Эссе жазу оқушылардың шығармашылық қабілеттерін дамытудың бірден-бір жолы

Эссе жазу оқушылардың шығармашылық қабілеттерін дамытудың бірден-бір жолы.

Биылғы жылғы жоғары оқу орнына түсетін талапкерлерге эссе жазу заң өте орынды деп есептеймін. Техника мен ғылымның дамыған заманда, компьютер арқылы ғаламторды меңгерсекте эссе жазу арқылы іштегі ойды жарыққа шығара отырып, оқушы бойындағы шығармашылық қабілеттерін жетік жеткізуге жағдай туғызады. Белгілі бір тақырыпқа жазылған эссе оқушы белсенділігін арттыра түсіп, келешекке мамандық игерудегі талапкер жастардың таным-түсініктерін, өмірге деген көзқарастарын, ертеңгі күнге деген қызығушылықтарын, ізденушілік құлшыныстарын дамытатыны сөзсіз. «Талаптыға нұр жауар» дегендей үш тілдік заман талабына сай болғандықтан қазақ тілі ең бірінші орнында тұратыны сөзсіз. Өзге тілдің бәрін біл, өз тіліңді құрметтеу егемен еліміздің әр перзентінің парызы. Эссе жазаотырып, сөздік қорымызды молайту арқылы шешендік сөздер мен нақыл сөздерді және мақал-мәтелдерде ойымызды артырары сөзсіз. Кейбір жиындар да бір сөзді бірнеше қайталау арқылы сөздің мағынасын жоғалтып жатамыз. Эссе жаза білу, шығарманың мазмұнын терең ашу образға ену арқылы жазушылардың шеберлікпен жазылғанын білеміз. Көркем әдеби кітаптарды оқу арқылы тілдік қырымызды дамыту эссе жазуда синонимдерді тұрақты тіркестерді пайдаланудың орны зор. Шығармашылық қабілеттері бар оқушылармен жұмыс жүргізуде сөздерді орынды қолданудың мәтінмен байланысты. Сөз тіркестерін дұрыс қолданудың тиімді жолдары көп. Келешекте мектеп бітіруші түлектер арасында эссе жазуда бәсекелестік тудыру үшін түрлі жарыстар өткізу қажет. Мектепішілік, сыныпаралық жарыстар түрлі кештер мен байқаулар оқушылар бойындағы шығармашылық қабілеттерін арттырары сөзсіз. Көп сөз білу іштегі ойды сыртқа шығарудың бірден-бір құралы.

Ш.Қ.О. Үржар ауданы, Егінсу ауылы

«Ш.Уалиханов атындағы орта мектеп-бақша»КММ

Қазақ тілі мен әдебиет мұғалімі: Икласова Меруерт Бейсеновна