бір сөз қалдырылып кетеді.Оны 3тілде айтып шығады.

1.Уа,жалпақ! Ергенекті елімізді ... рет шапты? /екі,два,two/

2.Біз даланың ессіз ерлеріміз ғой.Неге түрткенде ғана селт етеміз. Неге ... түртпесе көрмейміз? /көз,глаза,ear/

1. ... болсаң өзімді әкет,қызымды қайтарып бер. /еркек,мужчина,man/

2. Артымдағы ... еңіреп жіберді де,белімдегі білегін суырып-ақ алды. /қыз,девушка,girl/

1.... қызын,қызы ... жұбатып өзді-өзі болды да қалды. /шешесі,мать,mother/

2. Аппақ,ақ қарбас,етектей сақалын балуан бармақтарымен сипалап отырған ...? (Әйтілес қарт)/қарт/старик/

ІІ Мағынаны тану

Топтық тапсырмалар:

Бірінші топқа: Ғ.Мүсіреповтің өмірбаяны.

Екінші топқа: Ана тақырыбындағы әңгімелері арасындағы сабақтастық.

Үшінші топқа: Әңгіменің композициялық құрылымы.

5. "Білгірлер". «Ойлан, жұптас, бөліс» әдісі бойынша:

1-тапсырма. Әңгіме неге «Ананың анасы» деп аталған? Өздерің қалай атар едіңдер? Өзгерту себебіңді нақты түсіндір.

2-тапсырма. Қай кейіпкерге өзің автор ретінде өзгерту енгізер едің? Немесе қай кейіпкердің іс-әрекетін қолдағың келмейді? Неліктен?

3-тапсырма. Осы шығарманы өзің жазсаң, қалай аяқтар едің? Өйткені ...

ІІІ Ой толғаныс

7." Ділмар". 3 топқа тапсырма беріледі.

Сәлемдеме конверт ашылып,одан төмендегідей қанатты сөздер шығады.

1. Ана – теңдесі жоқ құдірет.

2. Ана – сарқылмайтын күш.

3. Ана махаббатында шек жоқ.

Берілген тақырыптарға ана махаббатының құдіретін дәлелдеу мақсатында бірлесе отырып топ мүшелері мәтін дайындайды.Әр топ өз өкіліне сөз береді.

Сабақты бекіту:

РАФТ

Анаға хат .

"ББҮ" әдісі

Оқушылар критерий арқылы өзара бірін-бірі бағалайды

Үйге тапсырма

"Ана" тобына ана туралы өлең шығару.

"Жалпақ батыр" тобына әңгіме мәтініне байланысты сурет салу.

"Қоғам"тобына "Қоғамдағы ананың рөлі" ойтолғау жазу.