Шиъруланы жыйымы "Анам"

МБОУ «Н-Дженгутаевская СОШ»

«Шиъруланы

жыйымы»

Язгъан: Абдурагъманов Мурат А.

3 «г» класны охувчусу Ёлбашчысы: Абдурагъманова У.С.

гиччи класланы муалими

Анам.

Ана деген асыл атдыр

Авазындан уьй тола.

Анабыз уьйде болса,

Уьюбюз ярыкъ бола.

Яз гелгендей исси бола уьюбюз

Яз гелмеген, къырда гьалиде яз тюгюл

Лап аявлу иссилигин яягъан

Аналагъа айтма сёзюм аз тюгюл.

Сюювден, бийик этип,

Ишлер эдим къалалар,

Бизге сюювюн берген,

Минг яшасын аналар.

Рагьмулу яш.

Уллугъа ва гиччиге

Абур тенг зат тарыкълы,

Абур сый этип билсенг

Бетинг болур ярыкълы.

Гишиге сен къаргъама,

Тергев эт гьар сёзюнге.

Яманлыкъны сен этсенг,

Къайтып гелир оьзюнге.

Уллугъа сен абур эт,

Гиччиге буса сый эт.

Гётерген югю болса

Алып, уьюне сен элт.

Автобусгъа мингенде

Уллугъа туруп ер эт.

Уллулар сёйлейгенде

Туруп къырыйындан гет.

Шо абур-сыйны бизге,

Воллагь, этме тарыкълы.

Абур-сый этгенлени

Бети болур ярыкълы.

Адамлагъа ачув тутма.

Ачув санынгдан чыгъар

Ачув этсенг гишиге,

Аякъ тюбюнгден чыгъар.

Гирип гелген къонакъгъа

Тез-тез бер сен ашынгны.

Шу затланы юрютюп,

Сыйлы эт сен башынгны.

Мени муалимим.

Мен школагъа юрюйген

Гьалиде гиччи яшман.

Уьчюнчюге барагъан

Охувчу къатарбашман.

Мени муалимимни

Бары да яшлар сюе.

Яшгъа гёре яш болуп

Оьзюн сюйдюртюп биле.

Аявлу анам.

Гёзюм ачып, уянып

Дёртде якъгъа къарайман

Къыргъа чыгъаман чабып

Болмасам сени табып.

Анам мени аявлум

Шавла береген гюнюм

Анам, аркъатаявум

Чечек ачагъан гюлюм.

Уьч класына барагъан

Школада охувчуман

Шиъру язма къарайгъан

Мурат деген уланман.

Ата юрт, ва ана тил

Адамны оьктемлиги

Ана тилден гёрюне

Юрекни эркинлиги.

Тувгъан элинг, ата юрт

Сагъа этедир умут

Ари тур осал ишден

Уьлгю алардай сенден

Сурат дарсда

Март айны баш гюнлери.

Уьчюнчю «г» класда

Яшлар салып гьюнерин,

Сурат этелер дарсда.

Этме тюшеген сурат

Гьазиринде билинген.

Гьар кимге гёрюнсюн деп,

Доскасына илинген.

Суратда къызыл гюл бар

Бир къолну аясында.

Шону этме башлагъан

Яшланы барысы да.

Къуш къанатдай – къашлары,

Оьзлер – жымчыкъ баладай.

Бу класны яшлары

Художниклер болардай.

Бираз артдырмакъ учун

Оланы гьаракатын,

Буварып, булай деди

Учительница къатын:

- Къатынланы байрамын

Унутмагъыз вёрегиз.

Шу суратны савгъатгъа

Анагъызгъа беригиз.

Сурат этеген къолу

Токътады бир къызъяшны.

Ярты къалгъан суратгъа

Агъып гетди гёзъяшы.

Этеген шо суратны

Не учун бёлген экен?

Бир йыл алда бу къызны

Анасы оьлген экен…