Сабақтың мақсаты: Білімділік: Оқушыларға мәтіннің мазмұнын баяндата отырып, мәтіндегі негізгі ойды, идеяны ұғындыру, қызығушылығын арттыру, ойларын, пікірлерін еркін айтуға, өз көзқарастарын дәлелдей білуге үйрету. Дамытушылық: Жазушы шығармалары арқылы әр оқушыны өзіндік ой – қиялына ерік бере отырып, өзінше ой түюге баулу, мәтінмен жұмыс істеу, көркем шығармаға әдеби талдау жасау дағдыларын дамыту , ғылыми жұмысқа бейімдеу, ізденуге талпындыру, шығармашылық қабілеттерін дамыту. Тәрбиелік: Қожа бейнесі арқылы, оқушыларды адамгершілікке, мәдениеттілікке, әдебиетті сүюге, үлгі-өнеге алуға шақыру; жағымсыз қасиеттерден аулақ болуға тәрбиелеу.
Сабақтың нәтижесі: Оқушылар топтық жұмыс барысында өз ойын ашық айтуға мүмкіндік алады. Сыни ойлана отырып, басқалардың пікірін тыңдауға, өз бетімен ізденумен қатар жұптық, топтық ізденуге құлшыныс жасай алады. Сабақтың түрі: Шығармашылық сабақ Сабақтың типі:Бекіту сабағы Сабақтың әдісі: Оқыту мен оқудағы жаңа тәсілдер,сыни тұрғыдан ойлау, АКТ, жас ерекшеліктеріне қарай оқыту , талантты және дарынды балаларды оқыту,оқыту үшін бағалау
Сабақтың барысы: I. Ұйымдастыру кезеңі а). Оқушыларды түгендеу; ә). Оқушы мен сыныптың сабаққа дайындығын бақылау; б). Оқушыларды сабаққа психологиялық дайындау мақсатында «Атомдар мен молекулалар», тренингін өткізу; тренинг арқылы 3 топқа бөлу;
1-топ « Қожа», 2-топ «Жантас», 3- топ « Сұлтан»;
в). Бағалау өлшемімен таныстыру (өзін-өзі бағдаршам түстері арқылы бағалайды, жасыл-5, сары-4, қызыл-3)
II.Өткенді еске түсіру. Жазушы өмірі шығармашылығына тоқталу.
а).“... Алыстан арбалап материал тасымаймын, архивтің шаңын жұтпаймын. Жақыннан өз басымнан кешкенді, өзім байқап-түйгендерімді, өз айналамды дорбалап жинаймын. Бір сөзбен айтсам, өзін жазатын жазушымын. Мінез-құлық жағынан Қожа өзге емес, менің өзіме ұқсайды.” –бұл кімнің сөзі? ә). Жазушының қандай шығармалары бар? - «Менің атым Қожа» («Өзім туралы повесть»), «Жекпе-жек», Қайдасың, Гаухар?», «Өлгендер қайтып келмейді», «Аяжан», «Балалық шаққа саяхат», «16 жасар чемпион», «Алыстағы ауылда» т.б. III.Сабақты талдау.
1.Ой қозғау.
а). Әр топ өз тобының атына сәйкес кейіпкерге қысқаша мінездеме береді.
2. Мынау қай кейіпкер ? (Әр топ кезекпен жауап береді)
1).Біреуді біреуге атыстырып, от тастап жүретін қу, сабақ үстінде сыбырлап – сыпсыңдағыш кім?( Жантас)
2).-Мен оқулық емес, қант аламын. Сіздің не шаруаңыз бар, қоя беріңіз (Қожа).
3).-Біз екеуміз таныс шығармыз деймін? (С. Майқанова) 4). -Қадыров түбінде адам болатын бала,-деді (С. Майқанова) 5).-Мен үшін сенің адам болғаныңнан артық ешқандай бақыт жоқ,-деді. ( анасы)
3. Оқиғалар тізбегін ретімен орналастыр.(Интерактивті тақтамен жұмыс)
3.Маңдайымнан бұрқ етіп, суық терім шығып кетті.
4.Бақаның әлегі
5.Педсовет
2. Жолдама алған Жантас
1.Оқулық емес, қант аламын
IV.Сергіту сәті.«Шырша биі»
4.Мәтінмен жұмыс.
«Алты қалпақ» әдісі . (Сұрақтар әр топқа үлестірме қағазға жазып береді)
Ақ қалпақ. «Менің атым Қожа» повесінің авторы және повесть жайлы нақты деректер келтіріңіздер.
Сары қалпақ. «Менің атым Қожа» повесіндегі бас кейіпкер сіздерге ұнады ма? Қожаның бойынан қандай жақсы қасиеттерді байқадыңыз?
Жасыл қалпақ. Қожаны қазіргі балалармен салыстыруға бола ма? Осындай балалар арамызда бар ма?
Қара қалпақ. Қожаның қандай қылықтары ұнамады?
Қызыл қалпақ. Әңгімені оқи отырып қандай сезімде болдыңыздар?
Көк қалпақ. Болашақта кейіпкердің қандай жақсы қасиетін бойымызға сіңіреміз?
5. Қожаның жағымды жақтары .( Дәптермен жұмыс)
Өз ісіне есеп бере алады Жағымсыз іс-әрекеттерін жөндеуге талаптанады Өз-өзін тәрбиелейді Үлкенді сыйлайды
