Қазақстан - менің мақтанышым

Қазақстан - менің мақтанышым

Мақсаты: Өз Отанын сүюге, рәміздерін танып, құрметтеуге, өз еліне, жеріне деген мақтаныш сезімін туызуға тәрбиелеу, патриоттық тәрбие беру.

Көрнекілігі: Отан, ел, туған жер туралы қанатты сөздер, рәміздер, Астана ғимараттарының суреттері, Қазақстан қалалары.

БАРЫСЫ:

1. Гимн орындалады.

2. Психологиялық дайындық: шеңбер құру, өлең оқу!

3. Негізгі бөлім: мұғалімнің кіріспе сөзі:Бүгінгі сынып сағатымыз:

«Қазақстан- менің мақтанышым» деп аталады.

--Балалар, біз қай республикада өмір сүріп жатырмыз?

--Біздің Отанымыз қалай аталады? «Отан» дегенсөзді қалай түсінесіңдер?

Медина: Отан – жерім, Отан – суым,

Отан - қуат, нәр береді.

Отан – ұран, Отан – туым

Отан – мәңгі гүлденеді!

Айбек: Отан – сенің ата-анаң,

Отан – досың, бауырың,

Отан – өлке, астанаң,

Отан- аудан, ауылың.

А.Дидар: Отан – тарих, Отан – тіл,

Жасаған – елің, ер халқын.

Отан – өлең, Отан – жыр,

Көрген көкке ел даңқын.

Назерке: Отан – атам, Отан – әкем,

Осы сөзім қате ме екен?!

Қате болса неге біздер,

Дейміз оны «Атамекен?!»

Данагүл: Бұл күндері Қазақстан өзінің ең басты мейрамы – Тәуелсіздік күнін атап өтуде. Биыл Тәуелсіздік алғанымызға 25 жыл толып отыр. 1991 жылы 16 желтоқсанда әлемнің саяси картасында жаңа мемлекет – Қазақстан Республикасы пайда болды.

Дарын: иә, бұл мереке – ұлық мереке, шың мәніндегі ұлы мереке. Ежелден Қазақтың ең асыл мұраты еңселі ел болу еді. Елім деп еңіреген ақындарымыз «Егемен болмай ел болмас, етектен кесіп жең болмас» деп жырлайтын еді.

Айымжан: Міне, 25 жыл бойы біз күн сайын және сағат сайын жоспарларымызды іске асырып, жаңа Қазақстанды – өз арманымыз бен ұмітіміздің мемлекетін құрып, нығайтудамыз.

Бақжан: Бүгінгі өз келешегіне бет алған Тәуелсіз Қазақстан – бұл біздің Ортақ мақтанышымыз!

Ең асыл мұрат – еңселі ел болу.

Слайд көрсетіледі.

Медина: Армысың , абзал ағайын

Жаһандықжойқын елдермен.

Тарихқа келген ғажайып.

Тәуелсіз елім ширек ғасырда.

О.Дидар: Қазақпын! Қазақстаным.

Ғарышына да ұшқанмын

Тәуелсіз туым қолымда,

Зақымды берік ұстандым.

Ж.Нұржан: Бір шөкім бұлтсыз аспандай,

Көгілдір туым желбіреп.

Сарайын жанның ашқандай,

Қараймын бүгін елжіреп.

Топқа тапсырмалар беріліп, тыңдалады.

Тақтадан тудың, елтаңбаның суретін көрсете отырып, рәміздерді атату.

Әнұран. Оқитын : Есенбек Данагүл.

Әнұраным – жан ұраным,

Айтар әнім, сөйлер сөзім.

Ол әні ғой жүрегімнің,

Мың қайталап айтам мұны.

Бақыт, бірлік – күн табалы,

Тоқтамайды дабыр әні.

Мәңгі бақи шырқалады

Республика Әнұраны!

Елтаңба. Оқитын: Ж.Нұржан

Қатар шапқан қос тұлпар,

Айастында қазақы үй.

Қалықтаған жас сұңқар,

Шарықтаған таза күй.

Бұл – таңбасы елімнің,

Елдігімнің белгісі.

Мұнда да бар ерлігім,

Мұнда да бар жер күші.

Ән: Отан – хор.

Тақпақ: Тәуелсіздік Монументі. Оқитын Мырзахмет Бақжан.

Айы туып, жұлдыз, күні жанған ел,

Ата бабам мәңгі аңсаған арман ел.

Мәңгі тірі, мәңгі азатсың, қазағым,

Мұндай ұлы монументті салған ел.

Қорамсаққа қолды салсан – үш жебе,

Қазағымның тұтастығын қорғайтын.

Жан жағынан жақсылары қалыспай,

Хан болған ғой азаматым арыстай.

Алтын адам – ата – бабам көзі бұл,

Қанаттанып жаүға шапқан барыстай.

Келешекке құс боп қанат қақты Адам,

Ұлы өнердің мәңгі отын жақты Адам!

Тәуелсіздік монументі алдында

Қазақ болып туғаныма мақтанам!

Снежана: Отан осы, достарым,

Көңілге мұны түйе біл.

Отан деп өс, жас қауым

Оны ардақтап сүйе біл!

Насыр: Отан, Отан

Бәрінен биік екен,

Мен оны мәңгілікке сүйіп өтем!

Гүл дестесіне жазылған «Отан» деген сөзді іліп, оған ассоциация құрғызу, балалар «Отан» деген ұғымға қандай сөзді сыйғызса, соны қағазға жазып іледі, сонда әдемі гүл шығады.

Мұғалім: - Балалар, біздің ҚР-ын кім басқарады?

• Президент.

• Біздің президентіміз туралы кім не айтады?

• Балалардың атасы,

Жоқ ісінің қатасы.

Елді бастап келеді,

Қабыл боп ел батасы.

• Қазақстанның ең бас қаласы қай қала, ол қала туралы біз не білеміз?

Еркебұлан: Бой көтерді бір қала,

Ол біздің сұлу Астана

Астанада бәрі бар

Қараймыз оған шаттана.

Расул: Ардақтайтын Астанам

Мәртебелі бас қалам

Көркейе бер күн сайын

Алға қарай бас қадам.

Осындай рәміздері бар, осындай әсем астанасы бар біз кімбіз?

Нұрсұлтан: Іші алтын, сырты нұр,

Бұзылмаған шырқы бір.

Ұлы достық мекені,

Қазақстан жұрты бұл.

Нұржан: Көк туды асқақ көтерген,

Елді мақтан етем мен.

Терезесі тең, сыймас,

Алыс, жақын шет елмен!

Айсұлтан: Күміс күннің астында,

Желбірейді туымыз.

Қазақ деген халықтың,

Ұлы менен қызымыз.

Анамыздай тілеуі ақ,

Отан бізде бірей-ақ.

Хормен: Ол – біздің Қазақстан.

Мұғалім: Біз ата-анамызды қалай жақсы көріп құрметтесек, Отанымызды да солай қастерлеп, құрметтеуіміз керек! Отан деген – ол туған үйіміз, Қазақстан – туған жеріміз! Ендеше мен сендерге татулық, достық тілей отыра «Қазақстан – біздің мақтанышымыз» демекпін.