О?ушыларды? білім ал?анды?ыны? д?лелдемелері ?амтыл?ан тізбектелген саба?тар топтамасынан алын?ан саба? бойынша рефлексивті есеп.

Павлодар облысы, Ертіс ауданы, Қоскөл ЖОББ мектебінің қазақ тілі мен әдебиеті мұғалімі Беспаева Айсұлу Оразқызы

Оқушылардың білім алғандығының дәлелдемелері қамтылған тізбектелген сабақтар топтамасынан алынған сабақ бойынша рефлексивті есеп.

.

Сындарды оқытуға негізделген сабақтар оқушыларға өз білімдері мен сезімдері жайында ойланып, сұрақтар қойып, білімін толықтырып, белгілі бір тақырыпты оқып – білу өз түсінігін өзгертуге мүмкіндік береді. Оқыту туралы сындарлы түсінік оқушыға нақты білім беруді мақсат тұтқан мұғадімнің өз сабақтарын оқушының идеясы мен білім – біліктілігін дамытуға ықпал ететін міндеттерге сай ұйымдастыруын талап етеді. Бұндай міндеттер оқушылардың оқыған тақырып бойынша білімдерін өз деңгейінде көрсетіп, кейбір болжамдар бойынша күмәнді ойларын білдіре алатындай, пікір – көзқарастарын нақтылап, жаңа ұғым –түсініктерін өрістетуге орайластырып құрылады. (Нұсқаулық, 7 бет).

Мектеп тәжірибесіндегі орта мерзімді жоспарлауымдағы бір сабағымды талдамақпын. . . . . . . . . . . . .. . . . . . . . . . . . . . . . . . . . . . . . . . . . . . . . . . . . . . . . . . . . . . .

Тізбектелген сабақтар топтамасындағы өз сабақтарымды 7 модульден кіріктіріліп құрдым. . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Сабақтың тақырыбы: Қазыбек бидің өмірі мен шығармашылығы.

Сабақтың мақсаттары : . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1. Қазыбек бидің өмірі мен шығармашылығын меңгерту;

2. Түрлі әдістерді қолдана отырып, ойлау қабілеттерін дамыту, сабаққа деген қызығушылықтарын ояту;

3. Оқушыларды татулыққа, ауызбірлікке тәрбиелеу.

Сабақтың жабдықталуы : Интербелсенді тақта, флипчарт, оқулық, үлестірмелі карточкалар, бағалау парағы. . . . . . . . . . . . . . . . . . . . . .. . . . . . . . . . . . . . . . . . . . . . . . .

Сабақтың әдіс-тәсілдері: ақпараттық – коммуникациялық технологиялар, сыни тұрғыдан ойлау, жас ерекшелігіне сәйкес оқыту, дарынды оқушылармен жұмыс, диалогтік оқыту, көшбасшылық, бағалау. . . . . . . . . . . . . . . . . . . . . . . . . . . . . . . . . . . . .

Жұмыстың формасы: топпен, жеке дара, жұптық. . . . . . . . . . . . . .. . . . . .. . . . . .. . . . . . Сабағымның ұйымдастыру кезеңінде уәж тудыру мақсатында оқушыларға

Шаттық шеңберін құрғызып, бір – біріне тілек айтуын сұрадым. Бұл стратегия сыныптағы психологиялық ахуалды жақсартуға ықпалын тигізді.

Жаңа тақырыпқа интербелсенді тақтадағы Қазыбек би портреті және оның айтқан «Кім қымбат?» нақыл сөзі арқылы шықтым. Бұл жерде АКТ - ны пайдалану жүзеге асты. Оқушыларды сабаққа дайындау кезеңінде сабақтың мақсаты мен міндеттерін ашып, жас ерекшеліктеріне сәйкес оқыту және оқу модулін қолдандым. Оқу – танымдық әрекетін ұйымдастыру кезінде, «Автор орындығы» стратегиясын және интернетті қолдандым. Бірінші топ оқулықтағы мәліметті топта оқып талдаса, екінші топ қосымша деректі интернеттен іздеді. Тақырыпты меңгергеннен кейін, «Автор орындығына» әр топтан екі оқушы отырып, меңгерген материалды сыныпқа түсіндірді. Қазыбек бидің шығармашылығын тану үшін оқушыларға берілген сұрақтарға жауаптарын «Нүктемен дауыс беру» стратегиясы арқылы

иллюстрациялау тапсырмасы берілді.

Бұл тапсырманы оқушылардың ой – өрісін дамыту мақсатында қолдандым. Дауыс берудің шарттары түсіндірілді. Оқу үлгерімі төмен оқушы Наурызбай бұл тапсырманы үлкен қызығушылықпен орындады. Қазыбек бидің «Кім жақын?», «Не қымбат?» деген шешендік сөзін оқушылар екі түрлі түсіндірме күнделігін толтырып орындады. Жұппен бір-бірін тексерді. Сын тұрғысынан ойлау технологиясы бойынша RAFT әдісін ұсындым. Оқушылар рөлге бөлініп,

«Жұмбақты жұмбақпен шешу» атты Қазыбек бидің шешендігін танытатын мәтіннен шағын көрініс қойды. Бұл тапсырманы орындауда екі топ басшылары Қарлығаш пен Камила белсенділіктерімен көзге түсті. Дарынды балалармен жұмыс ретінде мен түрлі түсті қағаздардағы Қазыбек би айтқан аталы сөздерін оқып, өз ойларын дәлелдеуге тапсырма бердім. Оқу үлгерімі жоғары оқушы Қарлығаш Қазыбек бидің шешендік сөзін екі түрлі түсіндірме күнделігіне салып талдады.

