Т?стер

Сабақтың тақырыбы

Түстер.

Сабақтың көрнекілігі

АКТ , презентациялар, электронды оқулық, флипчарт, маркер, стикер,түрлі-түсті бояулар,сурет альбомы және палитра.

Сілтеме

Сабақ жоспары, бейнелеуоқулығы, сабаққа арналған таныстырылымдар.

Сабақта қолданылатын әдіс-тәсілдер

Блум таксономиясын қолдана отырып,сабақта оқыту мен оқудағы жаңа әдіс-тәсілдерді пайдаланып,оқушылармен топтық және жеке жұмыс түрлерін жүргізу./АКТ, СТО, Дарынды оқушылармен жұмыс./

Сабақтың мақсаты

Білімділік:Оқушылар түстер туралы мәлімет алады.

Дамытушылық; Күнделікті өмірмен байланыстыра отырып, көркемдік танымдары, ой- өрістері, қиялдары дамиды.

Тәрбиелік: Топпен тақырыпты талқылау, оқушылардың сөйлеу дағдысын қалыптастырады және көркемдік танымдары дамиды.

Күтілетін нәтиже

1.Оқушылар түстер туралы біледі.

2.Түстердің қасиеттерін меңгереді,жылы түстер мен суық түстерді салыстырады.

3.Түстік құрамды анықтайды .

4.Оқушылар картиналарға түстік талдау жасай алады.Негізгі үш түстен қосымша түстерді шығара алады.

5.Әр оқушы түстерге байланысты өз ойларын бейнелейді.

6.Ойлау элементтерін құрастырады, щығармашылықпен жұмыс жүргізеді.

Түйінді идея

Оқушының сөйлеу және бір-бірімен қарым –қатынас жасау біліктіліктерін дамытуда диалогтік оқыту тиімді. Оның тиімділігі сабақтағы жайлы атмосфераның қалыптасуына , оқушы мен мұғалім арасындағы ынтымақтастықтың орнауына әсер етеді. Өзінің білмегенін қасындағылардан үйрене отырып, қалай оқуды іске асыруға болатындығын түсінеді және өзін бағалай біледі.

Дарынды және талантты оқушылар:

Үлгерімі төмен оқушылар:

(Осы аталған оқушылардың іс-әрекеттерін бақылап, жазып алып отыру)

Сабақты ұйымдастыру

Оқушыларды түстер арқылы топқа бөлемін.

Білу

Мұғалімнің іс-әрекеті

Оқушының іс-әрекеті

« Миға шабуыл» стратегиясын пайдаланып,

әр топқа сұрақтар қоямын.

1.Кемпірқосақтан қанша түс көреміз ?

2.Кескіндеме өнерінің жанрларын ата?

3Бейнелеу өнерінің түрлерін ата?

Оқушылар топпен жұмыс істейді..

Бұрынғы білген білімдерін ортаға салады.

Түсіну

АКТ-ны қолданып, оқушыларға тақырыптың мағынасын ашатын презентация арқылы бағыт-бағдар беремін. Призмамен жасалған тәжірибені көрсете отырып, ақ жарықтың құрамының күрделі екендігіне оқушылардың назарын аударамын.

Оқушылар сабақты мұқият тыңдайды. Қажетті мәліметтерді дәптерлеріне жазып алады.

Қолдану

Венн диаграммасын пайдаланып, жылы түстер мен суық түстердің арасындағы айырмашылықты анықтауға тапсырма беремін, слайд арқылы көрсетемін. Оқушылармен түс табу мақсатында, палитрамен және зерттеу жұмыстарын жүргіземін.

Оқушылар топпен бірлесе отырып, жылы түстер мен суық түстер арасындағы айырмашылыққа талдау жасайды. Табиғаттағы суық түсті көрініс пен жылы түсті көрініске салыстыру жүргізеді,түстерді табады.

Талдау

Негізгі үш түстің /қызыл, көк, сары /адамның көңіл –күйіне әсер етуіне байланысты Қанапия Телжановтың «Көкпар»картинасындағы түстерге түстік талдау жасауды және қасиеттерін ашып көрсетуге тапсырма беремін.

Оқушылар түстердің негізгі қасиеттерін ашып, толық сипаттама береді.

Жинақтау

Оқу материалының элементтерінен жаңашыл сипаттағы нәтижені құрастыру үшін оқушыларға негізгі түстерге байланысты өз ойларын бейнелеуге тапсырма беремін.

Оқушылар тапсырмаларды топтық ұжыммен ақылдаса отырып жауап береді. Постермен жұмыс істейді. Жарнамалау стратегиясы арқылы әр топ өэінің шығармашылық жұмысын басқа топ алдында қорғап шығады.Оқушылар тақырып бойынша жаңа өнім жасап шығарады.

Бағалау

Формативті бағалау арқылы жиынтық баға қойылады.

«БББ» стратегиясы бойынша бағаланады

Білемін

Білдім

Білуім керек

Рефлексия

Сабақтағы оқушылардың көңіл күйі смайлик арқылы көрсетіледі.

Үйге тапсырма

1.Түстерге байланысты қазақ халқының наным-сенімдері туралы ізденіс жұмысы.

2. «Күз» тақырыбына сурет салу.