Батыс Қазақстан облысы
Қаратөбе ауданы
Мұхит атындағы ЖОББМ
Әнді әспеттеп, күйді күмбірлеткен баба.
1-жүрг. Қайырлы күн өнер сүйер халайық! Биыл Тәуелсіздіктің 25 жылдығымен тұспа- тұс келген Қасиетті Қаратөбе елінің ән көгіндегі жарық жұлдызы болған,Үш жүзден ән оздырған,Мұхит Мерәліұлының туғанына 175 жыл толуына орай «Әнді әспеттеп, күйді күмбірлеткен баба» атты әдеби альянс кешіне қош келдіңіздер.
2-жүргізуші: Қаратөбем, қасиетті құшағың,
Өзіңде бар ерекше бір күш ағын,
Дүниеге келген сенде нәресте
Ұлы өмірге өнер болып ұшады.
Қасиетті жолдарың бар, қырларың
Құпиялы ашылмаған сырларың
Сайрап жатқан сол жолыңнан оқыдым
Жалын атқан ата- бабам жырларын
Өзен- көлің төсінде Ай қалқыған,
Бейне көңіл шабыттанып шалқыған.
Самал желмен сызылтқанда қамысы,
Естіледі Мұхит әні аңқыған- деп жерлесіміз Шолпан апамыз жырлағандай Қаратөбе десе болды қазақ халқының көз алдына ән құдіретінің Сал Мұхит бейнесі келері хақ.
1-жүрг.Төре Әбілхайыр хан ұрпақтарынан тараған Мұхиттың шын аты Мұханбеткерей
1841 жылы Батыс Қазақстан облысы Қаратөбе ауданы Саралжын совхозының бірінші бөлімшесінде «Ақбақай» деген жерде дүниеге келген.Әкесі Мералы Жақсыбай өзені бойындағы шөбі шүйгін, табиғаты көркем көлді өзі иемденіп, кейін айналасындағы елді жинап үлкен той жасаған.Мұхит рухына арналған өлеңді Абзалқызы Алтын оқиды.
2-жүрг. Мұхиттың әкесі Мералыдан: Паңгерей,Шәңгерей,Мұхамбеткере,Сақыпкерей,Жүсіп, Жанша және Саржан, Дәржан деген қыздары дүниеге келген.Мұхиттың ағалары Шәңгерей, Сақыпкерей,Жанша, Жүсіп күшті домбырашы, әнші, қобызшы болғанымен өнерпаздың жолды кәсіп етпей, өнерді қосымша табиғат сыйы деп қараған.Өнер жолына түскен Мұхит кішкентайынан домбыра ұстап, бір естіген әнін дауысымен де үйреніп те, домбыраға салыпта үйрене білді.Ойын- сауық, ән- өлең қуған тумаларының қасынан қалмайжастайынан өнердің дәмін татады.Мұхиттың өлеңін оқитын 3»б» сынып оқушысы Идаятова Аяжан.
Келесі сөз кезегі кітапханашы Айнагүл Рысбайқызына беріледі./Мұхит кітаптарына шолу/
1-жүрг. Ақбақай өңірін әнге бөлеген Мұхит бабамыздың туған жері киелі өлкеге айналды.»ақбақай көлдің жағасы» оқитын Мерей Нұрболқызы.
2-жүрг.Жүрегі ел деп соққан әншінің тұғыры биік, әндерінің ғұмыры мәңгі, таланты таласқа түспегені халқына жақын болып, жастайынан өнерді құрметтегені өзі өлсе де артына өшпес мұра қалдырған Мұхит баба туралы айтылып жүрген естеліктерді кейінгі ұрпақтары мақтан тұтады.Мұхит бабамыз бала жасынан- ақ Төре тұқымының қарамен араласпайтын салтын бұзып, қалың бұқараның ішінде жүрді.
Ақбақай Сал Мұхиттың туған жері
Әншілік дарын бойын қуған жері
Біржола хош айтысып байлықпенен,
Өлгенше өнер жолын қуған жері.-деген өлең жолдары арқылы әншінің асыл қасиеттері кейінгі жастарға өнеге.
1-жүрг.Мұхит бабамыздың өнері, өмір жолдарын кейінгі ұрпақтарға жеткізе насихаттауда
Оның өнер жолын, әндерінің қасиеті, қайталанбас өнеріне арнап, ақындарымыздың, жерлестеріміздің, арнаған небір сырлы,тебіреністері әсем жырлары баба рухына арналған.
Мұхит баба рухына арналған оқырмандардың жыр- шеруі:
1.Ахбалина Анел 2. Жансая 3. Ән: Ағиіс Орындайтын: Ақкерей Ләйлі
2-жүрг. Мұхит өнерін жалғастырушы аса таланттыда біртуар дарынды жерлесіміз Ғарифолла Құрманғалиев. Ол халық композиторы,Оралдан ән оздырған әнші Мұхит бабамыздың рухын жаңғыртты.Мұхит есімі мен даңқын Үш жүзден асырып, байтақ әлемге танытты, өзін тамаша талантымен танымал етті.С.Сейітов «Ғарифолла» өлеңі. Оқитын: Шалабаева Назымгүл.
1-жүрг. Ия, Қаратөбе өнер өлкесі, тау биіктеген сайын сомдалып, заңғарлана түседі дейді,олай болса артына өшпес мұра қалдырған Мұхит, Ғарифолла есімдері жадымызда күн сайын жаңғырып сомдана түсетін болады.
2-жүрг. Дарынды әншілер артына өшпес мұрасын ұрпақтан—ұрпаққа жеткізу жүрегі қазағым деп соғатын әр азаматтың парызы, өмірден өтіп кеткен асылдарымызды қадірлеп, ардақ тұтайық!
Осымен «Әнді әспеттеп, күйді күмбірлеткен баба» әдеби-альянс кешіміз аяқталды.
