«Мен отбасыммен бақыттымын»

Ақтөбе облыстық мамандандырылған физика – математикалық

мектеп –интернаты

Тақырыбы:

« Мен отбасыммен бақыттымын»

(8 «Б» сыныпта қашықтықтан өткізілген класс сағаты)

Өткізген: Алдонгарова Т.А

2019-2020 оқу жылы

Сабақтың тақырыбы: «Мен отбасыммен бақыттымын»

Сабақтың мақсаты: Оқушылардың отбасы, жанұя турал білімдерін шыңдай отырып,

отбасы құндылықтарының маңызын дәріптеу.

Күтілетін нәтиже: 1.Бала тәрбиесіндегі ата- ананың алатын орнының ерекше екенін

ұғына алады.

2.Отбасы мүшелері арасындағы бауырмалдық, қайырымдылық,

достық қарым- қатынасты нығайтуға ат салыса алады.

3.Талдау барысында тақырыпқа

деген азаматтық мәселелеріне

баға бере алады.

Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалы мен қалыптасады. «Дәулет есіктен, ақыл бесіктен кіреді» демекші білім бесігі мектептен, тәрбие бесігі отбасынан бастау алады. Отбасының екі тірегі-әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз. Бүгін біз «Отбасы-аялы алақан мекені» тақырыбындағы тәрбие сағатымызда Бала тәрбиесі, оның жан-жақты дамуы бағытында өз ойымызды ортаға салмақпыз. Отбасы-адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер  жетеді. Отбасы мүшелерінің  жауапкершілігі толығымен еразаматқа жүктеледі. Баланы өсіріп тәрбиелеу – әйел  ананың тікелей міндеті.
Отбасының тәрбиелеушілік міндетіне тікелей байланысты оның тағы бір қызметі бар. Оны дамытушы міндет деп атауға болады. Ата-аналар балалардың жеке ерекшеліктерін неғұрлым ертерек байқау керек. Сонда ғана балалар өздерінің ішкі қабілеті мен дарынын тез дамытады. Жас күнінен бастап олардың қабілетін байқап, соған сәйкес тәрбиелеу, бағдар беру қажет.

Балалардың үздіксіз дамуы, шығармашылық қабілетін іске асыруы отбасынан басталады. Әке-шеше балаларына жақсы тәрбие беруге қоғам алдында жауапкер.

Отбасым - менің жүрегім
Отбасым - менің тірегім
Отбасым – менің Отаным

І Қызығушылықты ояту.

Әрбір оқушыға тапсырма беру.

1 Отбасыммен мерекелік ас

2 Отбасыммен таңғы жаттығу

3 «Менің отбасым-менің жүрегім» отбасылық құттықтау ашық хаты

4 «Үйім толы гүлдерге» үй өсімдіктерін баптау

5 « Отбасы өмір аясы» отбасымның сүйікті әні

6 «Отбасы – алтын діңгек» отбасылық кәсіп немесе дәстүр

ІІ Мағынаны тану

Қашықтықтан берген тапсырманы әр оқушы суретпен жолдайды.

Рефлексия

Отбасы күніне орай «Мен отбасыммен бақыттымын» тақырыбында тәрбие сағаты өтті. Ватцап желісі арқылы өтіп, барлық оқушы белсенді ат салысты. Түсіндірме жұмыс жүргізіліп, кері байланысқа тапсырма берілді. Тапсырманы толық орындап жіберді.