?з заманыны? за??ар ?лы

Тақырыбы: «Өз заманыңның заңғар ұлы» ( Д.А.Қонаевтың 100 жылдық мерейтойына арналған кездесу- кеш)

1- жүргізуші: Қара түнді қақ жарып самаласы

Туған оны елімнің арлы анасы.

Димаш деген – Алаштың Алатауы

Димаш деген – қазақтың сары даласы.

2- жүргізуші: Биіктерден естілген келісті үні

Ол барда жайқалған ел егістігі.

Димаш деген – көк аспан,жарық әлем

Димаш деген – жаһанның кеңестігі.

1- жүргізіші: Армысыздар, құрметті қонақтар оқушылар!

2-жүргізуші: Құрметті қауым, қымбатты қонақтар! Көрнекті қоғам және мемлекет қайраткерлері, ғалым, үш мәрте Социалистік Еңбек ері, Қазақстан Ғылым Академиясының академигі, техника ғылымдарының докторы Дінмұхаммед Ахметұлы Қонаевтың 100 жылға толған мерейлі мерекесі Республика көлемінде аталып өтуде.

1 жүргізуші:

Димаш ағаның ерекше бір қасиеті адамгершілігі еді. Талай көкірегі ояу, білімді азаматтар Димаш ағаның қолдауы мен шапағаты арқасында келе- келе қарымды ұйымдастырушыға айналып,абыроймен ел-жұртын басқарды. Көрегені мол мемлекет және қоғам қайраткері болды.

Ғұмыр кешпей қара бастың қамы үшін,

Қорғадыңыз ел мен жердің намысын.

Тарих өзі таразылар,танылар,

Ұлық қазақ Қонаевтың сан ісін.

Үзілмеген достығы, сәлемдері,

Басшылар бар әр қилы, әр елдегі.

Димашқа арнап жыр жаздым жеті шумақ,

Жетіұлы атанған әлемдегі, -

ақын Өтеш Қырғызбай жырлағандай, дүние жүзі ғалымдар жер шарының халқына адал қызмет еткенбүкіл ел басшыларын компьютерге салып таразылағанда Д.А.Қонаевтың әлдемдік халқына адал қызмет еткен жеті басшының бірі болуы көпті аңғартады.

2- жүргізуші:

Д.А.Қонаев – шын мәнісінде еліміздің іргесін нықтап, еңсесін тіктеп, бүгінгідей қуатты мемлекетке айналдырып кеткен жан. Иә, баршамыздың, Отанымыздың, туған еліміздің тәуелсіздігіне 20 жыл толуымен Ел ағасы, мемлекет қайраткері, өнегелі әрі ұлы тұлға Д.А.Қонаевтың 100 жылдық мерейтойының тұспа-тұс келуінің өзі керемет оқиға, ұмытылмас сәт емес пе?! Сонымен бірге осындай тарих саңлақтарын қалаулыларын әлемге паш етуге зор көңіл бөліп жүрген Елбасы Н.Ә.Назарбаев. Сол себепті біз бүгін Тұңғыш президент күніне орай осы іс- шараны ұйымдастырып отырмыз.

1- жүргізуші:

Таулар бар ма, Димаш боп түргелмеген,

Димаш десем жанарым нұрға толған.

Сауыт кеудем, патша өлең жырға толған.

Димаш десем, самғаған көкті айналып,

Қыран құсым саңқылдап қырға қонған.

Оқушылар:

Кешегі кемеңгері мынау елдің,

Димекең шың басында шынар едің.

Сізге арнап жыр жазайын 100- жылдыққа,

Шабытым шарықтай көр мына менің.

Мәскеуге қарасаң да сынбай сағың,

Заманның ағысын сен шын байқадың.

Елің үшін еңіреп, еңбек етіп,

Халқына беріп келдің тынбай тәлім.

Болса да заңы бөлек әр басшының,

Қорғайтын елін, жерін алғашқы ұғым.

Басқаларға жер-суды жырмалатпай,

Мәскеудің шамдандырдың дәу бастығын.

Осындай қасиетті батыр адам,

Қақпайласа күрсініп, жасымаған.

Отырып «үй қамақта» желтоқсанда,

Осында да алып шыққан басын аман.

Бодандықта жүрсе де халқы мұңлы,

Қолдады елі Қонаевтай нағыз ұлды.

«Дербес ел болсақ қой» деп Елбасына,

Айтқан екен алғашқы дабыл үнді.

