Падарожжа па краіне беларускіх казак

Гульня–віктарына “Чароўная краіна Літаратура”

Мэта: паўтарыць і замацаваць веды па творах вывучаных раней.

1. узбагаціць веды вучняў па беларускіх мастацкіх творах творах,

2. развіваць маўленне, мысленне, памяць, уяўленне,

3. выхоўваць цікавасць да беларускіх твораў, павагу да спадчыны беларускага народа.

Ход мерапрыемства

І. Арганізацыйны момант

Настаўнік: Шмат казак ёсць на свеце! Жывуць яны ўжо доўга-доўга. Няма на зямлі таго чалавека, які не любіў бы казак. Сёння мы адправімся ў завочную вандроўку па чароўнай краіне казак, успомнім казкі, складзеныя беларускім народам. Мы правядзём спаборніцтвы і даведаемся пра тое. Якая каманда лепш ведае казкі.

ІІ. Выкананне конкурсных заданняў.

1. А цяпер першы конкурс “Казачнае поле цудаў”

Заданне 1 тура.

У беларускай народнай казцы “Жаронцы” гэтую жывёлу певень узяў з сабою, каб забраць у пана і вярнуць назад бабе і дзеду жаронцы.

Заданне 2 тура.

Які адказ дала разумная дачка пану на загадку “Што сыцей за ўсё на свеце?” (Казка “Разумная дачка”)

Заданне 3 тура.

У каго ператварылася жонка малодшага Цуды-Юды з казкі “Удовін сын”, каб звесці са свету ўдовіна сына?

Заданне 4 тура.

Што патаптаў ды паламаў журавель у казцы “З рога ўсяго многа”?

Заданне 5 тура.

У якасці каго цар узяў да сябе на работу Тром-сын Безыменнага?

Заданне 6 тура.

Пры дапамозе якога прадмета Васіль (казка “Як Васіль змея пераадолеў”) перамог змея ў спаборніцтве “Хто мацней свісне”?

Падвядзенне вынікаў. Выстаўленне балаў.

2. Конкурс “Лепшы знаўца беларускіх прыказак” (па 1 бале за кожную прыказку).

-Вам патрэбна злучыць пачатак прыказкі ці прымаўкі з яе другой палавінкай. За кожны правільны адказ 1 бал.

Нашы продкі казалі:

Старая пасловіца вавекі не зломіцца.

Добрая прыказка не ў брыво, а ў вока.

1.Слова як птушка: вылеціць – не зловіш.

2.Час не конь, не падгоніш і не прыпыніш.

3.Людзей слухай, а свой розум май.

4.Родная зямелька, як зморанаму пасцелька

5.Хто бацьку і маці зневажае, той долі не мае.

6.Новых сяброў набывай, але і старых не забывай.

7.Старога паважай, малога павучай.

8.Слоў мяшок, а спраў на вяршок.

9.Ад навукі спрытнеюць розум і рукі.

10. Не цані чалавека па твары, а цані па душы.

Падвядзенне вынікаў. Выстаўленне балаў.

1. Конкурс “Крыптаграма” (5 балаў)

• Разгадайце крыптаграму, прачытайце радкі верша, назавіце твор і аўтара

21 – 13 31 2 10 14 1 11 – 14 16 3 6 – 18 16 5 15 1 11 – 15 1 19 12 1 11

1 24 – 32 12 10 32 – 19 13 16 3 2 8– 12 1 13 10 – 13 1 19 12 1

(Пятрусь Броўка “Калі ласка”)

Падвядзенне вынікаў. Выстаўленне балаў.

4.Конкурс “Хто больш?” (па 1 бале за кожнае слова )

Трэба знайсці імёны герояў літаратурных казак.

Змей Гарынавіч, Майданскі, Бусел, Ганначка, Барына, велікан, Васіль, Кадук, Вецер, Алесь, Іванка, Гара, Гаўрыла, Бацька, Русалка, Пачварнік, Крыніца, Максім

Падвядзенне вынікаў. Выстаўленне балаў.

5. Конкурс “Капітанаў” (капітаны загадзя рыхтуюць пытанні для каманд-суперніц” Максімальны бал – 5 (за 1 пытанне).

6. Конкурс “Пазнай твор па пачатку” (па 3 бале за кожны адказ).

– “Хлопцам яго назваў адзін малы чалавек з нашага двара. А быў гэта звычайны дваровы сабака”. (Максім Лужанін “Добры хлопец Дзік”)

• “Не выйшаў ты і ў гэты раз

Мяне спаткаць, паднесці рэчы…” (Рыгор Барадулін “Бацьку”)

• “Рабілі заўсёды так: пад вечар, калі сонца садзілася за лес, а з лагчыны пачыналі напаўзаць халодныя цені, хто-небудзь адзін ішоў у будку да старога Агея….” (Анатоль Кудравец “Цітаўкі”)

• “Стаяў той асабліва прыгожы дзень, якія бываюць звычайна ў канцы жніўня месяца, калі даўно скончана жніво, звезена жыта ў гумны і над апусцелым полем дружня ўзлятаюць стайкі шпакоў – прадвеснікаў блізкае восені……. –Наш бусел, – гаворыць Міколка…” (Міхась Лынькоў “Васількі”)

• “Настаўнік даў вучням хатняе заданне – кожнаму намаляваць якуюсьці кветку.

Марыйцы спачатку заданне падалося лёгкім. Дзяўчынка добра малявала, да таго ж ведала і любіла мноства самых розных кветак…” (Андрэй Федарэнка “Падслуханая казка”)

• “Цэлы гай старасвецкіх дубоў раскінуўся па беразе Нёмана. Такіх дубоў цяпер рэдка дзе ўбачыш. Іх не чапала рука людская, толькі даўнія часы палажылі свій след…” (Якуб Колас “У старых дубах”)

7. Конкурс “Калаж “Чароўная краіна Літаратура” (Рэфлексія).

Трэба зрабіць калаж па тэме, адлюстраваць свой настрой.

Дзецям уключаецца аўдыёзапіс песні.

ІІІ. Падвядзенне вынікаў гульні.

Настаўнік падлічвае колькасць балаў, абвяшчае пераможцаў.