Тегін жолдамамен «Светофор» лагеріне баратын о?ушылар туралы а?парат

Қостанай обл. Қостанай ауданы, Заречный селосы

Мемлекеттік тілде оқытатын Заречный орта мектебі

Тегін жолдамамен «Светофор» лагеріне баратын оқушылар туралы ақпарат

Әлеуметтік педагог: Карманова С.Ш.

2013-2014 оқу жылы

Тегін жолдамамен «Светофор» лагеріне баратын оқушылар туралы ақпарат.

Лагердің жұмыс мақсаты-жазғы мезгілде оқушылардың демалысы мен денсаулықтарын жақсартуды ұйымдастыру.

Міндеттері:

-уақытша ұжымдағы балалардың денсаулығын қалпына келтіру жүйесін жасау;

-ойын, танымдық және еңбек әрекеттері арқылы балалардың дене және рухани әрекеттерінің арасындағы айырмашылықты азайту;

-оқушыларда қарым-қатынас дағдысы мен толеранттықты қалыптастыру;

-оқушылар санасында адамгершілік және мәдени құндылықтарды бекіту;

-оларда салауатты өмір салты дағдыларын бекіту, денсаулығын нығайту;

-балаларды шығармашылық әрекет түрлеріне тарту, шығармашылық ойлауды дамыту;

-мектеп пен отбасы арасындағы байланысты дамыту және нығайту.

Жазғы демалысты балаларымыз асыға күтеді. Ойын баласы болған соң демалыста жақсы демалғылары келеді. Жыл сайын балаларымыз тегін жолдамамен лагерінде демалады. Лагергеді балалармен жиі хабарласып сөйлесіп тұрамын. Олардың айтуы бойынша лагерьдің тамақтары жақсы. Онда тәрбиешілер түрлі шаралар өткізеді екен. Дене шынықтырумен де айналысады. Жаңа достар тапқан. Балаларымыздың ойлары бөлініп, жақсы болып келеді. Жазғы каникул балалардың жылдық бос уақытының айтарлықтай бөлігін алады.Ол мектептегі сабақтан гөрі баланың еркіндікке, өзі үшін қызықты істерді жасау және өз мүдделерінің еркін дамуы үшін қажеттіліктерін жүзеге асыратын кезең. Жылдан жылға тегін жолдамамен «Светофор» лагеріне барам деушілердің саны артып келеді. Бюджеттен әрбір балаға былтыр 25000 мың теңгеден болды. 2012ж. 6-оқушы, 2013ж. -16 оқушы тегін жолдамамен барып демалып келді. Бірақ, тегін лагерге бара алатын оқушылардың категориялары мынадай:

- жас ерекшелігі 9-14 жас

- әлеуметтік картадағы оқушылар

- қамқорлықтағы немесе патронаттық тәрбиедегі отбасының балалары

- көп балалы отбасы балалары

Әр оқушыда мына құжаттар болуы тиіс:

• Ата-анадан мектеп басшысына өтініш

• Туу туралы куәлік

• Мекен-жайы туралы анықтама

• Денсаулығы туралы анықтама

• Жасөспірімнің әлеуметтік-тұрмыстық жағдайын тексеру актісі

• Көп балалы отбасын анықтайтын куәлік

• Қорғаншы ретінде тағайындау туралы қаулы

• Әлеуметтік картада тұрғаны туралы анықтама

Әр бала өзімен бірге ішкі және сыртқы жылы киімдер, 3 пар аяқ киім, өзіне керек гигиеналық заттары, күн сәулесі өтпеу үшін бас киім, спорттық киімдер, орамал т.б.