2015-2016 о?у жылында 7-cынып ?ыздарымен ?ткізілетін ж?мыс жоспары

Сарыбұлақ орта мектебі МДШО КММ

Қыздармен жұмыс

Кадиркулоа С.Қ.

Қыздармен жұмыс жоспары

2015-2016 оқу жылы

Сынып жетекшісі: С.Қ.Кадиркулова

Қыздармен жұмыс

9-сынып

Мақсаты: Сыныптағы әрбір қыз баланы инабаттылық сақтауға баулу, құқықтық, адамгершілік, имандылық, эстетикалық тәрбие беру.

Қыз балалардың мінез-құлқын тәрбиелеу бойынша жұмыс оларды нәзіктікке баулу, отбасындағы алатын орны, ептілік пен шеберлік қалыптастыру, сондай-ақ қыздардың сұлулық, әсемдік, жақсы қарым-қатынас сияқты ұғымдармен таныстыруға бағытталған. Гигиеналық жағынан қыз балаларға жыныстық жетілу кезеңінде өздерінде болып жатқан физиологиялық және психоэмоционалдық өзгерістерді түсіндіріп, жеткізе білу. Бұл жұмыс қыз балаларға қамқорлық, ниет білдіру, жан жылулығын сезіндіру үшін және қыз баласына тән белгілі бір ұнату сезімін бастан кешіру кезінде түсініспеушілік болса, оған қыздардың мұңайып, өздеріне жамандық жасамауы үшін алдын-ала міндеттейді. Тек қана рухани тұрғыдан ғана емес қыздарымызды таза, әсем, жарасымды киім киіп, өздерін күтуге, шаш өруге, шаштарын соңғы сән үлгісімен өздеріне жарасатындай қиюға кеңес беру, үйрету ескеріледі. Сонымен қатар өз құқықтарын біліп, өздерін қорғауға және мектеп оқушыларының яғни өз міндеттерін дұрыс орындауға тәрбиелеу. Оқып-үйрену процесінің ерекшелігін және күрделілігін ескере отырып, қыз балалар тәрбиесінің табысты болуына төмендегідей қолайлы жағдайларды жасау ескерілмек:

• Мектептегі жаймашуақ орта;

• Мұғалімдер, сынып жетекшілер тарапынан тәрбиеленуші қыздарға құрметпен сенім;

• Әрбір оқушы қыз баланың мүддесіне көңіл қою;

• Айналадағы адамдардың мүдделерін есепке алып, балалардың өзіндік пікірін айтуға қолдау көрсету;

• Мәселелерді шешу барысында тәсілдер табу бойынша жеке мысалдарды өзіндік пікірін айтуға қолдау көрсету.

Мектепте қыз балалардың тәрбиесіне, оларда заман талабына сай бойжеткен идеалын қалыптастыруға және мінез-құлық критерийлерін нақты айқындауға ерекше көңіл аудару қажет.

Ұлдармен жұмыс жоспары

2015-2016 оқу жылы

Сынып жетекшісі: С.Қ.Кадиркулова

Ұлдармен жұмыс

9-сынып

Мақсаты: Ер бала арасында зиянды әдеттердің алдын алу, спорттық іс-шараларға қатыстыру арқылы салауатты өмір салтын насихаттау, өскелең жас ұрпақтың бойында патриоттық білім мен өзін-өзі жетілдіруге деген құштарлық, беріктік, Отан тарихында, Тәуелсіз Қазақстанның бүгіні мен болашағына деген жауапкершілікті қалыптастыру, отбасында да, қоғамдық ортадағы тәрбиеде де ер баланы еңбек етуге, еңбексіз бос отыра алмайтындай сезімге тәрбиелеу,

Міндеттері:

• Қазақстан халқының тілін, мәдениетін, тарихын білу негізінде өскелең жас ұрпақтың бойында рухани-адамгершілікті әлеуетті қалыптастыру.

• Ер баланың азаматтық белсенділігі мен саналығын арттыру.

• Танымдық жұмыстарды ынталандыру.

• Жасөспірімдердің зияткерлік, шығармашыдық және әлеуметтік дамуы үшін қолайлы жағдай жасау.

• Жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағыттылған ер баланың жеке тұлғалық қасиеттерін дамыту.

Ата-бабамыз ұлды өздеріндей еңбексүйгіш, малсақ, жауынгер, әнші, күйші, аңшы, құсбегі сияқты бесаспап азамат етіп тәрбиелеуді мақсат еткен. Жігіттің бойына өнер мен еңбекті, ізгі адамгершілік қасиеттерді қатар сіңірген. Ер баланы бес жасынан бастап ат жалын тартып азамат болғанға дейін мал бағу мен аң аулауға, отын шабуға, қор салуға, ағаштан, теріден, темірден түрлі тұрмысқа қажетті бұйымдар жасауға, яғни қолөнершеберлігіне баулыған. Отбасындағы ұл тәрбиесінде әке мен аталардың рөлі ерекше. Әке үйелменнің басшысы, отбасы мүшелернің тірегі, асырап сақтаушы, қамқоршысы. Әкенің мінез-құлқы, өзгелермен қарым-қатынасы, өнер-білімі – ұл баланың көз алдындағы үлгі-өнеге алатын, соған қарап өсетін нысанасы. Қазақта біреудің баласы жақсы, өнегелі азамат болса: «Оның әкесі немесе атасы жақсы кісі еді, өнегелі жерден шыққан ғой» деп мадақтайтыны сондықтан. «Әкеге қарап ұл өсер, шешеге қарап қыз өсер», «Әке – бәтерек, бала - жапырақ», «Жас – кәрінің көзі, кәрі – жастың тезі».