Просмотр содержимого документа
««??ла?тан ?ні? кетпестей,Сы??ырла, со??ы ?о?ырау!»»
«Келісемін» «Бекітемін»
Ақмешіт ауылының №15 орта
Тәрбие ісінің меңгерушісі: мектеп ММ-нің директоры:
С.У.Тастембекова С.Б. Аппасов
«»2015 ж «»2015 ж
«Құлақтан үнің кетпестей,
Сыңғырла, соңғы қоңырау!»
атты мерекелік іс-шараның сценарийі
Жауапты: Ахмедина А.Г.
Балгожина А.Р.
Букенбаева З.К.
2014 – 2015 оқу жылы
«Құлақтан үнің кетпестей,
Сыңғырла, соңғы қоңырау!»
Жоспары:
Сапқа тұрғызу
Мерекенің салтанатты ашылуы. Қазақстан Республикасының Мемлекеттік Туы салтанатты түрде енгізіліп, Әнұран орындалады.
Өткен 2014-2015 оқу жылының қорытындысы
Құттықтау сөзі.
Қазақстан Республикасының Мемлекеттік Туын шығару
«Құлақтан үнің кетпестей, сыңғырла, Соңғы қоңырау!» атты әдеби – сазды бағдарламасы
Жабылу салтанаты.
Өткізілетін күні: 25.05.2015 ж
Уақыты: сағат 10.00
Сыныптар: 1 - 11 сыныптар аралығы
09.30 – да музыка қойылады.
09.45 – те сапқа тұрғызу
10.00 – қоңырау соғылады
Мақсаты:Соңғы қонырау үлкен мереке екенін балаларға жеткізе білу, білімге деген құштарлығын арттыру, еліміздің білімді, тәрбиелі азаматтарын елжандылыққа тәрбиелеу.
Көрнекіліктері: Мектеп алаңы баннер,қабырға газетпен, гүлдермен, шарлармен безендіріледі.
Музыка ойналып тұрады, оқушылар сапқа тұрғызылады Гүлжан Икласовна:
Армысыздар, құрметті ұстаздар мен оқушылар! Гүлден Амангельдиновна:
Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр. Гүлжан Икласовна:
Жас жүректің өмірлік құштары гүл, Бағбан ұстаз баулыған құстары бұл. Қоштасып бүгінгі күн ұясынан, Сол құстардың бір тобы ұшқалы тұр, - деп алтын ұя мектебінің табалдырығынан үлкен өмірге ұшқалы отырған мектеп бітіруші түлектерімізді құрметтеп ортаға шақырамыз. Қарсы алыңыздар! (Музыка әуенімен ортаға бітіруші түлектер шығады) Алдарыңызда 11 сынып оқушылары. Сынып жетекшісі Ахмедина Асемгуль Газизовна. Сыныпта 4 оқушы. Гүлден Амангельдиновна:
2014-2015 оқу жылының аяқталу құрметіне арналған «Құлақтан үнің кетпестей,Сыңғырла, соңғы қоңырау» атты салтанатты жиынымызды ашық деп жариялаймыз. Гүлден Амангельдиновна:
Батырлыққа уызынан жарыған Ер қазақты жалауынан таныған. Өзі батыр, өзі әнші халыққа Жарасады жігер берер әнұран. Қазақстан Республикасының әнұраны орындалсын.
Алғашқы әскери дайындық мұғалімі: Түзеліп тік тұрыңдар! Егеменді Қазақстан Туына қарап сап түзеңдер! Қазақстан Республикасының мемлекеттік Туы салтанатты түрде енгізілсін!!
