«Отбасы-аялы алақан аясы»

Мен, Байдабаева гаухар Жақанша қызы 1975 жылдың 1 мамырында Қызылорда облысы Қармақшы ауданында дүниеге келдім. 1981 жылы 1 қыркүйек күні Қызылорда облысы Қармақшы ауданы Қармақшы ауылындағы 113 мектептің табалдырығын аттадым. 2002 -2003 оқу жылынан бері Қызылорда облысы Қармақшы ауданы. Аудандық оқушылар үйінде "Балдәурен" үйірмесін жүргізіп келемін.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
««Отбасы-аялы алақан аясы»»

Аудандық оқушылар үйіндегі «Балдәурен» үйірмесінің ұйымдастыруымен

«Отбасы-аялы алақан аясы» тақырыбында өткізілетін отбасылар сайысының

Ж О С П А Р Ы:

Мақсаты: Ата-аналар мен балаларды сайысқа қатыстыра отырып, Отбасы Отанның бір бөлшегі екенін ұғындыру. Адам бойындағы ұнамды, ұнамсыз қылықтарды ажыратып, әдеп әліппесін бойына дарыту. Тіл байлығын, таным белсенділігін арттыру. Бала тәрбиесінде ата-ананың алатын орнының ерекше екенін түсіндіру. Оқушыларды ынтымақ пен бірлікке, татулық пен ұйымшылдыққа тәрбиелеу.

Өтетін орны: Аудандық оқушылар үйі

Өтілетін уақыты: 04.11.2016 жыл, сағ.10.00-де

І Кіріспе бөлім

Ұйымдастыру кезеңі

Сайысқа қатысушы отбасыларды тіркеу;
Қазылар алқасын сайлау.

Қазылар алқасының құрамы:

1.Н.Наурызбаева- Оқушылар үйінің директоры

2.Р.Жаханова- Оқушылар үйі директорының орынбасары

3.А.Әбдіреева-Оқушылар үйінің әдіскері

ІІ Негізгі бөлім

Отбасылар сайысына 1 ата-ана өз балаларымен қатысуы шарт.

Сайыс кезеңдері:

1.Сәлем – сөздің анасы (таныстыру кезеңі;)

2. Жұмбақ-ойдың қазығы (жұмбақтар жауабын анықтап, оның орыс тіліндегі баламасын айту кезеңі;)

3. Өнер-сөнбес шырақ (өз өнерлерін көрсету кезеңі;)

4. «Бұл кім?» сайысы (оқушылар жабулы көзбен қасына келген ата-аналардың арасынан өз ата-анасын анықтауы тиіс;)

5. Жағдаяттан шыға білеміз бе? (жағдаяттық сұрақтар беру кезеңі;)

6. Ою-өрнек-рухани өмір айнасы (ата-ана мен бала бірлескен түрде қазақтың ою-өрнектерін әр түсті қаағаздардан қиып, оны ақ қағазға жабыстырады.)

ІІІ Қорытынды бөлім

Байқауға қатысқан отбасыларды марапаттау.

Ұйымдастырушы «Балдәурен» үйірмесінің жетекшісі: Г.Байдабаева

Аудандық оқушылар үйіндегі «Балдәурен» үйірмесінің ұйымдастыруымен «Отбасы-аялы алақан аясы» тақырыбында өткізілетін ата-аналар сайысының

С Ц Е Н А Р И Й І

Өтетін орны: Аудандық оқушылар үйі

Өтетін уақыты: 04.03.2016 жыл, сағ.10:00-де

Көрнекілігі: нақыл сөздер, кеспе қағаздар.

Жүргізуші: Армысыздар құрметті ата-аналар, ұстаздар және оқушылар! «Отбасы-аялы алақан аясы» тақырыбында өткелі отырған отбасылар сайысына қош келдіңіздер!

Жүргізуші: Ата-ана-қоғамның маңызды буыны және өзінше бір кішігірім ұжым. Көп ұлт өкілдері мекен еткен мемлекетіміздің негізі осы шағын ұжымдардан қаланады. Бүгінгі отбасылар байқауымыздың мақсаты да ата-аналармен байланыста болып, түрлі шараларға қатыстыру арқылы бала тәрбиесіндегі ата-ананың алатын орнының ерекше екендігін түсіндіру және баланың бос уақытын мазмұнды ұйымдастыру.

Жүргізуші: Ендеше байқауға қатысатын отбасылармен таныс болыңыздар:

1.«_______________________» отбасы, ___________________________________________.

2.«_______________________» отбасы, ___________________________________________.

3.«_______________________» отбасы, ___________________________________________.

4.«_______________________» отбасы, ___________________________________________.

5.«_______________________» отбасы, ___________________________________________.

Жүргізуші: Сайысқа түскелі отырған отбасыларымыздың өнерін бағалайтын қазылар алқасының құрамымен таныс болыңыздар.

