«Біздің таңдауымыз-заңды мемлекет»

«Біздің таңдауымыз-заңды мемлекет»

Біздің бүгінгі бастаған ісіміз – ертеңгі кемел болашағымыз. Оқушыға берген біліміміз бен тәрбиеміз еліміздің ертеңгі көрінісі болары анық. Сол себептен те санға емес сапаға жіті назар аударғанымыз абзал. Жаһанданған қоғамның жас ұрпағының сұрауы мен тілеуі де басқа. Сұранысты қанағаттандыру да үлкен еңбекті талап етері сөзсіз. Бала бойына білім мен ғылымды сіңіруде ең алдымен білімнің әлемдік деңгейде, ал тәрбиені ұлттық деңгейде көрініс табуын қадағалауымыз керек сияқты. Елімізде осы бағытта жұмыс жасап жатқан қаншама білім ошақтары бар. Солардың бірі мен қызмет жасайтын Алматы қаласы Әуезов ауданындағы №104 жалпы білім беретін мектеп. Мектебіміздің жалпы білім мен тәрбие жүйесі тікелей жоғарыда айтылған мәселелер бойынша жұмыстар жүргізуде, яғни, білім, білік, тәрбие, сапа.

«Өз  алдына  ел  болуға  өзінің  тілі, әдебиеті  бар  ел ғана  жарай алатындығын біз ұмытпауға тиіспіз» деп Ахмет Байтұрсынұлы айтқандай, жәдігерлерімізді бала бойына сіңіру күн тәртібіндегі бірінші мәселе. Осы бағытта 8 «А» сынып оқушыларымен «Біздің таңдауымыз-заңды мемлекет» тақырыбында дөңгелек үстел өткізілді.

негізгі мақсаты: сыбайлас жемқорлыққа қарсы мәдениетті қалыптастыру және сыбайлас жемқорлыққа мүлдем төзбеушілікті көрсететін құндылықтар жүйесін сақтау және нығайту, оқушылардың заң талаптарын сақтауға ынтасын қалыптастыру

Қоғамда болып жатқан саяси-әлеуметтік мәселелер төңірегінде оқушылармен ашық сұхбаттасу. Тұлғалық көзқарастарын қалыптастыру болды.

Сабақтың артықшылығы да сол- бала мен ұстаз арасында еркін диалогтың орын алуы. Оқушылар ұстаздар мен мектеп инспекторына

сұрақтарын қойып, ұтымды жауаптар ала білді. Сонымен қатар, өздернің бүгінгі қоғамның үлкен бір бөлшегі екендіктерін түсініп, әрбір мемелекеттік маңызы бар істе тұлғалық орындарының бар екендігін түсінді.

Өткізген: 8 «А» сынып жетекшісі А.Ж.Алимбетова

Алматы қаласы Әуезов ауданы

№104 жалпы білім беретін мектептің

тарих пәнінің мұғалімі

Әлімбетова Айжан Жарқынбекқызы