Т?рбие са?аты "Кітап-?ажап дос"

Тақырыбы: «Кітап-ғажап дос»

Мақсаты:

1)Білімнің кітап арқылы берілетінін ұғындыру.

2)Кітаптың адам өміріндегі маңызы, ғылым мен білімнің пайдасы жайлы түсіндіру.

3)Оқушының білімдік танымын өмірмен байланыстыра отырып, кітапқа деген сүйіспеншілігін арттыру, кітапты күтіп, таза ұстауға баулу.

Түрі: ашық тәрбие сағаты.

Әдісі: баяндау, сұрақ – жауап, шығармашылық.

Көрнекілігі: интербелсенді тақта,қанатты сөздер, кітаптар.

Сабақтың барысы: Ұйымдастыру кезеңі.

Балалар, бұл жол басы даналыққа,

Келіңдер, оқып байқап қаралық та.

Бұл жолмен бара жатқан өзіңдей көп,

Соларды көре тұра қалалық па?

Даналық – өшпес жарық, кетпес байлық,

Жүріңдер іздеп, тауып алалық та!

( Осы кезде кітап бейнесін мойнына ілген оқушы кіреді )

Кітап: Бәрекелді! Мың рахмет , Ахмет атамызға. Балалар, мен сіздерге үлкен қуанышпен келдім және дос болып қайтатыныма сенімдімін!

Мұғалім: Қош келдіңіз, қымбатты досымыз – кітап. Жоғары шығыңыз. (Кітапты төрге отырғызу). Балалар, ең әуелі жұмбақ шешуден бастайық.

1. Бір қойым бар , қаны жоқ,

Қанатының саны жоқ.

Адамменен сөйлесер,

Ақылы бар, жаныжоқ.

1. Тілі бар да, үні жоқ,

Өзін адам түсінген.

Жүрегі бар, қаны жоқ,

Сөйлей туған ішінен. (кітап)

1. Бірінші әріп – көзде бар,мұрында жоқ.

Екінші әріп- түсте бар, бұрымда жоқ.

Үшінші әріп-бетте бар, білекте жоқ.

Төртінші әріп- құлақта бар, жүректе жоқ.

Бесінші- П әріпі ақырғысы,

Жұмбақ шешкен баланың ақылдысы. (кітап)

(Балалар жұмбақты шешеді)

Құрметті балалар, мен жұмбақпен тегін бастап тұрған жоқпын. Бүгінгі әңгімеміздің өзі кітап жөнінде болмақ. Кім біледі, балалар! «Кітап» деген сөз қайдан шыққан. Қандай мағына береді? Кітап туралы не білеміз?

1. «Сен білесің бе?» бөлімі

Кітап – араб сөзі, “жазба”, ал түрікше “дәптер”,”мерзімді баспасөз басылымы”деген сөз. Кітап - өмір айнасы, замана сыры, тарих шежіресі, оқу, тәрбие құралы.

Түркі халықтарының көне жазба ескерткіші.( слайд)

“Папирус” кітабы.( слайд)

“ Пергамент” кітабы.( слайд)

Кітап басу цехы.( слайд)

Алғашқы кітап баспасы ағаштан жасалды. Қазақ кітап баспасы Ресейге қосылған соң қалыптасты. Тұңғыш қазақ кітаптары 1800 жылы шығарыла бастады.

2. Поэзия бөлімі: «Кітап-Отан байлығы»

1.Саған білім жемісін,

Оқулығың береді.

Талай адам сол үшін,

Маңдай терін төгеді.

2.Орманшының аялы,

Алақаны өсірген.

Сансыз ағаш саялы

Қағаз үшін кесілген.

3.Ағаш кесіп қанша адам,

Ормандарда жүреді.

Аға қанша шаршаған

Ағаш тиеп үнемі.

4.Жүргізуші боп жасынан,

Дүбірлетіп даланы.

Сол ағашты тасыған,

Білер ме көп ағаны?

5.Заводтарда күн*-түні,

Қағаз жасап бағалы.

Қанша адам сол үшін,

Маңдай терін төгеді.

6. Әдемілеп берем деп,

Бояу жағып не түрлі.

Суретшілер көркемдеп,

Қанша уақыт отырды?

