"Мен ?мірге жа?сылы? жасау ?шін туылдым!"

Сабақтың тақырыбы: «Мен өмірге жақсылық жасау үшін туылдым!»

Сабақтың мақсаты:

– жақсы қасиеттер жөнінде түсініктерін кеңейту;

– бір-біріне жақсы тілектер айту арқылы көтеріңкі көңіл-күй сыйлауға дағдыландыру;

– сөздік қорларын дамыту.

Әдіс-тәсілдері: әңгімелесу, түсіндіру, АРТ-терапия элементтері, ойын, сұрақ-жауап, интерактивті әдіс.

Қажетті оқу құралдары: оқулық, түсті қағаздар, түрлі-түсті суреттер, үнтаспа.

Сабақ барысы

1. «Тыныштық сәті»

Үнтаспадан бір көңілді ән тыңдату.

• Балалар, мен сендерге «Жас Фараби» (Қ.Сапарбаев) аңызын айтып берейін.

Әбу-Насыр әл-Фараби әлемге әйгілі ғалым болған. Ол ежелгі Фараб қаласында туып өскен. Әбунасыр араб, түрік, еврей, грек т.б. тілдерін жетік білген.

Бірде оқытушы оған:

Шәкіртім, қашан көрсем де ақ жарқын жүресің, – деді.

Мен көңілді жүруге әдейі дағдыланамын. Өйткені «Көңіл-күйдің жақсылығы – жақсы денсаулық пен жемісті еңбектің кепілі» деген ұстазым – Қорқыт бабам, – деді әбу-Нәсір.

• Жақсы тілек көңіл-күйдің көтеріңкі жүруіне ықпал етеді. Сондықтан сендер бір-біріңе, жақындарыңа, туыстарыңа жақсы тілек айтып жүруге тырысыңдар.

• «Жаттығу» «Жақсы ма, жаман ба?»

Қатысушылардың бір-бірін оңай есте сақтауына көмектесетін жаттығу. Әрбір қатысушы өз есімін айта отырып, соған қоса өз қимылын жасауы тиіс. Қалған қатысушылар оның айтқаны мен қозғалысын қайталаулары қажет. Жаттығу бірлесіп орындауға өте көңілді. Бұл жаттығуды бірнеше сағат отырып шаршай бастаған кезде ұйымдастырса, тыңдаушылар үшін сергіту сәтінің де қызметін атқарады.

• «Күн нұрындағы менің суретім»

«Қағаздың дәл ортасына күн шеңберін сызып шығыңыз.Күннің ортасына өз есіміңізді жазыңыз немесе өз суретіңізді салыңыз. Күннің нұрларының орнына өзіңіздің бойыңыздағы жақсы қасиеттеріңізді жазып шығарыңыздар. Күн нұрларының көп болғаны өзіңізге жақсы. Бұл: неліктен мен құрметтеуге лайықпын? сұрағының дәлме-дәл жауабы»

• «Өзіме хат»

Бұл тренингтің негізгі кезеңіндегі ең соңғы жаттығу болғандықтан мақсаты барлық жасалған жұмыстардың қорытындысын жасау. Басқаша айтсақ, бұл тренингтен мен не алдым, өзім жайлы не айта аламын, қандай ой-түйіндер жасадым сияқты мәселелерге тоқталу. Жұмыс әр адамның өзіне хат жазуы формасында ұйымдастырылады. Жазылғандарды кіші топтарда оқуға да болады. Әрине ол әр адамның өз қалаулары бойынша жасалады.

• «Сұрақ» Үйде отбасы мүшелері ретінде сендер бір-бірлеріңе қандай жақсы тілектер айтасыңдар?

«Алло, алло!» ойыны

Бұл ойынға ойыншық телефондар пайдаланады. Ойынды ойнау барысында балалар телефон арқылы бір-бірімен дұрыс сөйлесу мәдениеттілігін меңгереді, жақсы тілектерді орынды пайдалануды үйренеді. Мысалы, Алло, Әсем! Сәлеметсің бе? Бүгінгі мерекең құтты болсын! Саған зор денсаулық, ашық аспан тілеймін!т.б.

«Көңілашар»

• Балалар, Ф.Жолдасованың «Бала тілегі» өлеңін оқиық.

Бал балалық, балдырған шақ сан арман,

Барлық бала армандауға жаралған.

Кел, достарым, әндетіңдер, билеңдер,

«Гүлденсін» деп, атамекен – қара орман. (2 рет)

Болашақтың иесіміз бәріміз,

Туған жердің түрлендірер нәріміз.

Алтын бесік – ұлан байтақ елімде,

Жарқын болсын шырқап айтар әніміз. (2 рет)

Қалықтаған көгершіні көгінде,

Мұңаймасын ешбір бала елімде.

Ата берген батаменен көркейсін

Ұлы Отаным, тілегім сол менің де. (2 рет)

«Туған күнде» ойыны

Әр баланың алдына ақ қағаз бен түрлі түсті қарындаштар қойылады:

Ақ қағазға қызыл түспен қонақтардың санына қарай нүктелер қойылады (оң жағына). Ал, сол жаққа туған күні болған оқушыны белгілейді.

Мысалы:

• Сендер барлығың кімді құттықтадыңдар?

– Айгүлді.

• Осыны қалай көрсетуге болады?

– Оң жақтағы нүктелерден сол жақтағы нүктеге қарай бағдар қойылады.

• Айгүл, сен достарыңның бәрін құттықтасаң, қалай көрсетесің?

– Оң жақтағы нүктеден сол жақтағы нүктелерге қарай бағдар сызу керек.

• Айдана, сен қай айда тудың?

– Қазан айында

• Тағы кім қазан айында туған?

– Ержан.

• Ендеше, достарымызды туған күнімен құттықтаймыз.

• Кім қанша құттықтау алды ?

• Басқа балалар неге құттықтау алмады?

– Өйткені олар басқа айларды туылған.

Құттықтау алған балалар достарына рақмет айтады.

1. АРТ-терапия әдістемесінің элементтерін пайдалану арқылы жұмыс.

   • Жүрекшелер жасау. Жүрекшелерге өздеріңнің туыстарыңа, достарыңа арнап шын көңілден айтатын тілектеріңді жазыңдар.

2. «Жүректен жүрекке»

   • Айналамыздағы жақын адамдарымызға жақсы тілек білдіріп, қуанышқа бөлеп жүрейік.