2-жүргізуші:

Сөз. Қазақ тілі мен әдебиетінің мұғалімі, ардагар ұстаз «Ерең еңбегі үшін» төсбелгісінің иегері, 6 баланың анасы, 17 немере, 4 шөберенің ақ әжесі, қазіргі кезде зейнеткерлікте жүрсе де, қоғамдық жұмыстан қол үзбей белсенді қызмет етіп жүрген ардақты апамыз, Академик Ө.Жолдасбеков атындағы академияның жанындағы Д.Қонаев атындағы мұражайдың меңгерушісі, Қонаевтанушы Қапия Есдаулетқызына сөз береміз.

1-жүргізуші:

Жырлап әлі даланың еркін қазағын,

Қайраттанып қайдан да серпіле асамын.

Димаш жайлы жазылған жыр толқынның,

Димаш жайлы өлеңмен бетін ашамын.

«Ақ әжелер» ансамбілінің орындауында жергілікті композитор Мелс Керейбаевтың «Димаш аға» әнін тыңдауға шақырамыз.

2-жүргізуші:

Д.А.Қонаев 1912 жылы 12 қаңтарда Алматы қаласында қарапайым жұмысшы отбасында дүниге келген. Алматыдағы №14 мектепті үздік аяқтаған соң, Мәскеудегі түсті металдар институтын 1936 жылы тау-кен инженері мамандығы бойынша аяқтап, Балқаш, Риддер «Алтай полиметал» кәсіпорындарында қарапайым инженерден бастап барлық еңбек баспалдақтарынан өте отырып, кәсіпорын басшылығы қызметінен атқарған. 1960- 1962, 1964- 1986 жылдар аралығында Қазақстан коммунистік партиясы Орталық комитетінің І хатшысы қызметін атқарды. Ол басшылық жасаған жылдар Қазақстанда Ақтау, Текелі, Шардара, Арқарлық т.б. жетпістен астам үлкенді- кішілі қала салынып, Балқаш пен Жезқазған тау- кен комбинаты, Ақтөбе химия комбинаты, Қаратау фосфор зауыты, Соколов- Сарыбай тау- кен комбинаты т.б. көптеген алып индустриялық құрылыстар жүзеге асырылды. Д.А.Қонаев 20 жыл бойы Орталық Комитеттің саяси бюросының толық мүшесі болды. Ел арасындағы оның еңбегі ерекше бағаланып, Еңбек Ері атағымен, көптеген мемлекеттік наградалармен марапатталған. Сонымен қатар, Д.А.Қонаев ғылымға да үлкен еңбек етіп, жүзден аса ғылыми еңбектері жарық көрген.

1-жүргізуші:

Ұлы Димашты бола ма, ұмытуға,

Ол – кемеңгер, ғажайып ұлы тұлға!

Жалғыз өзі жарады қапас күнде,

Ұлан байтақ даланы көркейтуге.

2-жүргізуші:

Димаш ата туралы жазушы журналист Серік Әбдіраймов: «Ар ойлап, дүниеге бой алдырмаған екі адам болса, соның бірі елі еркелетіп атаған- Д.А.Қонаев. Шүкір, шыққан тауы биік болды. Бір кісідей биліктің шыңына көтерілді. Кісілігін ұлықтыққа жеңдірмеген кім десеңіз, онда да осынау абзал жанның есімі еріксіз еске түседі. Димекең қанағатшыл жан еді. Газет- журналда жарияланған мақалаларын есептемегенде, қай баспадан қанша кітап шығармасын соның барлық қаламақысын жетім балалар үйіне аударып отырған»,- деген болатын.

Димаш аға! Дидарыңыз жырық күн,

Ұрансыз қазақ деген халықтың

Саясаттың дауылына сынбаған,

Өзіңізсіз бәйтерегі тарихтың.

1-жүргізуші:

Димаш аға өмірінде өте ұстамды, салмақты, ақылы мен парасаты ерекше, көпшілікті іске жұмылдыра білетін, қабілеті мол кемеңгер басшы болды. Оны халқы ерекше құрметтеп, қошеметтеп, «Біздің Димаш» дейтін.

Өшпейді ғой, өлмейді ғой ұлы еңбек,

Елің барда мәңгі бақи еленбе.

Ел үшін атырамын деп жарық таңды,

Сіңірдің жан аямай көп еңбек.