Мен оқушыны сұрақтарыма берген жауаптарының негізінде де бағалай алдым. Әр оқушының топта бірлескен жұмысынан соң, қорытуға арналған әзірлеп келген сұрақтарымды қойып, жауаптар алдым. Ол сұрақтар оқығанға баға беру, пікірін, көзқарасын білдіруге лайықталынып қойылды. Мысалы:

• Сіздің ойыңызда не сақталып қалды?

• Қазыбек бидің қандай сөзі сені қызықтырды?

• Қазыбек бидің қалмақ ханына айтқан сөзін сен қалай бағалайсың? т.б. түрінде. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Топтық жұмыс жүргізу арқылы байқағаным: оқушылар сабақты өз еріктерімен қажеттілік ретінде қабылдады. . . . . . . . . . . . . . . . . . . . . . . . . . . . . . . . . . . . . . . . . . . . .

Сабақтың бекіту кезеңіне интербелсенді тақтада «Қазыбек бидің шешендік сөздері» жайлы мәліметті жобалап, постер құруға бердім. Бұл тапсырманы оқушылардың танымдық қабілеттерін арттыру үшін бердім. Екі топ та постерлерін жақсы қорғады. . . . .. . . . . . . . . . . . . . . . . . . . . . . . . . . . . . . . . . . . . . . . . . .. . . . . . . . . . . . . . . .. .

Тақырыпты қорытындылау мақсатында, дарындылықты дамыту тапсырмасы «Қазыбек би» тақырыбына бір шумақ өлең шығаруды бердім. Бұл тапсырманы оқу үлгерімі жоғары оқушылар Қарлығаш, Әсем және Камила орындады. Топпен жұмыс кезінде оқушылар ой бөлісіп, өз пікірлерімен алмасты, басқа оқушылардың қозқарастарын тыңдап білді. Жалпы екі топтың жұмысы ұйымдасқан түрде болды. Жұмыс кезіндегі психологиялық ахуал да жақсы болды. Топ мүшелері топ басшыларының көмегімен тапсырмаларды бір - бірімен кеңесіп жасады. Әр тапсырма орындаған сайын мен мадақтау айтып, қолпаштау көрсетіп отырдым. Оқу үлгерімі төмен оқушылар да сабаққа қызығушылық таныта қатысып отырды. Мысалы Саят топпен постер дайындауға атсалысып, оны қорғауға шықты. Бұл жақсы өзгеріс. Себебі Саят мінезі тұйық, ұяң оқушы. Өткен сабақтарда ол көрінбей ақырын отыратын, ал топпен әрекеттесіп жұмыс істегенде оның сабаққа деген қызығушылығы артты, бойындағы өзіне деген сенімсіздік жойыла бастады. Үлгерімі төмен оқушы Наурызбай керісінше, мінезі ашық, жайдарлы бала. Бірақ кей - кезде сабақтарда сабаққа қатыспай, кейде дәптерлері де болмайтын. Осы сабақтарда Наурызбай өзін керекті топ мүшесі ретінде сезді. Постер салуға, тұжырымдамалық карта жасауда белсенді болады. Осы сабақта оқушылар өздерін еркін ұстады, ойларын айтуға қысылмады. Сабақ басында бағалау парағын беріп, бағалау критерийлерін талдап алдық. Бағалау кезінде әр топ қарсылас топ мүшелеріне формативтік баға қойып бағалады. Әр оқушыға топ басшылары жиынтық баға қойды. Топ басшылары топ мүшелерінің бағаларын нақты дәлелдермен критерий арқылы қойды. Жиынтық бағаны топ басшыларының қойған бағасына сүйеніп, өзім қойдым. Сабақты оқушылар стикерлер арқылы қорытындылады. . .

Кездескен қиындықтар: Оқушылар көркем мәтінді жан - жақты талдауда қиындық көрді.

Шешу жолдары: Оқушылардың көркем мәтінді талдау дағдыларын жетілдіру қажет. . . . . . . . . . .. . . . . . . . . . . . . . . . . . . . . . . . . . . . .. . . . .. .. . . . .. . . . . . . . . . . . . . . . Нәтиже: Менің сынып оқушыларымен қарым-қатынасым және оқушылардың қарым-қатынастарын жетілдіру жолындағы оқу үдерісі дұрыс қалыптасып, көшбасшылық қасиеттердің дамып келе жатқаны байқалды. Оқушылар өзін-өзі реттеуді үйреніп келеді, ойлау дағдылары шыңдала түсті. Оқытуда білім технологияларын ықпалдастыру - мұғалімнің қарқынды дамуы мен оқушылардың сыни тұрғыдан ойлау қабілеттері мен дағдыларының жетілу өзгерістерінің дәлелі. . . . . . . . . . . . . . . . . . . . . . . . . . . . . . . . . . . . . . . . . . . . . .

Бүгінгі сабағымда жеті модульді қолданып, сабақ жоспарын құрған кезде жоспарланған жұмысым оң нәтиже берді деп ойлаймын. Себебі сабақта оқу үлгерімі төмен оқушылар үлгерімі жоғары оқушылармен бірге әрекеттесіп, тығыз байланыс орната отырып, өз деңгейлерінде жақсы жұмыс істеді. Оқушылардың Балалардың сабаққа деген қызығушылықтары, ынталары, танымдық және ойлау қабілеттері артты деп есептеймін. .. . . . . .. . . .. . . . . . . . . . . . . . . . . . . . . . . . . . . . . . . . . . . . . . . . . . . . Кейінгі әрекет: Әр сабақты оқушымен санаса отырып, жеті модульді қолданып жүйелі жүргізу. Кәсіби шеберлігімді шыңдау. . . . . . . . . . . . . . . . . . . . . . . . . . . . . . . . .