"?дептілік-т?рбие ді?гегі" д??гелек ?стел

Әдептілік - тәрбие діңгегі

Мақсаты: Оқушыларды адамгершілікке, өз халқының салт - дәстүрін үйрене отырып, жаман әдеттен аулақ болуға тәрбиелеу.

Міндеттері:

1.Кішіпейілділікке, жаман әдеттерден аулақ болуға баулу;
2.Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту. «Әдеп», «әдептілік» туралы түсініктерін кеңейту;
3.Әдептілікке, сыпайылыққа тәрбиелеу;
Ұйымдастыру бөлімі
Психологиялық дайындық. Қане, балалар бәріміз бір - бірімізге сәттілік тілеп, әр оқушы өзінің атының бірінші әрпінен басталатын бойындағы жақсы қасиеттерімізді айтайық.
Жоспары:
1. «Әдептілік жемісі»
2. «Басқатырғылар»
3. «Сиқырлы сөздер»
4. Есте сақтау минуты
5. Мен бастаймын, сен аяқта

6. «Жалғастыр»

Мұғалім: Бүгінгі заман адамы сегіз қырлы, бір сырлы болып өсуі керек. Оның ең бастысы - оқушылар үшін әдептілік. Біз сыныпқа кіргенде әдептіліктің бірінші ережесін байқаған болатынбыз. Ол қандай ереже?
- Біз бір - бірімізбен амандастық.
- Амандасу – әр халықтың мәдениетінің алғашқы беташары.
Әсемпаз болма әрнеге,
Өнерпаз болсаң арқалан.
Сен де бір кірпіш дүниеге,
Кетігін тап та, бар қалан,- деп Абай атамыз айтқандай кішіге мейірімді, досыңа қайырымды, еңбексүйгіш, шыншыл да қамқор болсаң, өсе келе ата - анаңның, Отаныңның мақтанышы боласың.
Ендеше біраз сұрақтарға жауап берейік.
I бөлім Бой сергіту
1. Досқа қалай болу керек?
2. Әдептілікті бізге кім үйретеді?
3. Әдептілік туралы мақал айт?
4. Өзіңе көрсетілген ізетке, жасалған ілтипатқа, сыйға не айту керек?
5. Үзіліс кезінде дәлізде қалай жүру керек?
6. Көпшілік орындарда, көшеде, автобуста өз - өзіңді қалай ұстау керек?
7. Әдепті бала қандай болу керек?
8. Қоштасар сәтте қандай ниет білдіресің?
9. Әдепсіз бала қандай болады?
II бөлім «Басқатырғылар»
Әр бала алдында жатқан қағаздарды ашады. Мұғалім әр балаға жалғастыр ойынын түсіндіреді.

Өз ішінде талқылаған соң жауап береді.
1. Үлкендердің алдынан – (кесіп өтуге болмайды.)
2. Кішкене баланы - (жылатуға болмайды)
3. Құстарды – (атуға болмайды.)
4. Қыз баланы – (сыйлау керек.)
5. Сабақтан - (кешігуге болмайды.)
6. Досқа – (көмектесу керек)
7.
III бөлім «Сиқырлы сөздер»
Мұғалім: Кез келген жағдайда әуелі бойыңа ашу шақырмай, сабырлы болған жөн. Қатты ашуды тарататын сиқырлы сөздер болады екен. Олардың қандай сөздер екенін берілген сиқырлы конверттерден білеміз. Конвертте сиқырлы сөздер жазылған. Мысалы кешіріңіз, рахмет т. б. Сол сөздерге өмірден көрініс келтіру.

IV Есте сақтау минуты
Мына әріптерден адам бойындағы жақсы жаман қасиеттерге байланысты сөздерді тауып жаз.
Лдаа, қлаас, зөміішл, кеттен, ітітпәрт, зіспітртә, ытпықұ, зсыпықұ
Жауаптары:
Адал, салақ, өзімшіл, тентек, тәртіпті, тәртіпсіз, ұқыпты, ұқыпсыз

V. «Мен бастаймын, сен аяқта»

* Мен әдептілік туралы мақалдың басын айтамын, сенде жалғасын тауып айтасыңдар.

* Әдепті бала арлы бала…(Әдепсіз бала сорлы бала.)

* Әдептілік белгісі…(Иіліп сәлем бергені.)

* Әдепті елдің баласы…( Алыстан сәлем береді.)

* Ұлық болсаң..,(Кішік бол.)

* Жақсыдан үйрен… (Жаманнан жирен.)

* Атаңның баласы болма… (Адамның баласы бол).

* Жақсы балалар, мақалдарды жақсы біледі екенсіңдер. Мақалды тек жаттап қана қоймай, өмірде орнымен қолданып, ойға түйіп жүрейік. Сонда біздің өміріміз мәнді, тұрмысымыз сәнді болады. Отбасымызда, айналамызда береке, бірлік, татулық пен ынтымақ болады. Бір сөзбен айтқанда бақытты өмір сүреміз.

VІ. «Жалғастыр» ойыны. Әдептілік дегенді қалай түсінесің?

Жарайсыңдар балалар енді сабағымызды қорытындылай келе «әдептілік» ережесін құрайық
Әдептілік ережесі:
1. Сәлемдесу
2. Үлкенді сыйлау, кішіге қамқор болу
3. Үлкенге жол беру, автобуста орын беру
4. Табиғатты аялау, қамқор болу

Қорытындылау