Гүлжан Икласовна: Қазекем қонақ десе көсіледі, Мұндайда жай түйіні шешіледі. Ақ тілеулі ырыс қой қонақ деген Өзімен ала келер несібені. – демекші бүгінгі салтанатты жиынымыздың қадірлі қонақтарымен таныс болыңыздар: 1. 2. 3. Гүлден Амангельдиновна:
Бүгінгі күн ардагер ұстаздарымыз да ортамызда: 1. 2. 3. Гүлжан Икласовна:
Биылғы соңғы қоңырау мерекесі тарихи оқиғаларға толы тұста өткелі тұр: Бұл жыл - Қазақстан Республикасының Ата Заңына 20 жыл толуымен ерекшеленеді. Бұл жыл –Қазақ хандығына 550 жыл толуымен ерекшеленеді.. Бұл жыл – Қазақстан халықтарының Ассамблеясына 20 жыл.
Бұл жыл – Ұлы Отан Соғыстың Жеңісіне 70 жыл. Бұл жыл – Елбасымыз Н.Ә.Назарбаевтың кезектен тыс сайлаудан өтіп Президенттікке қайта сайланған жылы. Гүлден Амангельдиновна:
Ажырамай мектептен бір елі сіз, Жақсылыққа жаралған жүрегіңіз. Сөз берелік құрметпен өзіңізге, Шәкірттерге арналсын тілегіңіз, - дей отырып, соңғы қоңырау салтанатының алғашқы құттықтау сөзі мектеп басшысы Аппасов Сағындық Бесимбайұлына беріледі.
1 - жүргізуші: Ұрпақсыз шәкірттерге бақ келген бе? Бапкерсіз тұлпарларға бап келген бе? Осы бір мектебі үшін жанын салған, Ендігі сөз кезегі мектеп директорының оқу ісі жөніндегі орынбасары Бакиева Айнагүл Олжабайқызына беріледі.
МАРАПАТТАУ СӘТІ:
Гүлден АмангельдиновнаАрман ойлар жеткізбеген аңсаған , Қайрат-күшін қажыта алмас қарсы ағын. Өмір теңіз толқындарын көргенде
Асыл аға тілегіңді аңсармын, - демекші бүгінгі салтанатты жиынымыздың құрметті қонақтарына сөз береміз:
Алғашқы әскери дайындық мұғалімі: Түзеліп тік тұрыңдар! Егеменді Қазақстан Туына қарап сап түзеңдер! Қазақстан Республикасының мемлекеттік Туы салтанатты түрде шығарылсын! Гүлден АмангельдиновнаАбзал жандар биік тұлға байсалды, Құшақ жайып төл мерекең қарсы алды. Түлектерге жарқын тілек білдіріп, Құттықтайды бүлдіршіндер баршаңды, - деп, құттықтау кезегі бірінші сынып бүлдіршіндеріне беріледі. 1 сынып бағдарламасы:
Гүлжан Икласовна: Түлектер! Сендерді бүгінгі мерекемен құттықтауға келген 1 сынып оқушыларына сөз кезегін береміз.
Аружан:
Абзал жандар, биік тұлға байсалды,
Құшақ жайып төл мерекең қарсы алды.
Қуанышты жарқын тілек білдіріп,
Құттықтайды бірінші сынып баршаңды.
Ринат:
11 жыл бойы оқыған,
Ойға білім тоқыған.
Ағалар мен апалар,
Құтты болсын тойыңыз.
Назарбек :
Еш уақытта сенбіліктен қалмайсыз,
Еңбек десе құлшынып жайнайсыз.
Білемін мен, Бекзат аға өмірде,
Адалдықты, жақсылықты қолдайсыз.
Алдияр:
Еламан аға , мен сізді сыйлаймын,
Өзіңізді қоштасуға қимаймын.
Оқуға түс, білім алып, еңбек қыл,
Тек жақсы сөз ертеңіне арнаймын.
Аружан:
Нұрсұлтан аға, өзі қандай сымбатты,
Ұлы ғой анасының қымбатты.
Оқуға түсіп қуантыңыз бізді де,
Өміріңіз болсын ұзақ, айбатты..
Светлана:
Өзімнен кішкентайларға,
Мейіріммен қараймын.
Аймира апа мен сіздей,
Әдепті қыз боламын.
