Ата д?ст?р - асыл ?азына

Күні: 23.12

Класы: 10^ә

Тақырыбы:Салт-дәстүрімізді ұмытпайық

Мақсаты:

Білімділік: жас ұрпаққа ата – баба дәстүрі, әдет –ғұрпы туралы жалпы білім беру;

Дамытушылық: топпен жұмыс істеу дағдысын дамыту

Тәрбиелік: елін, жерін сүйетін саналы да білімді, жан – жақты дамыған жеке тұлға иесін қалыптастыру;

Тәрбие сағатының өту барысы:

І. Ұйымдастыру кезеңі

1) Мерекені өткізу алаңын дайындау

2)Қонақтар мен балаларды мереке өткізетін жерге жинеп орналастыру

3)Әділ қазы алқасын сайлау

Жүргізуші.

Ата – бабамыздан келе жатқан салт – дәстүрімізді үйреніп, халқымыздың рухани байлығын бойымызға сіңіру, ұлтымыздың дәстүрлерінен үлгі алуымыз қажет. « Өткенді білмей келешекті білу мүмкін емес. Бұрынғының парқын білгендер ғана бүгінгінің нарқын ұғады» - деген болатын атақты жазушы Ғ. Мүсірепов.

Танысқыңыз келсе қазақ жұртымен,

Салт – дәстүрі, тарихы, әдет – ғұрпымен.

Нағыз қазақ қалада емес, ауылда,

Танылатын ұлттық мінез- құлқымен.

Жақсы дәстүр – сақтар елдің елдігін,

Екендігін ұғынасың сен бүгін.

Танытады қалпымен – ақ қонақжай

Нағыз қазақ жүрегінің кеңдігін – дей келе бүгінгі «Ата дәстүр – асыл қазынам » - атты сайысымызды бастауға рұқсат етіңіздер. Бүгінгі сайысымызға екі топ қатысып отыр: Қатысушыларды ортаға шақырамыз.

1. Ару тобы

2. Атамекен тобы

Енді сіздерді әділқазы алқасымен таныстырып өтейік:

1. ----------------------------------------

2. ----------------------------------------

3. ----------------------------------------

4. ----------------------------------------

Құрметті сайысқа қатысушылар енді сайыстың шартымен таныстырамыз.

1. «Атадан қалған жоралғы» ( команда мүшелерін таныстыру)

2. Шешендік сөз ( сұрақ - жауап)

3. Тіл өнері ( жұмбақтың шешуін қазақша, орысша екі тілде жауап беру)

4. Жалғасын тап (мақал- мәтелдің жалғасын табу)

5. «Өнер – халық қазынасы» ( сайыскерлер өз өнерлерін көрсетеді)

6. Ас мәзірін дайындау ( ұлттық тағам түрлерін әкелу)

7. Бата беру ( дастарханға бата беріледі)

І кезең: «Атадан қалған жоралғы»

Әр команда басшысы шығып сайыскерлерді таныстырады

ІІ кезең: «Шешендік сөз» сұрақ - жауап

1. Ұлттық бас киімді ата? ( сәукеле, тақия, бөрік)

2. Табиғи жүнді неден алады? ( қой, ешкі)

3. Қамырдың негізгі шикізаты (ұн)

4. Малдың сүтінен алынып ұзақ уақыт сақтауға арналған тағам (құрт)

5. Шілдехана тойы қай кезде тойланады? (кішкене нәресте дүниеге келгенде)

6. Көрімдік сұрау дегеніміз не? ( бұрын көрмеген адамды біреуге көрсеткен кезде)

7. Қойдың басы қандай қонақтарға беріледі?(үлкен,жасы келген қарияларға)

8. Тұсау кесерді қалай түсінесің? ( жаңа тәй –тәй басқан баланың тұсауын кесу)

9. Наурыз көже қай мезгілде дайындалады? ( наурызда)

10. Наурыз көжеге неше түрлі тағам салынады ( 7 түрлі)

11. Түйе сүтінен не алынады? ( шұбат)

12. Қазақтың ұлттық тағамы? (ет)

13. Жармадан қандай тағам түрлері жасалады? ( жент)

14. Ауруға ем, сауға қуат беретін қандай сусын? ( қымыз)

15. Оңынан да, солынан да оқысаң өзгерісі жоқ ұлттың атауы? (қазақ)

16. Қандай қаланың атауын білесіңдер басы сан, ортасы адам мүшесі, аяғы астың дәмін келтіретін дәмнің бір түрі? (Екібастұз)

Жүргізуші:Осыменен бірінші және екінші кезеңіміздің ұпай сандарын әділқазылардан сұраймыз ІІІ кезең: «Тіл өнері» жұмбақтың шешуін екі тілде жауап беру керек.

1. Тау – тау ақ қар ерімейді ыстыққа ( мақта, вата)

2. Бар екен дүниеде жалғыз көзді,

Сол көзбен дүниенің барын кезді (Ине, иголка)

1. Киім деуге жатпайды,

Киімді кірден сақтайды (алжапқыш, фартук)

1. Тұмсығы мықты, қырмен ойды тегістеп шықты (үтек, утюг)

2. Біреуге кейін дейді, ал өзі кейінбейді (тігін машинасы, швейная машина)

3. Кіруге адам батпайды, аман – есен сақтайды (сандық, сундук)

Келесі сайысымызды бастамас бұрын, әділқазылардан «Тіл – өнер» жарысының бағасын беруіңізді сұраймын.

ІҮ кезең: «Жалғасын тап» Сайыстың бұл кезеңінде бірінші топ мүшелері мақалдардың бастапқы бөлігін айтады, ал екінші топ мүшесі жалғасын табады.

Келесі сайысымызды бастамас бұрын, әділқазылардан «Жалғасын тап» жарысының бағасын беруіңізді сұраймын.

Үкезең: «Өнер – халық қазынасы» Сайыскерлеріміз өз өнерлерін көрсетеді.

Әділқазылардан «Өнер – халық қазынасы» жарысының бағасын сұраймыз.

ҮІ кезең: Ас мәзірін дайындау ( ұлттық тағам түрлерін әкелу) Дастархан әзірлеу

ҮІІ кезең: Бата беру. Жайылған дастарханымыздың батасын сұраймыз.

Осыменен бүгінгі сайысымыз мәресіне жетті. Ал қазір кімнің ұпайы көп екенін білу үшін әділ қазылар алқасына сөз кезегін береміз. Балалар, өз білімдеріңді ортаға салып, тамаша өнер көрсеттіңдер. Сайысқа қатысқан барлық балалар мен көрермендерге үлкен алғысымызды білдіреміз.

Қорытынды: Халқымыздың баға жетпес құнды қазынасын бала санасына сіңірп, әрі қарай жалғастыруына мүмкіндік жасау басты мақсатымыз.