7.Әріп теру үшін де,

Талай адам терледі.

Баспахана ішінде,

Айлап тыным көрмеді.

8. Оқулықты баршаға,

Талай ғалым қолға алып.

Жылдар бойы қаншама

Жазады ұзақ толғанып.

9. Оқулығың құралың,

Жағар білім шырағын.

Баса алмайсың ешқашан

Онсыз алға бір адым.

10.Оқулықты құрметте,

Күтіп ұста кірлетпе.

Кішілерге табыс ет,

Дақ түсірмей бір бетке.

Көрініс: «Кітап ескірмейді»

1. «Даналық сөздер» бөлімі.

• Кітап - таусылмайтын байлық.

• Кітап - білім бұлағы, Білім - өмір шырағы.

• Кітап-ғылым, тілсіз мұғалім.

• Наданмен дос болғанша, кітаппен дос бол.

• Кітап-алтын қазына.

• Күш-білімде, білім- кітапта.

• Кітапсыз үй, жансыз тәнмен тең.

• Кітап-асып-таспайтын асыл досымыз.

• Кітап оқудан тыйылған адам, ойлаудан да тыйылады.

• Жақсы кітап-жан азығы.

Аңыз-әңгіме «Табанды бала» (электрондық оқулықтан тыңдау)

• Бала өз мақсатына қалай жетті?

Кітапты оқи отырып, адамның ішкі рухани жан дүниесі артады. Айналадағы өмірмен, табиғатпен, адамның еңбегімен, құрбы-құрдастарымен танысып, жақсы болуға, жақсылық істеуге құштарландыратын осы құрал- кітап. Кітапсыз өтілген бір күн, орны толмай бос кеткен күн.Көркем әдебиеттерді таңдап, оқи білу де үлкен өнер. Ұлы Маркске қызы Лаура: «Сіздің ең жақсы көретін қызметіңіз не?»- дегенде, ол «Кітап ақтару»,- деп жауап береді. Біз бұдан ұлы адамдардың кітапты аса жоғары бағалағанын білеміз.

1. Есіңде болсын!»-кітап ұстау ережесі.

• Кітабыңды құрметте.

• Кітапты оқығанда ойға сақтауға, өмірге пайдалануға әдеттен.

• Кітапты ұқыпты, таза ұста.

• Кітап беттерінің бұрыштарын бүктеме.

• Кітап беттерін жыртпа.

• Кітапқа сурет салма, жазба.

• Тамақ ішіп отырып кітап оқыма.

• Кітап арасына қалам салма.

• Кітапты жоғалтып алма.

5.«Тапқыр достар» бөлімі- ребустар шешу.

«Оқу-инемен құдық қазғандай.»

«Білім кілті-кітапта»

Қорытынды: Кітапты біздің қоғамымыздың әрбір адамы күнделікті тұрмыста пайдаланады. Кітаптан терең білім алумен қатар бүгінгі күнніңғылыми жаңалықтарын, тарихымызды, өнеріміз бен мәдениетіміз жайлы оқып,білеміз. Елімізде бірде – бір бала мектептен тыс қалмайды. Жалпыға бірдей білім беру туралы Мемлекеттік маңызы бар «Білім туралы заң» қабылданған. Еліміздегі барлық балалардың оқып, білім алуы және олардың оқулықтармен қамтамасыз етілуіне Президентіміз н.Ә.Назарбаевтың өзі көп көңіл бөлуде және барлық жағдай жасалған. Оқыған, білімді адамның алмайтын қамалы жоқ. Ал білім адамға кітап арқылы келеді. Кітап- білім бұлағы деп тегін айтылмаған.

Кітап: «Кітаптың жыры» Е.Ашықбаев

Деме:

«Оңай үйренем»,

Ақыл айтсам-егеспе.оқу деген-

«Инемен құдық қазу» емес пе?

Менің әрбір жолымда-

Өмірдегі үлесің.

Мен отырсам қолыңда,

Білмегенді білесің.

Көп пайдадан құр қалма,

Жалқауланып, отырып,

Қолдан келіп тұрғанда:

«Кел, балалар, оқылық!»

-Сондықтан, кітаппен дос болайық, кітап оқудан жалықпайық!