Мейрамбек:
Өзі қандай ұқыпты қарашы,
Ақмешіттің ол сүйкімді баласы.
Барлық іске тиянақты қарайды,
Мақтан етем мен Еламан ағаны.
Бәрі
Әрқашан сәтті жол болсын,
Сапарларыңыз оң болсын !
ән: «Мұғалім ол біздің»
1-сынып өздерінің сыйлықтарын 11-сыныпқа табыс етеді.
Гүлжан Икласовна:
Жақсы шәкірт азамат атанады, Халқынан ата-анадан бата алады. Ұрпағына айтсын деп ақ тілегін, Ортаға шақырайық ата-ананы. Сөз кезегі құрметті де қадірлі ата-аналарымыз атынан беріледі. Гүлден Амангельдиновна:
Әлі есімде әліппені ашқаным Есіміңді есте мәңгі сақтадым Жүрегіме нұрын құйған жылылық Көрген емес ешқашанда суынып –деп, түлектердің алғашқы ұстазы әрі ардагер ұстаздарымыз Кабельдинова Кинже Шарапидденқызы мен Аппасова Рыскул Сағымбайқызына сөз беріледі.
Гүлжан Икласовна:
Жаны асыл ұстаздарды еске алыңдар, Жаңа сыр ашатұғын жас дарындар, Шәкірті жаман екен дегізбеңдер, Санасы биік адал дос табыңдар! Иә, сендер әрқашан еске алып жүретін жаны асыл ұстаздарың да бүгінгі соңғы Қоңырау үнімен өздеріңмен қоштаспақ. Енді солардың шәкірттеріне деген соңғы ақыл - кеңесін, сәт сапарын тыңдайық.
Сөз кезегі түлектердің сынып жетекшісі Ахмедина Асемгуль Газизовнаға беріледі.
Би :Попури Гүлден Амангельдиновна
Мектеп маңы толыпты жарасымға, Ізгілік те, мейірім бәрі осында. Өмірге қанат қақты жас өрендер, Асыл арман гүл атып санасында– деп жүректері лүпіл қаққан,қимастық пен қуаныш,аңсау мен арман сезімдері араласқан,осынау сәтте шәкірттік сәттің соңғы,өмір жолының алғашқы қадамында тұрған жас түлек,ендігі сөзді сендерге береміз. 11-сыныптардың мерекелік бағдарламасы:
Бекзат:
Жұмысты ойлап қаншама ұстаз жанықты,
Қаншама ұл-қыз өзін жақсы танытты.
Оқу енді басталды деп жүргенде
Міне, соңғы қоңырау кеп қалыпты.
Еламан:
Қызба жандар төзімдерін тауысты,
Шебер жандар шаттықпенен қауышты.
Қанша бала бір сыныпты бітіріп,
Бір жас қосып, келесіге ауысты.
Нұрсұлтан :
Енді бәрі ҰБТ-ны уайым ғып,
Жүріп жатыр оған қызу дайындық.
Ата-аналар таңдап оқу, мамандық
Келер күннің ойлап жатыр жайын нық.
Аймира:
Жүрек толқып қоңыраудың үнінен,
Тақпақ жаттап қанша бала түнімен.
Ұстаздарға арнау айтып бүгін кеп
Құттықтауда соңғы қоңырау күнімен!
Алуа:
Қиындықтың көргенменен қандайын,
Басқалардың қақтырып бір таңдайын.
Әр мереке ұстаздарға осылай
Шаттық алып келе берсін әрдайым!
Темірлан:
Игіліктен теріп маржан-жақұтты,
ізгілікке арнаған бар уақытты.
Қиындықтан қаймықпаған ешқашан,
Барлық ұстаз бола берсін бақытты!
Толғанай:
Білім менен ақыл-ойды жиып кең,
Қиындықты нық көтеріп иықпен.
Сан асудан асып өтіп сүрінбей,
Барлық бала көрінсін тек биіктен!
