Tadbir i shlanma:''Amir Temur''.

Амир Темур – илм – фан ва маданият ҳомийси

(Кичик ёшдаги китобхонлар учун сценарий).

Муҳаррир: Нарзуллаева М.

Тузувчи: Тоирова Ф.

Мақсад: Амир Темур ҳаёти ҳақидаги тушунчаларни кенгайтириш. Амир Темурнинг давлат тузуми ва уни бошқаришдаги моҳияти келажак авлодларга қолдирган мероси, тузуклари ҳақида тушунча бериш. Биз Темур авлоди ва унинг эзгу ишлари давомчиси эканлигимизни англатиш. Миллий ифтихор туйғусини шакллантириш.

Ахборот-кутубхона ва ахборот ресурс марказлари ёки бирор бир ташкилотнинг тантаналар зали ушбу тадбирга монанд безатилади. Кеча мавзусини ёритадиган адабиётлар кўргазмаси ташкил қилинади. Саҳна тўрида Буюк бобомиз Амир Темурнинг портрети. Портрет тагига “Куч адолатдадир” деган сўзлар ёзилган.

1-Бошловчи:

- Йилларнинг қаъридан омон чиқолган,

истибдод тахтини енгиб, йўқолган,

истиқлол машъалин гурлаб ёқолган

Боши осмон бўлсин бугун ўзбекнинг,

Донғи бўстон бўлсин бугун ўзбекнинг!

2-бошловчи:

- Беруний яратган зиёси билан,

Жон табиби – ибн Синоси билан

Қадди баланд бўлсин бугун ўзбекнинг,

Жисми пайванд бўлсин ўзбекнинг!

• Амир Темур отлиқ бобоси билан

Марварид яратган навоси билан

Интизор Бобурий Мирзоси билан

Насли улуғ бўлсин бугун ўзбекнинг,

Рисқи тўлиқ бўлсин бугун ўзбекнинг!

1-Бошловчи: Ассалому Алейкум азиз устозлар ҳурматли китобхонлар.

2-бошловчи: Бугун биз Буюк бобомиз Амир Темур таваллудига бағишланган тадбирни ўтказиш учун йиғилиб турибмиз.

1-бошловчи: Амир Темур бобомиз буюк соҳибқирон, саркарда ва қудратли мамлакат тузиб уни адолатли идора этган. Моҳир давлат арбоби бўлган.

2-бошловчи: Ҳурматли меҳмонлар бугун фаол китобхонларимиз буюк бобомизни мадҳ этувчи шеърлар ҳамда у зотнинг ҳаёти ва фаолияти тўғрисида турли маълумотлар тайёрлаб келишган. Ҳозир навбатни уларга берамиз.

1-бошловчи: Марҳамат азиз китобхонлар.

1-ўқувчи: Амир Темур бобомиз

Марду жасур бобомиз.

Жангу жадаллар кезган,

Буюк юртга – юрт тузган,

Абадий ўчмас номи.

Тилимизда каломи.

Унутмаймиз ҳеч қачон,

Сизни улуғ бобожон.

2-ўқувчи: Буюк салтанатни тиклади Темур

Истаги авлодим отса зўр томир

Мулки Турон дунё узуги бўлиб,

Халқим осойишта кўрсайди умр.

3-ўқувчи: Соҳибқирон айтар эй фарзандларим,

Кўзимнинг қароғи жон дилбандларим,

Миллатнинг дардига дармон бўлингиз,

Бўшаштирманг менинг бўғин бандларим.

4-ўқувчи: Адолат, озодлик дастида бўлиб,

Ёмонлик разолат қасдида бўлиб,

Нифоқ тухумларин экмангиз асло

Яхшилик эзгулик ростида бўлинг.

Миллий рақс ижро этилади: (Рақс тугагач, ўқувчилар Амир Темурнинг ҳаёти ва фаолияти ҳақида сўзлаб беришади).

1-ўқувчи: Буюк бобомиз 1336 йил 9 апрелда Кешда унча узоқ бўлмаган Хўжа илғор қишлоғида барлос уруғига мансуб бўлган Бек Тарағай Баҳодир оиласида дунёга келди.

2-ўқувчи: Темур ёшлигидан билимга ташна бўлиши билан бирга ҳарб илмига қизиққан, отларни жуда севган ва моҳир чавандоз бўлган.

