Просмотр содержимого документа
«М?гедектер ?лемі ж?не оларды ?ор?ау за?ы»
“Шығыс Қазақстан облысы
Семей қаласының білім бөлімі” ММ
“№19 жалпы орта білім беретін мектеп” КММ
Өткізген: Берикболова А.Д.
Семей қаласы
2015-2016 оқу жылы
Сынып сағаттың тақырыбы: Мүгедектер әлемі және оларды қорғау заңы Мақсаты: Мүгедектер, олардың түрлері, әлеуметтік жай – күйі туралы тану. Мүгедектерді қорғайтын заң негіздерін талдау. Адамгершілік қасиетті сақтауға рухани мүгедектіктен сақтануға шақыру.
Қазақстан Республикасында мүгедектерді әлеуметтік қорғау заңына тоқталу
Бейне ролик көрсету
Мүгедектер қоғамдық ұйымдары
Топпен жұмыс
Кіріпе сөз
Өмір толы ащы менен тұщыға да,
Кімдер келіп, кетпес өмір жолында
Ащысы мен тұщысы бірге жүрер,
Қуанып бір қайғырып өз жолында.
Өмір толқын ағып жатыр өзендей боп,
Талмайтын, тоқтамайтын толқындай боп.
Теңіз жатыр арнасынан асып – тасып,
Желменен қашып тұрып, ұшып – қонып.
Өмірге кімдер келіп, кімдер кетпес!
«Дені сау адам – табиғаттың ең қымбат жемісі»
Қазіргі кезде елімізде мүмкіндігі шектеулі ересек жандарды қоспағанның өзінде 150 мыңнан аса мүгедек бала өмір сүруде. Бұл әрине қынжылтарлық жағдай. «Қазақстан Республикасының мүгедектерді әлеуметтік қолдау туралы» және «Мүмкіндігі шектеулі балаларға әлеуметтік және медициналық-педагогикалық көмек көрсету туралы» ҚР-ның Заңдарына сәйкес мүмкіндігі шектеулі жандарға деген мемлекет тарапынан көрсетілетін көмек етек жинап, ел болғалы толастамаған емес. Дегенмен бұл әрине мұндай жағдайда аздық, әлі де болса ойланарлық жағдай. Десек те, даму мүмкіндігі шектеулі, жарымжан жандар үшін ел тарапынан бөлінетін көмек пен қамқорлық шектелмесе екен деген ойдамын. Бұл жандар ондай өмірді таңдап алмаса керек.
Мүмкіндігі шектеулі жанды көргеніңде аяушылықпен қарап, бүгініңе шүкіршілік етесің. Ал олардың хал-ахуалын, жүрек түкпіріндегі күйзелісін біз қанша ойланып, тебіренсек те жеткізе алмасымыз хақ. Олар іштей жан азабын тартып, күйзелгенімен өмірде мықты, қандай қиындыққа болсын мойымай, қайсарлық танытқанын көргенде еріксіз қайран қаласың. Мүмкіндігі шектеулі жандардың қозғалыс мүмкіндігі шектелгенімен, жан-дүние кеңістігі аясының тарылып, күйзеліске ұшырауына жол бермеу-белгілі бір ұйымдардың міндеті ғана емес, қоршаған ортаның, қалың бұқараның басты парызы.
Мүгедек деген кім? А) туа біткен кемістік Ә) жүре пайда болған кемістік Б) кенеттен пайда болған кемістік Мүгедектер бірнеше топтарға бөлінеді. 1 топтағы мүгедектер еңбекке жарамсыз, 2 топтағы мүгедектер жеңіл еңбектерге жарамды, 3 топтағы мүгедектер еңбекке жарамды адамдар.
Бейне ролик
Қазақстан Республикасында мүгедектерді әлеуметтік қорғау заңы
Бейне ролик
Мүгедектер қоғамдық ұйымдары
Мүгедек жандардың қоғамдағы орны ерекше. Олардың жағдайлары ойландыратын, толғандыратын мәселелердің бірі. Оларға арнап үкіметте көптеген істер атқарылып жатыр. Мысалы: оларға арнап қаржы бөлінуде және мүмкіндігін арттыратын түрлі құрал-жабдықтар, мүгедек болса да шеберлікпен атқара алатын жұмыстарға жұмыс орындары ашылуда. Өкініштісі бұлардың барлығы сол кемтар жанның кем жерін қайтарып бере алмас? Бірақ мүгедек екенін ортасындағы адамдармен дәрежесі тең екенін білдіруге үлкен септігін тигізеді.
Топпен жұмыс
Алдарыңызға А-3 форматындағы қағазда екі баланың суреті бейнеленген. Бірінші бала – дені сау бала, яғни мұнда сіздер осы баланы жамандықтан қорғау жолдарын жазасыздар. Екінші бала – мүгедек бала, яғни мұнда сіздер қандай көмек жасауға болатыны туралы ұсыныстар жазасыздар.
Мүгедектерге бүкіл халық атынан, әлем атынан үлкен қолдау қажет. Оларға деген сый-құрмет жоғары болғаны жөн. Өйткені олар нағыз өмірдің не екенін және қалай өмір сүру керектігін білетін, түсінетін адал да, ардақты жандар!!!
Мүгедектер – тән саулығын аңсаған, Біреуге аяқ, ал біреуге қол қайғы. Өз борышын сезінуден қалса адам, Бұдан асқан мүгедектік болмайды – деп Қ. Мырзағали ағамыз жырлағандай мүгедектерді қорғайық.