Ақжол:
Оқу бітіп көңілдер де жайлансын,
Барлық шәкірт сынақтарға сайлансын,
Ата-ананың ұл-қызына ғана емес,
Бүкіл елдің жұлдызына айналсын!
Ән «Ұстазым »
Бекзат:
Құрметті қадірлі ұстаздарымыз, ата-аналарымыз және менің қимас достарым!
Міне, біз бүгін «тарыдай болып кіріп, таудай болып шыққан» ыстық ұямыз – мектебімізбен, бізді 11 жыл бойы оқытып, тәрбиелеген аяулы ұстаздарымызбен қоштасқалы тұрмыз.
Енді біздің құлағымыз күмбірлеген күміс коңыраудың үнін естімейді.
Енді біз ең қызықты сәттерімізді өткізген мынау мектептің ауласында жарыса жүгіріп, сыныбымыздағы парталарға таласа тармаса отырмаймыз.
Енді біз 11 жыл бойы біздің «еркелігіміз бен тентектігімізді» көтерген апайларымыз бен ағайларымыздың сабақтарында отырмаймыз, тақтаға шығып сабақ айтпаймыз!
Біз осы мектепте ұстаздарымыздың тәлім-тәрбиесін ала жүріп болашағымыздың іргетасы – фундаментін қаладық. Дәл қазір сол күндерге деген сезімді бастан өткеріп мұңайсақ та, ертеңгі болашағымызды ойлап жүрегіміз лүпіл қағып тұр!
Менің сыныптас достарым! Сендерге алдағы уақытта тек қана сәттілік жар болсын, жетістіктерге қол жеткізіңіздер, өмірден өз орындарыңды адаспай табыңдар! Бәрің де ақ жолмен аппақ көгершін армандарыңа сүрінбей жетіңдер! Өйткені, біз мектеппен қоштасып, үлкен өмірге қанат қағып барамыз. Енді бізді алда өмірдің сан тарау жолдары күтіп тұр. Сол жолда әрбіріміз бақыт үшін, өмірден лайықты орын алу үшін күресейік, достар! Ал алтын ұя – мектебіміз бен аяулы ұстаздарымызды жүрегімізде мәңгі ұмытпай сақтаймыз.
Аяулы ұстаздар! Сіздер жасаған еңбектеріңіз үшін шексіз алғыс білдіреміз!
(Гүлдермен алғыс хаттарын ұсыну)
ӘН «11 сынып »
Гүлден Амангельдиновна
Алдарыңнан арман жолы ашылады. Түлектерге бақыт гүлі шашылады. Қимастықпен 11-дің алтын кілтін Ізін басар сыныпқа тапсырады, - деп, білімнің алтын кілтін бітіруші түлек Олжабаев Еламан 10 сынып оқышысы Хайдарова Айданаға (Музыка әуенімен)
Нұрсұлтан:
Әнге ән, жырға жыр жалғап Барамыз ұшып ұядан! Айтамын саған аманат, Iзбасар 10 - сыныптар! Мейірімінен шуақ төгілген, Ұстаздар саған аманат! Шығатын күміс үнімен Әндерім саған аманат! Аулада тұрған талдар мен Сыныптағы гүлдер аманат! Жалғайтын арман таңдарға Сағыныш саған аманат! Жастанып кейде ұйықтаған, Кітабым саған аманат! Көрінбейтін шимай - шатпақтан Дәптерім саған аманат! Бір жеңіп бірде жеңілген Жарыстар саған аманат!! Сыр алған тұнық сезімінен Өлеңдер саған аманат! Қос өрім қылып тағатын Ақ бантик саған аманат! Үзілісте соғатын Қоңырау саған аманат! Үлгілі тәртіп, үздік оқу - ізбасарым саған аманат! Желбірейтін биікте - Алтын ұя туы аманат! Кір келтірмей атына, биікке самғау - бізге аманат! «Қош бол алтын ұям» - деп айтамыз сізге сау - саламат! 10-сынып оқушысы:
Оқуды терең меңгеріп
Аманатты ақтаймыз
Мектепті жақсы бітіріп
әдеп –салтты сақтаймыз- деп уәдемді беремін.
