Т?рбие са?аты: «???ы?ты? салауаттылы? - заман талабы»

Шаған жалпы орта білім беретін мектебі.

Тәрбие сағаты.

Тақырыбы:

Өткізген: Куанышкалиева Ф.А.

6 ә сынып жетекшісі

2015-2016 ж.ж

Тәрбие сағаты: «Құқықтық салауаттылық - заман талабы»

Мақсаты: Оқушылардың құқықтық білімдерін тексере отырып,заң алдындағы жауапкершілігін арттыру, алдына мақсат қоя білуге баулу, адамгершілікке, елжандылыққа, құқықтық сауаттылыққа үйрету.

Оқушылардың ойлау, тыңдау, сөйлеу мәдениетін дамыту қабілеттерін шындау,сөздік қорларын молайту, адам және азаматтардың құқықтары, ерік бостандықтары туралы білімдерін кеңейту.

Көрнекілігі:нақыл сөздер,мақалдар,

Түрі: топтық

Барысы: 1.Ұйымдастыру бөлімі.

/оқушылармен амандасу,түгендеу,тақырып атын,мақсатын түсіндіру/

2.Негізгі бөлімі.

Кіріспе сөз:/мұғалім/

Еліміз тәуелсіздігін алып, барымен жоғын түгендеп жатқан тұста мемлекетіміздің қабылдаған негізгі заңы ел дамуының компасы болды. Мемлекет дегеніміз- белгілі бір территориясы,шекарасы,рәміздері,ұлты бар жалпы халықтың ірі ұйымы десек сол халық ұлттық төл конституциясының 20 жылдан асып отыр.Адам құқықтарының жалпыға ортақ декларациясының БҰҰ 1948 жылы 10-желтоқсанда қабылдаған.Осы декларация қабылданғалы жыл сайын 10-желтоқсанда « Адам құқықтарының күні» аталып өтілді.

Адам және азаматтардың құқықтары, ерік, бостандықтары терең құрастырылған құжат бұл өзіміз жие айтатын 1787 жылы қабылданған АҚШ конституциясы .Мемлекетіміздің ата - заңының бірінші бабында «Қазақстан Республикасы өзін демократиялық, зайырлы, құқықтық және әлуметтік мемлекет ретінде орнықтырды. Оның ең басты қазынасы адам және адамның өмірі, құқықтары мен бостандықтары» деген қастерлі сөзді кіргізген. Бүгінгі құқықтық мемлекет құрамыз деген заманда әрбір адам өз құқықтарын жете біліп, жалпы заң білімі саласынан мағлұмат алғаны дұрыс. Заңды атамай,тура жолмен жүріп,еліне адал қызмет еткен азамат қана мұратына жетеді. Сондықтан заңды білу - заман талабы.

Тәрбие сағатымызды оқушыларымызды 2 топқа бөліп топтық түрінде өткіземіз.

1- топ: «Әділет»

2-топ: «Ақиқат»

1. 1-топқа сұрақтар:

1.Конституциясөзінің аудармасы қалай? /Құрылым,өкілім/

2.ҚР-мемлекеттік биліктің бірден-бір бастауы. /халық/

3.Республика заңдары қай кезде күшіне енеді. /Президент қол қойғаннан кейін/

4.Егемендік алғаннан кейін ҚР-да Конституция неше рет қабылданды? Екі рет:1993 жылы 28 қаңтар,1995 жылы 30 тамыз.

5.ҚР жоғарғы заң шығарушы органды ата? Парламент

6. «Қасым ханның қасқа жолы» қанша тараудан тұрады? Бес тараудан

7.ҚР өзін қандай мемлекет ретінде орнықтырды? Демократиялық, зайырлы, құқықтық әлеуметтік

8.Құқық дегеніміз не? Мемлекет тарапынан заңдастырылған және қорғалатын, жалпыға бірдей нормалар жүйесі.

9.ҚР Конституция бөлімнен және қанша баптан тұрады? /9 бөлім,98-бап./

10.17 желтоқсан қандай күн ? /Демократиялық Жаңару күні/

«Ақиқат» тобының сұрақтары:

1.Еліміздегі мемлекеттік тіл?/қазақ тілі/

2.ҚР «Бала құқықтары туралы заң » қай жылы күшіне енді? /2002 жылы 8 тамыз/

3.ҚР төл теңгесі қашан қолданысқа енді?/ 1993 жылы 15 қараша /

4.ДЖ-гі тұңғыш Конституция қашан қабылданды?/ АҚШ 1787 жылы /

5.Адам құқығының жалпыға бірдей декларациясы қашан қабылданды?/ 1948 жылы 1 желтоқсан /

6.ҚР «Мемлекет нышандары туралы» заңы қай жылы қабылданды?/ 1992 жылы 4 маусым

7. ҚР « Бала құқықтары» туралы заң неше тараудан тұрады?/ 10 тарау ,53 бап /

8. «Жеті жарғыны » қабылдаған қазақ ханы?/ Тәуке хан /

9. «Бала құқықтары туралы конвенция» қашан қабылданды? /1989 жылы 20-шы қарашада БҰҰ-ның бас Ассамблиясы қабылдады./

10.ҚР және әнұран қашан қабылданды?/ 2006 жылы 6 қаңтарда /

2. Ой-жалғау... «Әділет » тобына:

1.Заңның құйрығы... /бәрінен ұзын/

2.Өш алғаннан гөрі... /кешірген жөн/

3.Тура биде... /туған жоқ/

4.Ақырын жүріп... /анық бас/

5.Асыл тастан... /өнер жастан/

«Ақиқат» тобына:

1.Ұрлық түбі... /қорлық/

2.Жазасын тартпайтын... /жамандық болмайды/

3.Әдепті бала... /арлы бала/

Әдепсіз бала... /сорлы бала/

4.Тәрбие... /отбасынан басталады/

5.Әділ істің... /арты игі/

3. Қорытынды.

1.Оқушы неге құқылы?

2.Оқушы неге міндетті?

/Оқушының міндеттері мен құқықтары жөнінде айтып өтіледі/

-Екі топта белсене қатысты,сұрақтарға мүдірмей жауап берді,тең деген бағамен бағаланады.Осымен тәрбие сағатымыз аяқталды.Сау болыңыздар.