“Бувижоним ўгитлари” тадбир конкурс
Бухоро вилоят Ғиждувон туман 5-умумий ўрта таълим мактабининг 2-“Э” синф ўқувчилари иштирокида “Бувижоним ўгитлари” деб номланган тадбир конкурс бўлиб ўтди. Тадбир Ўзбекистон Республикаси ўзбек тилига Давлат мақоми берилганлигининг 29 йиллигига баҳишланди. Тадбир конкурсда меҳрибон, оқила бувижонлар иштирок этдилар. Улар ўзларининг қанчалик оилапарвар, чаққон ва набиралар тарбиясига эътибор беришларини намоён этдилар.
Тадбир шартлари:
1-шарт: — “Алла” айтиш.
Бу шартда бувижонлар “Алла” миллий қўшиғига таъриф бериб, бешикни тебратиб алла айтдилар. Барча бувижонларимиз ёқимли овозга эга эканлар.
2-шарт: — Тугма қадаш.
Бунда бувижонларимиз тикувчилик маҳоратларини кўрсатдилар. Бир хилда берилган матога 2 донадан тугмани тикдилар.
3-шарт: — салат тайёрлаш.
Бувижонларимиз набиралари ёрдамида салат тайёрладилар. Бувижонлар турли хил кўринишдаги мазали, хушхўр салатлар тайёрлаб, ўзларининг пазандалик маҳоратларини кўрсатдилар.
4-шарт: — “Мақоллар баҳси”.
Бу шартда ҳар бир бувижон мақоллар айтдилар, қайси бирлари айтолмай қолсалар, ўйиндан чиқиб турдилар. Бувижонлар жуда кўп мақоллар билар эканлар.
Тадбир конкурсда барча бувижонлар ғолиб бўлдилар. Ҳар бир бувижонга “Энг зукко бувижон”, “Энг оқила бувижон”, “Энг пазанда бувижон”, “Энг хушовоз бувижон”, “Энг моҳир тикувчи бувижон” наминациялари белгиланди.
