Абай ??нанбаев шы?армашылы?ы

Алматы облысы, Сарқан ауданы

М.Жұмабаев атындағы орта мектеп

Баймухашева Умитай Нурахметовна

Абай Құнанбаев шығармашылығы

( 9 - сынып )

Сабақтың мақсаты: 1. Абай шығармаларының өзіндік ерекшелігі,

пікірлерінің құндылығы, ондағы жаңашылдық

жайлы білімдерін қалыптастыру.

2. Оқушылырдың ақын өлеңдеріне деген

сүйіспеншіліктерін оята отырып,

елжандылыққа, жауапкершілікке тәрбиелеу.

3. Ойлау қабілеттерін, сөйлеу мәдениеттерін

таным - түсініктерін дамыту.

Сабақтың түрі: қайталау сабақ

Әдіс –тәсілдер: іздену, баяндау, топпен жұмыс

Көрнекіліктер: Абайдың суреті, кітаптардан көрме, электронды

оқулық, интерактивті тақтамен жұмыс.

Сабақтың барысы.

І Ұйымдастыру кезеңі. Сабаққа әзірліктерін байқау. Әр топ

өздерін таныстырады. Кітаптар көрмесімен таныстыру.

ІІ Мақсат қою кезеңі. Мақсатты айқындау. Абай шығармаларының өзіндік ерекше құндылығын, ондағы дәстүр мен жаңашылдығын жас ұрпақ бойына қалыптастыру.

ІІІ Өткенді қайталау.

« Абай лебі, Абай үні, Абай тынысы – заман тынысы, халық үні. Бүгін ол біздің де үнге қосылып, жаңғырып, жаңа өріс алып тұр»

М.Әуезов.

Мұғалім сөзі: « Асыл сөзді іздесең,

Абайды оқы, ерінбе.

Адамдықты көздесең,

Жаттап тоқы көңілге», - деп С.Торайғыров айтқандай, біз бүгін өлең-жырды асыл сөзбен әдіптеген халқымыздың ұлы классигі, данышпан ақыны А.Құнанбаевтың өмірі мен шығармашылық жолына тоқталмақпыз. Абайды әлемге танытқан Мұхтар Әуезов « Абай үні- халық үні» деп баға берді. С.Мұқанов « Абай ақыл - ақын» деп биікке көтерді. Ал Ахмет Байтұрсынов болса, Абайды қазақтың бас ақыны етті.

« Ғалымның хаты өлмейді,

Жақсының аты өлмейді»,- демекші ақынның артында қалдырған өлмес, өшпес мұрасы мол.

Бүкіл әлемге қазақ деген халықты танытқан ұлы ғұлама ақынымыз Абай халықты өнер-білімге шақырып, надандықпен күрескені баршамызға аян. Өзіміз оқып, түсініп, ұғып, сол жолмен жүрсек , ақынның өзі айтқандай « дүниенің бір кірпіші» болып қаланарымыз анық. Ендеше, Абайды қаншалықты білеміз, соны байқайық.

І Топтастыру ( Әр топ мүшелері Абай Құнанбаев жайлы

пікірлерін ортаға салып, интерактивті тақтаға

топтастырады).

ойшыл данышпан

ақын сазгер

Абай Құнанбаев

аудармашы

ұлы классик кемеңгер т.б.

ІІ Абай Құнанбаевтың өмірі мен шығармашылығына

шолу.

ІІІ Абай өлеңдерін терең ұқ.

«Ақын поэзиясы жайлы пікір айту, үзінді оқу» жарысы

( Интерактивті тақтаның пердесінен тапсырмаларды реті бойынша шығару, оқушылардың жылдам ойлау қабілеттерін арттыру).

1. Абай және қазақ. Шығыс әдебиеті.

2. Абай және орыс, Батыс әдебиеті.

3. « Ғылым таппай мақтанба» өлеңін жатқа оқы.

4. « Ақыл, қайрат, жүректі бірдей ұста...»

5. «Қалың елім , қазағым , қайран жұртым» өлеңін жатқа оқып,

пікіріңмен бөліс.

6. «Ғашықтық құмарлықпен – ол екі жол...» ( Ой өрбіт ).

7. Абайдың табиғат лирикасы туралы ойыңды ортаға сал.

( Өлеңдерін жатқа оқы, талда).

8. «Ұйықтап жатқан көңілді ән оятар»

9. Абай поэмалары. ( Поэмаларынан үзінді оқып жарысу, талдау).

ІV Абайдың қара сөздері ( Қара сөздерін жатқа оқу,

пікірлерімен ой бөлісу).

V Ақын мұрасы - көпке ортақ ( Ақын-жазушылардың берген

бағасы, пікірі жайлы білімдерін ортаға салу).

VІ « Ұлыдан - ұлағат» ( Бейнетаспадан Абай Құнанбаевтың мұражайы , туған өлкесі , ескерткіші жайлы мағлұмат беру ).

ІV Қорытындылау. Тест алу, сабақты қорыту.

V Үйге: « Абай тағылымы» тақырыбына шағын шығарма.

VІ Оқушыларды бағалау.