"?ызды? к?ркі - ?ос б?рым" (пікірталас)

Тақырыбы: “Қыздың көркі -қос бұрым”

Мақсаты:Оқушылардың осы тақырыпта ой-пікірлерін білу,ұлттық қадір-қасиетімізді асқақтатып,сезім-талғам дүниесінде бай бола білуге тәрбиелеу.

Жүру барысы

Мұғалім:Бүгінгі пікірталас кешімізде “Атырау”газетінде жарияланған мақаланы талқылағалы отырмыз.Бұл мақаланың авторы Төлеп Тілегенов-халықаралық “Қазақ тілі”қоғамы аудандық комитетінің төрағасы.Алдымен сіздерді осы мақаламен таныстырып шығайын.(Мақаланы оқып шығады.)

-Енді осы мақала төңірегінде өз ойларыңды , пікірлеріңді ортаға салып ,талқылайық.

Айгүл:Маған бұл мақала көп әсер қалдырды.Қыздың көркі-қос бұрым.Қазір бұрымы бар қыздар сирек.Өзім шашымды өсіріп жүрмін.Үйдегі апаларым да шаштарын өсіріп,шаштарын күтеді.Өзімнің анамның шашы өте үлкен болмаса да бұрымы бар.Ол өзінің ақылын айтып отырады.Өзіме бұрым шаш қатты ұнайды.Бұрым-қыздың көркі деп дұрыс айтады.

Әмина:Бүгінгі тақырып қыздарға арналған.Өте орынды жазылған мақалада.Менің шашым қысқа.Бірақ шашы ұзын,бұрымды қыздарға қатты қызығамын.Негізгі мен бұл жөнінде көп ойланбаппын.Менімші,шаш адамды көрікті етіп көрсетеді.Бірде мен көшеде бұрымы ұзын апаны көрдім.Айналасындағы адамдардың бәрі қарап жатты.Мен де қызықтым.Бірақ ұзын шашты күту қиын сияқты.

Шыңғыс:Біздің мектепте де бұрымды,шаштары ұзын қыздар бар ғой.Бантик тағып,шаштарын өріп қойған қандай жарасып тұрады қыздарға.Шашты өсіру анасына да байланысты болар мүмкін.Аналары күні бойы жұмыста болады да қыздарына қарауға уақыты аз болады.Кейбір қыздар лас болып келеді.Бұл,әрине,өте ұят.Шаш өсірген соң оны күтіп ұстау қажет.

Райхан:Мен шашымды өсіріп жүрмін.Шашымды үнемі күтіп жүремін.Анам да шаш өсіруімді қолдады. Кім шашы ұзын болғанын армандамайды?Қазір заманға қарай қыздар да шаш қою түрін өзгертіп жатады.Бірақ шаш сәнімен қиылып,күтілсе қысқа шаш та әдемі көрінеді.

Арыстанбек:Мен мектептегі қыздардың шашы түгелдей ұзын деп айта алмаймын.Жоғары сыныптарда тіпті жоқ деп те айтуға болады.Ал шаштары қысқа қыздарға бантик таққан үйлеспей жатады.Міне,осындай да әттеген-ай деп қаласың.Шаштарын,өздерін күтпей жүрген қыздарды көргенде қатты қынжыласың.Ал осы дұрыс па?Қызға лайық па?

Мұғалім:Қазақ халқы бұрымды қадірлеп,қастерлеген.Жаңа оқыған мақалада өте дұрыс деректер айтылған.Әркімнің өз еркі өзінде екені,әрине,рас.Бірақ бұл мәселені қозғап отырғанымыз тек ұлттық ерекшелігімізді жойып алмау.Сондықтан да бұл жөнінде ертең болашақта ойлансаңыздар демекпін.Қазір бұл пікірталасымыздың соңында шаш күтімі туралы аз ғана кеңестерімізді тыңдай кетіңіздер,пайдасы тиіп қалар деген ойдамыз.(шаш күтімі туралы бірнеше кеңестер айтылады)

Бүгінгі пікірталасқа қатысып,өз ойларыңды айтып белсене қатысып отырғандарыңа көп-көп рахметімді айтамын.