1.____________________________________________________

2.____________________________________________________

3.____________________________________________________

Жүргізуші: Бүгінгі сайысымыз 6 кезеңді құрайды. Олар:

1.Сәлем – сөздің анасы (таныстыру кезеңі;)

2. Жұмбақ-ойдың қазығы (жұмбақтар жауабын анықтап, оның орыс тіліндегі баламасын айту кезеңі;)

3. Өнер-сөнбес шырақ (өз өнерлерін көрсету кезеңі;)

5. Жағдаяттан шыға білеміз бе? (жағдаяттық сұрақтар беру кезеңі;)

Жүргізуші: Отбасыларымызға сәттілік серік болсын деген тілекпен сайысымызды бастаймыз.

І кезең. «Сәлем – сөздің анасы». Алғашқы кезеңімізде отбасыларымыз өз-өздерін таныстырады.

ІІ кезең. «Жұмбақ-ойдың қазығы». Қатысушыларға 3 жұмбақтан жасырылады. Жұмбақтардың жауабын анықтап, оның орыс тіліндегі баламасын айтулары қажет.

№ 1

Арқырап бұлағы,
Гүрілдеп тұрады.
Сырты – жаз, іші – қыс,
Кеппейді қырауы.
(тоңазытқыш, холодильник)
Ешкім де жемейді,
Тәтті екен демейді.
Сарғайып піседі,
Үзіліп түседі.
(жапырақ, листья)

Тілі бар, үні жоқ,
Өзін адам түсінген.
Жүрегі бар да, қаны жоқ,
Сөйлеп тұрған ішінен.
(кітап, книга)

№ 2

Үй үстінде алтын тас,
Алайын десем табылмас.
(жұлдыз, звезда)

Қимылдаса қос шебер,
Қыруар-қыруар іс өнер.
(қол, рука)

Қолы жоқ ,сурет салады,
Тісі жоқ, тістеп алады.
(аяз, мороз)

№ 3

Шықпайды үйден,
Тоны -жібектен.
Күндіз ұйықтайды,
Түнде дамыл таппайды.
Аңға барады,
Сол аңды үйден табады.
(мысық, кошка)

Басы — тарақ, арты — орақ.
(қораз,петух )

Күші десең, күші бар.
Тісі десең, тісі бар.
Торуылдап ауылды,
Түнде жортар ісі бар.
(қасқыр, волк)

№ 4

Кесе, шыны, пиала –
Оларсыз шай құя ма?
Қасықсыз тамақ жемейді,
Бәрінің атын не дейді?
(ыдыс, посуда)

Жасыл ине киімім,
Жайлаймын тау биігін.
Жаңа жылды тойласаң.
Төріңдемін үйіңнің.
(шырша, елка)

Кіруге адам батпайды,
Затыңды аман сақтайды.
(сандық, сундук)

№ 5

Даусы бар, жаны жоқ,
Шертсең күйі, әні көп.
Құлағын он бұра.
Ол не?....
(домбыра, домбра)

Таңмен көзін ашады,
Әлемге нұрын шашады.
(күн, солнце)

Қалқиған ұзын құлағы,
Елеңдеп қорқып тұрады.
(қоян, заяц)

№ 6

Үстіндегі көйлегі
Түрлі-түсті, не керек.
Қызықтырар көргенді,
Мұның аты...
(көбелек, бабочка)

Айдалада ақ отау,
Аузы-мұрны жоқ отау.
(жұмыртқа, яйцо)

Қол созсаң, ақ күміс
Алақаңға толады.
Ашып-жұмсаң, із-түссіз
Лезде жоқ болады?

(қар, снег)

№ 7

Көзіңе көрінбейді,
Қаңғуға ерінбейді.
Шалғынды жапырады,
Жол бойын сыпырады.
(жел, ветер)

Ашулы қонақ бұл анық,
Тонып шешсе, жыладық. (пияз, лук)

Ерте тұрдым,
Екі айыр жолға түстім.
(шалбар, брюки)

№ 8

Ашылып, жабылады,
Әр үйден табылады. (есік, дверь)

Өсірдім ұлпа қар,
Шешуін кім табар? (мақта, вата)

Әкеміз ала баспақ асырады,
Күз келсе соямын деп асығыды.
Баспағым бойын шөпке жасырады.
Еті қызыл, терісі жасыл әлі. (қарбыз, арбуз)

№ 9

Алыстан қарасам аппақ,

Татып қарасам тәтті-ақ. (қант, сахар)

Жазу жазып жалықпаған,
Жаза-жаза арықтаған.
(бор, мел)

Білімнен мол сый-асы,
Балғындардың ұясы.
(мектеп, школа)

№ 10

Шіркіннің өзіне обал-ақ,
Жүреді аяқта домалап.
(доп, мяч)

Қарап тұрсаң өзіңе,
Сурет түсер көзіңе.
Ол суретің ұқсайды,

Тура сенің өзіңе
(айна, зеркало)

Көреді бәрін өзгенің,
Көрмейді бірақ өздерін
(көз, глаза)

ІІІ кезең. «Өнер-сөнбес шырақ». Отбасылар әр түрлі тақырыпта өнер көрсетеді. Жеке немесе ата-ана баласымен бірге өнер көрсетуіне болады.