3-ўқувчи: Амир Темур жуда олий жаноб қалб эгаси бўлган. У Мовороуннаҳрдек буюк давлат тузган. Эрон, Туркия, Ҳиндистон каби йирик давлатларда илм маърифат, маданиятни тарғиб этган. Қизил ўрданнинг истилочилик ҳукмронлигига барҳам берган.

4-ўқувчи: Амир Темур иқтисодий мустаҳкам, халқ манфаатларини ҳимоя қилувчи давлат тузди.

5-ўқувчи: Амир Темур Буюк сиёсатчи, саркарда, ўз даврининг буюк давлат арбоби бўлган. Унинг шиори “Куч адолатдадир” деган пур маъно ҳикмат бўлган.

6-ўқувчи: Амир Темур йигирма еттита катта кичик тарқоқ шаҳарларни бирлаштириб, қудратли давлат тузди.

7-ўқувчи: Амир Темур давлатининг пойтахти – Самарқанд шаҳри бўлиб, жуда обод ва чиройли шаҳарга айлантирилди.

8-ўқувчи: Бобомиз Смарқанд, Бухоро ва Туркистонда тарихий обидалар, мадрасалар, мақбаралар қурдирди ободонлаштириш ишларини олиб борди.

Амир Темур ҳаётини ёритувчи саҳна кўриниши намойиш этилади. Сўнгра ўқувчилар шоир Темур Убайдуллонинг “Пирлар қиссаси” шеъридан парчалар ўқиб беришади.

1-ўқуви: Темур отли паҳлавон,

Топар чоғида камол.

Унга бўлди эш ҳамдам,

Шайх Шамсиддин Кулол.

2-ўқувчи: Соҳиб Кароматларнинг

Бири эди Шайх Кулол

Тарағай Баҳодирнинг

Бири эди Шайх Кулол.

3-ўқувчи: Амир Темур баҳраманд

Пирнинг ўгитларидан

Ихлос билан ушлади.

Шайх Кулолнинг бағрида.

4-ўқувчи: Бир томондан қўллади.

Суйиб Сайид Барака

Ўтмас эди унингсиз

Машварати марака.

5-ўқувчи: Шундан буюк салтанат

Довруғ солди жаҳонга

Барча таъзим айлади.

Темур соҳиб қиронга.

6-ўқувчи: Буюк зотлар нафаси

Ҳар доимо қўлласин

Она юртимсни мудом

Ҳолибликка йўлласин.

1. Бошловчи: Соҳибқирон буюк давлат тузишда, унинг гуллаб яшнашида қуидаги қоидаларга қатий амал қилганлигини айтиб ўтган.

1. Мен давлатни шошмай, инсонпарварлик билан бошқардим

2. Тартиб қоидаларга риоя қилиш – менин7г давлатимни мустаҳкамлади

3. мен ўз аскарларимга ғахўрлик ва олийжаноблик кўрсатдим

4. Мен давлатни ҳақгўйлик ва ақл билан бошқардим

5. Адиблар, алломалар , олимлар, тарихчиларга мурувватли бўлдим

6. Ўз ишимда қатий ва дадил бўлдим

7. Ўз халқимни доим тушундим

8. Яхшига – яхши ёмонга ёмон бўлдим

9. Мен доим аҳилликни истадим

10. Ўз аскарларимни ҳурмат қилдим ва қонун қоидаларга риоя қилдим

1-бошловчи: Азиз устозлар ва билимдон ўқувчилар бугун биз буюк бобомиз ҳаёти ва фаолиятига доир кўп нарсаларни билиб олдик.

2-бошловчи: Биз Ўзбекистон фарзанди буюк Амир Темур авлодидан бўлганимиз билан фахрланамиз. Бобомиздек олийжаноб ва ҳақиқатпарвар юрт севар бўлайлик.

1-бошловчи: Жаҳонгир сўзидан яхшилик бунёд.

Бизга маёқ бўлсин, бахш этиб сабот.

Авлодлар бизлардан ололсин ўрнак.

Шунда ризо бўлур Темурдайин зот.

2-бошловчи: Шунинг билан азиз устозлар ҳурматли китобхонлар бугунги тадбиримизни якунлаймиз. Барчангизга соғлик, саломатлик ишларингизга ривож тилаймиз. Юртимиз келажаги бўлмиш ёш ва баркамол авлодни тарбиялашдек олижаноб ишда ҳеч қачон чарчаманг.