Ата -аналар жиналысы: "Бала дамуындағы ата-ана қызметі"

Бала дамуындағы ата – ана қызметі.

Мақсаты:

1. Ата-аналардың жауапкершілігін, өз міндетін білуін арттыру.

2. Әр ата-ананың бала тәрбиесіндегі маңызды орнын көрсету.

3. Бала тәрбиесін ата-аналармен бірлесе қарастыру.

Күтілетін нәтиже: ата-аналардың бала тәрбиесіне деген көзқарасы өзгереді.

• Ата-аналар мен балалардың қарым-қатынасының қалыптасуы мен дамуына септігін тигізетін даму бағыттары бойынша сыни кері байланыс алынады.

• Әңгімелесу арқылы бала тәрбиесін жетілдіруге көзқарасы өзгереді.

Түрі: Workshop

Түйінді идея: ата-аналар өз тәрбиесі туралы сыни ойланады.

Ресурстар: флипчарт қағаздары, маркерлер, стикерлер, бейнежазба, слайд.

БАРЫСЫ:

Психологиялық ахуал туғызу.

• Құрметті ата-аналар мен әріптестер! «Бала дамуындағы ата-ана рөлі» тақырыбындағы Workshop-та сіздерді көргеніме қуаныштымын.

Ынтымақтастық орта орнату мақсатында «Бақыт» құмырасын тренингісін өткізу.

Әріптестер мен ата-аналарды МЕКТЕП, АТА-АНА, ОРТА, ИНТЕРНЕТ сөздері арқылы үш топқа бөлу.

В.С. Сухомлинскийдің «Баланы жақсы тану үшін оның отбасын жетік білу керек» деген сөздерін басшылыққа алып, «Араласайық, бұл біз» бөліміне көшу. (Презентация жасау)

«Миға шабуыл» әдісі.

• Бала тәрбиесіне кім жауапты?

• Осы алдарыңыздағы сөздер баланың өсіп дамуына қандай әсері бар?

Топтық жұмыс. Ситуациялық жағдаяттарды шешу.

• Балаңыз сіздің сұрақтарыңызға құлақ аспай, сөндірулі теледидарды алдында үнсіз отыр. Сіздің әрекетіңіз.

• Қызыңыз мектептен келе сала «Енді мен мектепке бармаймын» деді. Сіз қандай ақыл кеңес бересіз?

• Ұлыңыз «Қайрат сатқын. Оны көргім келмейді деді. Не дер едіңіз?»

• Балаңыз тыйыи салынған сайтты қарап отырғанын байқадыңыз. Сіздің әрекетіңіз.

Сергіту сәті.

Бейне жазба: «Біздің балаларымыз».

Топтық жұмыс: «Шыны ыдыс»

• Балаңыз қандай болғанын қалайсыз?

• Оның мінез-құлқы қандай болу керек? Сіздің қандай қасиеттеріңіз баладан көргіңіз келеді?

Қоғам шыны ыдыс болса, бала соның ішіндегі су секілді. Су шыны ыдыстың түсі мен пішініне сай қалыпқа енеді. Сондықтан баланың өсіп-жетілуіне осы аталған дүниелердің әсері зор.

Жан Фреско: «Балаға өздігінен үйренуге мүмкіндік беру керек. Сол мезетті өзге адам емес, өзіңіз бақылаңыз» деген. Өзіңіз бақылаңыз деп ата-ананы меңзеп отыр. Ал С. Смайлс: «Үздік тәртіп беретін мектеп - отбасы» деген екен. Баланы тәрбиелеу ең алдымен ата-ананың міндеті. Ал мектеп пен сынып жетекшілері – сіздердің көмекшілеріңіз. Сондықтан бәріміз ынтымақтаса жұмыстануымыз керек.