Түлектер:
Мерекеде басты қостық бәріміз
Жарасады әнімізбен сәніміз
Әуенімен тербелейік вальспен
Бірге толқып, әсем сазбен жанымыз.
(вальстен кейін, 11-9 сынып оқушылары шар, көгершін ұшыру)
Гүлден Амангельдиновна:
Құрметті түлектер! Көгершіндей қанаттарың талмай, биікке самғап ұша беріңдер!
Гүлден Амангельдиновна:
Нағыз жүрек тебірентерлік сәт те келіп жетті. 11 жыл бойы әр сабақ арасында естіп, біліп достасқан әдемі қоңырау үні бітірушілер үшін соңғы рет соғылмақ
Гүлжан Икласовна:
Соңғы қоңырау. Қымбатты мектеп бітіруші түлектер! Алғаш қолыңа гүл шоғын алып, мектеп табалдырығын аттағаннан бері 20 мыңнан аса қоңырау үнін естідіңдер.Ал бүгінгі қоңырау үні ерекше. Ол мектеппен қоштасар соңғы қоңырау. Ол балалық шақтың өмір белесіне асыратын қоңырау. Бұйыртады тағдыр,шіркін,әр адамға несібін, Кеше емес пе ед мектеп-ұя бұларға ашқан есігін. Енді міне содан бері зулап жылдар өтіпті, Мектебімен қоштасар сәт бұларға да жетіпті.
Ұғынды ма арлылығын,тәтті өмірдің нар жүгін, Ақ бантикпен қоштасады қыз бала да дәл бүгін. Бүр жарды ма кеудесінде асау сезім "елім" деп, Адуындау ерке ұлдың да мұрты қапты тебіндеп.
Аңсаушы еді кеше ғана осы күнге жеткенін, Енді бүгін сезім басқа,қия алмай тұр мектебін. Қыз баланың кірпігінде мөлдір тамшы іркілді, Сыр бермейді ұлдар жағы қимаса да бұл күнді.
Қоңыраудың сыңғыр қаққан үні құлақ жарады, Жез қоңырау бұлар үшін соңғы рет ән салады. Бұл бір шындық мойындайтын кім-кімге де рас тым, Отырмайды енді қайтып партасына кластың.
Айырбастар кез келді ме оқушылық қаламын, Тыңдамайды қайтып енді ұстазының сабағын. Өмір-ана бұларға да "сен есейдің,біл!" дейді, Енді қайтып мектебінде оқушы боп жүрмейді.
Гүлден Амангельдиновна:
Қимайды олар сол шәкірттік күз,көктемін,қыс,жазын, Өкінеді күні кеше ренжітсе ұстазын. Сыңғырлайды қоңыраудың қайта-қайта жез үні, Сыр береді мұндай сәтте жас жүректің сезімі.
Қоштасады мектебімен өмір-асу асады, Бұлар орнын бүгін міне басқа толқын басады. Жол береді жас ұрпаққа келе жатқан талапты, Әз-ұядан түлеп ұшар қағып еркін қанатты.
Асыруға бойындағы білімі мен білігін, Кетеді ме басқа жерде жалғастырып білімін. Басқа жердің гүлзар бағын мүмкін барып аралар, Мектебіне,бәлкім,бір күн ұстаз болып оралар.