ІV кезең. «Сіз балаңызды қалай еркелетесіз?» . Бұл сайыста балалар орындықта отырады. Аналары өз балаларын әр қадам сайын жылы сөздерін айтып, балаларының қасына келу керек. Ата-анасын келген кезде оқушылар «Мен сізді жақсы көремін» деп, аналарын мерекелерімен құттықтап өтеді. (тақпақ немесе ән айтады).

Жүргізуші: Халық мақалында «Бала - адамның бауыр еті», «балалы үй - базар» дейді. Өйткені бала - өмірдің жалғасы, отбасының жеміс берер гүлі. Отбасы – бұл қоғамның негізі. Баланың болашақта жақсы азамат болып өсуі үшін, жан - жақты ұқыпты болуы отбасында берілетін тәрбиеге тікелей байланысты.

V кезең. Жағдаяттан шыға білеміз бе?

Жағдаяттық сұрақтар

Балаңыз мектепте біреумен ілінісіп қалыпты. Сіз бұл жағдайда қандай әрекет жасайсыз?

Үйде қонақтар бар. Балаңыз сіздің ең қымбат ыдысыңызды сындырып алды. Сіздің әрекетіңіз?

Балаңыздың жақын араласып жүрген досы тәртібі қиын, нашар бала. Сіз балаңызға қандай кеңес бересіз?

Балаңыз өте тәртіпті. Оны сыныптастары ынжық деп мазақ еткен соң, ол мектепке бармаймын деді. Сіз қалай көндіресіз?
Күнделікті сабақтан соң балаңыз әдеттегідей қосымша сабаққа барамын деп сізге ескертіп кетті. Келген соң не үйренгенін, қандай сабақ болғанын, барлығын түгелдей сізге баяндап айтып берді. Сондай бір күндердің бірінде балаңыздың қосымша сабақта емес, көшеде ойнап жүргенін байқадыңыз. Сіздің әрекетіңіз?
Сіз маңызды жұмыстарыңызбен асығыс үйден шығып кеттіңіз. Ал балаңыз бұл уақытта көрші балалардың барлығын үйге әкеліп, үйдің шаң-шұңын шығарып ойнап жатыр еді. Үйге оралған соң бұл көріністі өз көзіңізбен көрдіңіз. Сіздің әрекетіңіз қандай?
Балаңыз сырқаттанып, ауырып қалған соң сабаққа бармады. Сіз қатты уайымдадыңыз. Сынып жетекшісі үйге хабарласып, мектепке тексеру келіп жатқанын айтты. Сізден балаңызды сабаққа жіберуін талап етті. Сіздің әрекетіңіз?
Балаңыздың сабақ үлгерімі 8-ші сыныпқа дейін үздіктер қатарынан көрінетін. Бірақ достарының тәртібі дұрыс болмағандықтан сол балаларға еріп, сабақ үлгерімі нашарлай түскен болатын. Мұны күнделікке қол қояр сәтте байқап қалдыңыз. Балаңыздың сабақ үлгерімін қайта қалпына келтіру үшін қандай әрекет жасар едіңіз?
Үйге жаңадан компьютер сатып алған болатынсыз. Балаңыздың қызығушылығының барлығы осы компьютерде екен. Күн демей, түн демей экран алдында отыратын болды. Сіз бірдеңе айтпақ болсаңыз, зекіп жіберуді шығарды. Мінез-құлқында жағымсыз қылықтар уақыт өте келе көбейе түсті. Сіздің әрекетіңіз қандай?
Балаңыз өтірікті көп айтады. Сол үшін де сізден ұрыс еститін. Бірақ ешқандай нәтиже болмады. Сіздің әрекетіңіз?

VІ кезең. «Ою-өрнек-рухани өмір айнасы». Ата-ана мен бала бірлескен түрде қазақтың ою-өрнектерін әр түсті қаағаздардан қиып, оны ақ қағазға жабыстырады.

Жүргізуші: Сайысымызды қорытындылау үшін сөз қазылар алқасына беріледі.

Жүргізуші: Отбасы-адамзат бесігін тербеткен баланың бас ұстазы. Отбасы-адам баласының түп қазығы, алтын ұясы. Егеменді еліміздің ертеңгі болашағы саналатын жас ұрпақтың тәрбиесі де осы алтын ұяда қанат жаймақ.

Жүргізуші: Құрметті ата-аналар, оқушылар, бүгінгі сайысқа белсенділік танытып, қатысқандарыңыз үшін сіздерге үлкен алғысымызды білдіреміз. Қош, сау болыңыздар.