О?ушыларды? ???ы?тары мен міндеттері

“ Оқушының құқықтары мен міндеттері”

М а қ с а т ы:

Білімділік : Оқушының құқықтары мен міндеттері туралы білімдерін толықтыру.

Дамытушылық: Оларды құқықтарымен таныстырып, оқыта отырып, түрлі өмірлік жағдайларда өз мүмкіндіктерін жеке және қоғам пайдасына сәйкес пайдалануға шешім қабылдай алуға баулу.

Тәрбиелік: Қазақстанның болашағына үлесін қоса білетін білімді де, ізденімпаз ұрпақ етіп тәрбиелеу.

Тәрбие сағатының түрі: Саяхат.

Көрнекілігі: Қазақстан Республикасының Конституциясы, “Бала құқықтары туралы” Конвенция, Туу туралы куәлік, интерактивті тақта, слайдтар.

Сабақтың барысы:

І. Ұйымдастыру.

ІІ. Психологиялық дайындық.

Мақсатымыз, білім алу

Міндетіміз, еңбектену

Әр оқушы өз құқықығын білу,

Оны өмірде пайдалану.

Конституция дегеніміз не?

Конституция-бұл біздің еліміздің басты заңы,Қазақстан Республикасында тұратын барлық азаматтардың құқықтары мен міндеттері жазылады.Осы заңға бағынатын оны орындайтын адамдарды кім дейміз?

(азаматтар)

-Осы азамат деген ұғымға сендерде жатасыңдар.

Кәмелетке толмағандардың

құқықтарын,азаматтық құқық

пен бостандықтарын қорғайтын

бала құқығы туралы Конвенциясы.

Ендеше, балаларға арналған олардың құқықтары мен міндеттерін анықтайтын арнайы құжат бар.Оның аты-Конвенция деп аталады. Конвенция-арнайы бір мәселе жөніндегі мемлекеттердің өзара келісімі. Бұл Конвенцияда Біріккен Ұлттар Ұйымына қатысатын бірнеше елдің өкілдері бірлесе отырып,осындай халықаралық шарт 1989жылы 20-қарашада қабылданды.Ол «Бала құқықтары туралы туралы»Конвенция деп аталады.Ол Конвенция 54-баптан тұрады.Конвенцияны басты міндеті -18жасқа дейінгі тұлғалардың құқығын қорғау.Бұл БҰҰ дүниежүзілік балаларына арналған Конвенцияны басшылыққа ала отырып, биздин елімізде де “Бала құқықтары” туралы заң бар.

• Біздің елімізде де « Бала құқықтары туралы »заң бар. Ол 2002 жылы 8 тамызда елбасымыз Нұрсұлтан Әбішұлы Назарбаев Қазақстан Республикасындағы « Бала құқықтары туралы » заңына қол қойды. Ең бастысы әр азаматтың негізгі құқығы –ол өмір сүру құқығы

«Егер біздің құқық идеялары салтанат құратын өркениетті қоғам орнатқымыз келетіні рас болса, онда әрбір азамат мектеп қабырғасында жүргенде-ақ құқықтың қарапайым бастауларын біздің әрқайсымыз қарапайым есеп-қисапты білгеніміздей игеріп алуға тиісті».

Н.Ә. Назарбаев

Бүгінгі саяхатымызда біз сендермен « Оқушының құқықтары мен міндеттері » туралы танысамыз.

І «Бала құқықтары» бекеті

ІІ «Жағдаят шешу» бекеті

ІІІ «Түсініктеме» бекеті

І V «Ертегі» бекеті

І “Бала құқықтары” бекеті

1)Балалар қалай ойлайсыңдар, қай жасқа дейін азамат бала болып саналады?

- Бала құқықтары туралы заңда 18 жасқа дейінгі азаматтарды бала деп есептейді. (кәмелетке толмаған)

2) Сендер қалай ойлайсыңдар, баланы қорғаушы кім?

- Әрине, баланың қызығушылығы мен құқығын қорғайтын, тәрбиесіне, білім алуына қамқорлықты қамтамасыз ететін адамдар: ата-анасы, асыраушысы, қамқоршысы. – Бала туған кезде ата-анасы оған есімін қойып, ата тегін береді. Осы мәлімет арнайы құжатта жазылады. – Ол – Туу туралы куәлік (Осы құжат сендердің тұлғаларыңды растайды).

3) Біз қай елдің азаматтарымыз?

(Қазақстан Республикасының азаматтарымыз)

Балалар сендер не істеуге құқылысыңдар?

Енді, сендерге түсінікті болу үшін өздеріңе белгілі ертегілерді мысалға келтіре отырып, осы құқықтарды қарастыруға тырысамыз.

1) ”Бауырсақ” ертегісі /өмір сүруге құқылы, бірақ оны түлкі жеп қояды/

2) ”Тазша бала” ертегісі / сөз бостандыгына /

3) ”Ұр, тоқпақ” ертегісі / дүние мүлікіне /

4) ”Кір қоймас” ертегісі / денсаулыққа /

Жарайсыңдар тамаша!

«Жағдаят шешу» бекеті.

1) Ерасыл сабақта болғанда анасы оның бөлмесін жинап жүріп, қажетсіз деген заттарының бір қатарын лақтырып тастады.

Ерасылдың қандай құқығы бұзылды?

2) Асқардың үйіндегі інісін қарайтын адам болмағандықтан, оны анасы сабаққа жібермеді.

Асқардың қандай құқығы бұзылды деп ойлайсыңдар?

«Түсініктеме бекеті» бекеті.

Құқық -мемлекет тарапынан, болмаса тиісті қаулы, заңмен әрбір адамға берілген ерік, бостандық.

Конституция -бұл Қазақстан Республикасында тұратын барлық азаматтардың құқықтары мен міндеттері белгіленген құжат.

Конвенция –арнайы бір мәселе жөніндегі мемлекеттердің өзара келісімі.

Біріккен Ұлттар Ұйымы (БҰҰ) -жер бетіндегі халықтардың мүддесін қорғайтын халықаралық ұйым.

ТУУ туралы куәлік –баланың қашан туғанын анықтайтын негізгі құжат. Мұнда баланың туған күні айы жылы жазылады, сондай-ақ ата-анасының аты-жөні, ұлт, туған жері жазылады. Бұл баланың ең бірінші құжаты .

Азамат - жеке тұлға, ол мемлекеттің тұрақты тұрғыны және оның құқығы мен міндетінің иесі.

«Ертегі» бекеті.

«Мыстан кемпір» - / ертегісінде үнемі балалардың өміріне қауіп төндіреді /.

« Карлосон » -/ шулайды, қоғамдық орнында тәртіп бұзады/

« Ойлан, тап » ойыны.

Ер Төстік +

Мыстан кемпір -

Жеті лақ ертегісіндегі қасқыр -

Шық бермес Шығайбай -

Байлық пен ақыл ертегіндегі,кенже ұлы +

Ал енді сендер оқушы ретінде өз міндеттеріңді білесіңдерме?

Оқушының міндеттері :

Әркім Қазақстан Республикасының Ата заңын сақтауға;

Қазақстан Республикасын қорғау әрбір азаматтың міндеті;

Әрбір адамның ар мен намысын құрметтеуге;

Мемлеекеттік рәміздерді құрметтеуге;

Тарихи мәдени мұраларды сақтауға;

Тарихи ескерткіштерді қорғауға;

Табиғат және табиғат байлықтарын қорғауға;

Мектеп ғимараты мен оның аумағын үнемі тазалықта ұстауға;

Үлкенге – құрмет, кішіге – ізет танытуға;

Ата – анаға қамқорлық көрсетуге.