Көгершіндей самғаңдар, түлектерім, Орындалсын өмірде тілектерің. Үнімен соңғы естіген қоңыраудың. Дірілдеді - ау ерекше жүректерің. Гүлден Амангельдиновна: Бұл соңғы қоңырау үні... Балалықпен қоштасу, үлкен өмірмен қауышу үні. Өмірде ілбіп, тек көшпей, Жүретін сергек жол мынау. Құлақтан үнің кетпестей, Сыңғырла, соңғы қоңырау, Сыңғырла, соңғы қоңырау! – деп мектеп түлектерін жаңа өмір баспалдағына шығарып саламыз. Гүлжан Икласовна:
Қоштасады алтын ұя мектебің Маңдайыңнан сипап өтер көкте күн. «Сәт - сапар» деп қол бұлғаймыз бәріміз Тілейміз біз армандарға жеткенін - дей келе, Ұлттық біріңғай тестті табысты тапсыруларыңызға тілектеспіз. Жаңа өмірлеріңізге ақ жол, сәт сапар тілейміз! Сауя Уагаповна:
Осы мен 2014-2015 оқу жылының салтанатты соңғы қоңырау жиынын жабық деп жариялай отырып, жазғы демалысты жақсы өткізіп, келесі оқу жылында амандықпен жолыққанша сау-саламатта болыңыздар.
АМАНАТ
Әнге ән, жырға жыр жалғап Барамыз ұшып ұядан! Айтамын саған аманат, Iзбасар 10 - сыныптар! Мейірімінен шуақ төгілген, Ұстаздар саған аманат! Шығатын күміс үнімен Әндерім саған аманат! Аулада тұрған талдар мен Сыныптағы гүлдер аманат! Жалғайтын арман таңдарға Сағыныш саған аманат! Жастанып кейде ұйықтаған, Кітабым саған аманат! Көрінбейтін шимай - шатпақтан Дәптерім саған аманат! Бір жеңіп бірде жеңілген Жарыстар саған аманат!! Сыр алған тұнық сезімінен Өлеңдер саған аманат! Қос өрім қылып тағатын Ақ бантик саған аманат! Үзілісте соғатын Қоңырау саған аманат! Үлгілі тәртіп, үздік оқу - ізбасарым саған аманат! Желбірейтін биікте - Алтын ұя туы аманат! Кір келтірмей атына, биікке самғау - бізге аманат! «Қош бол алтын ұям» - деп айтамыз сізге сау - саламат!
Бекзат:
Құрметті қадірлі ұстаздарымыз, ата-аналарымыз және менің қимас достарым!
Міне, біз бүгін «тарыдай болып кіріп, таудай болып шыққан» ыстық ұямыз – мектебімізбен, бізді 11 жыл бойы оқытып, тәрбиелеген аяулы ұстаздарымызбен қоштасқалы тұрмыз.
Енді біздің құлағымыз күмбірлеген күміс коңыраудың үнін естімейді.
Енді біз ең қызықты сәттерімізді өткізген мынау мектептің ауласында жарыса жүгіріп, сыныбымыздағы парталарға таласа тармаса отырмаймыз.
Енді біз 11 жыл бойы біздің «еркелігіміз бен тентектігімізді» көтерген апайларымыз бен ағайларымыздың сабақтарында отырмаймыз, тақтаға шығып сабақ айтпаймыз!
Біз осы мектепте ұстаздарымыздың тәлім-тәрбиесін ала жүріп болашағымыздың іргетасы – фундаментін қаладық. Дәл қазір сол күндерге деген сезімді бастан өткеріп мұңайсақ та, ертеңгі болашағымызды ойлап жүрегіміз лүпіл қағып тұр!
Менің сыныптас достарым! Сендерге алдағы уақытта тек қана сәттілік жар болсын, жетістіктерге қол жеткізіңіздер, өмірден өз орындарыңды адаспай табыңдар! Бәрің де ақ жолмен аппақ көгершін армандарыңа сүрінбей жетіңдер! Өйткені, біз мектеппен қоштасып, үлкен өмірге қанат қағып барамыз. Енді бізді алда өмірдің сан тарау жолдары күтіп тұр. Сол жолда әрбіріміз бақыт үшін, өмірден лайықты орын алу үшін күресейік, достар! Ал алтын ұя – мектебіміз бен аяулы ұстаздарымызды жүрегімізде мәңгі ұмытпай сақтаймыз.
Аяулы ұстаздар! Сіздер жасаған еңбектеріңіз үшін шексіз алғыс білдіреміз!
