Концерт залымен танысайы?!

Класы: 2а,2ә

Сабақтың тақырыбы: «Концерт залымен танысайық!»

Сабақтың мақсаты:

Білімділігі: Мәдени орындар туралы түсінік бере отырып, концерт залдарымен таныстыру;

Дамытушылығы: Музыканы тыңдай білу, оқушылардың ой - өрісін одан әрі жетілдіру.

Тәрбиелік мәні: Балаларға рухани – танымдық тәрбие беру, концерт залдарына барғанда өздерін мәдени ұстауға тәрбиелеу.

Сабақтың түрі: Аралас

Сабақтың типі: Жаңа тақырыпты меңгерту.

Сабақтың өтілу әдісі: Баяндау, сұрақ – жауап, ән айту, музыкалық сауаттандыру

Сабақтың көрнекілігі: Музыкалық аспаптар, интерактивті тақта, кеспе қағаздар.

Сабақтың барысы:

Ұйымдастыру.

Үлкенге де –сіз

Кішіге де – сіз

Бас иеміз құрметпен

Сәлемдесіп біз

Актуалдау:

Біздің елімізде концерттік залдар өте көп. Олардың барлығында мәдени іс – шаралар, мерекелік концерттер, түрлі көріністер қойылады.

Жаңа сабақты меңгерту

Ертеректе қазақ өнерпаздары ауыл – елді аралап, ән шырқап, күй тартып, өнерлерін көрсететін. Үлкен жиын- тойда айтыс ұйымдастыратын. Бірақ осындай өнер иелерін барлық жұрттың көруіне мүмкіндік жоқ еді. Себебі өнер көрсететін арнайы орын болмаған. Кейіннен өмір өзгере келе үлкен театрлар, филармония вшылып, концерт залдары пайда болды. Мұндай залдарда әншілердің әнін тыңдап, бишілердің биін тамашалауға болады.

• Музыкалық сауат. Филармония (грекше «дыбыс үндестігі») – халықтық, классикалық және қазіргі музыкадан концерт тыңдауға болатын орын.

• Концерт залы – түрлі концерттер өтетін орын.

• Концерт – жеке немесе оркестрдің сүйемелдеуімен орындалатын аспаптық шығарма.

Сергіту кезеңі: «Біздің оркестр» (Қимылдарын қолмен көрсету)

Өтпейді әр кеш құр,

Ойнаймыз оркестр.

Дауылпаз бастайды,

Қылқобыз қостайды.

Сыбызғы,ысқырық

Қосылар ысқырып.

Домбыра, сырнай да,

Күй төгер мұндайда.

Музыка тыңдату. Н.Римский – Корсаков «Хоровод».

Театр ережелерімен таныс болайық!

• Концертке ешқашан кешікпе.

• Концертке бару үшін мұқият киін: костюм немесе сәнді көйлек.

• Музыкалық шығарма орындалғанда сөйлеспе, шулама.

• Музыкалық шығарма орындалып біткен соң ғана қол шапалақта.

• Өзіңе қатты ұнаған орындаушыға гүліңді тек ол әнін орындап болған соң ғана беру керек.

Бекіту. Кеспелер тарату арқылы сұрақтарға жауап алу.

5 сұрақ

4 сұрақ

3 сұрақ

1 сұрақ

2 сұрақ

Қорытындылау.

Филармония ------------ Концерт залдары --------- Театр

Үйге тапсырма. Театр ережелерін жаттау.

Бағалау. Ноталар арқылы бағалау.

Концерт залдарын ата

Филармония деген не?

Театр ережелерін айтып бер

Концерт залы деген не?

Концерт деген не?

Класы: 1а, 1ә

Тоқсан тақырыбы: Ән – көңілдің ажары

Сабақтың тақырыбы: Көңілді әндер.

Сабақтың мақсаты: Музыкалық дыбыстар, соның ішінде көңілді әндер туралы мағлұмат беру.

Білімділік мәні : Дауыс түрлері, қалай ажырата білуге үйрету.

Дамытушылығы: Оқушылардың ойлау қабілетін дамыта отырып, эстетикалық бағыт беру.

Тәрбиелік мәні : Ұлттық музыка арқылы ұлттық өнерін танып, білуге, ұлттық музыкаға деген қызығушылықтарын арттыру.

Сабақтың түрі: аралас

Сабақтың типі: жаңа сабақты меңгерту

Сабақтың әдісі: жаңа сабақ түсіндіру , әңгімелеу, музыка тыңдау, шығармашылыққа баулу .

Пәнаралық байланысы: Музыка әдебиеті , тарих, әдебиет, технология,бейнелеу.

Сабақ барысы:

Ұйымдастыру кезеңі.

Үлкенге де –сіз

Кішіге де – сіз

Бас иеміз құрметпен

Сәлемдесіп біз

Актуалдау:

Музыка әлемінде көңілді дыбыстар өте көп кездеседі. Көңілді дыбыстар бізге шаттыққа толы көңіл күй сыйлайды.

Жаңа сабақ:

Көңілді әуен тыңдағанда көтеріңкі көңіл күйде боламыз. Шалқытып ән салып, би билегіміз келеді.

Ән орындайық!

«Болайықшы осындай» әні

Жақсы бала еңбекшіл

Ер азамат болады,

Қиындықты жеңіп кіл

Құшағы гүлге толады.

Қайырмасы:

Еңбекшіл осындай,

Болайықшы досым-ай.

Таза бала мұнтаздай,

Сүйсінеді қараған

Ұқыпты деп бұл қандай

Жақсы көрер бар адам.

Сергіту. Жаңылтпаш.

Он бөгелекке

Он көбелек келіп қосылды.

Он бөгелек он бөлек,

Он көбелек он бөлек кетті.

Қорытындылау. - Балалар, бүгін біз қандай тақырып өттік?

• Көңілді әндер деген не екен?

• Ол қалай орындалады?

• Көңілді ән орындағанда адамның көңіл – күйі қалай болады?

Үйге тапсырма Ән жаттау. 49 бет оқу.

Бағалау