С?ндік ?олданбалы ?нер туралы ?ыс?аша м?лімет

Сабақтың тақырыбы: Сәндік қолданбалы өнер туралы қысқаша

мәлімет

Сабақтың мақсаты:

Оқушыларды сәндік қолданбалы өнер түрлерімен таныстыру.

Түрі: жаңа сабақ, сарамандық жұмыс.

Әдісі: сұрақ –жауап, түсіндіру, тірек сызба, топпен жұмыс.

Көрнекілігі:слайд, қолөнер бұйымдары.

Пәнаралық байланыс: әдебиет, тарих, сызу.

Оқыту нәтижесі:

-Сәндік қолданбалы өнер түрлерін біледі.

-Сәндік қолданбалы өнер түрлерінің эскизін сызады.

Сабақтың барысы:

І.Ұйымдастыру кезеңі: Сәлемдесіп, сабаққа дайындау, топқа бөлу.

ІІ. Өткен материалды қайталау.

1.Перспектива дегеніміз не?

2.Перспективаның қандай түрлері бар?

3.Сызықтық перспектива дегеніміз не?

4.Ауалық перспектива дегеніміз не?

5.Перспектива туралы заңдылықтарды зерттеген суретші кім?

Жаңа сабақ: Қазіргі замандағы сәндік қолданбалы өнер туралы қысқаша мәлімет

Сәндік қолданбалы өнер деп қана практикалық жағынан емес, эстетикалық мәні жағынан да маңызды дайындалған және көркем жасалған өндірістік немесе қолөнер арқылы өмірге келген көркем туынды жасауды айтады.

Керамика

Шыны

Сәндік қолданбалы өнер түрлері

Металдан жасалған Ойыншықтар

бұйымдар

Көркем оймыш Тоқыма бұйымдары

-Керамика(терракота, майолика,фаянс,фарфор);

-шыны(ыдыстар,құмыра, құрылыс бөлшектері, мозаикалар);

-көркем оймыш (ағаш, тас сүйек, пластмасса);

-металдан жасалған көркемдік бұйымдар (зергерлік бұйымдар, жарық беретін құралдар, жиһаздар);

-тоқыма материалдары (сәндік маталар, кілемдер);

-ойыншықтар

Сәндік қолданбалы өнерді әзірлеу үшін мынадай материалдарды қолданады:ағаш, сүйек, тас, шыны, табиғи немесе жасанды заттар( пластмассалар, гипс, жүн, мата,балшық, т.б.)

Қай халықтың болса да, тұрмыс-тіршілігіне қажетті әдемі бұйымдар мен заттарды дүниеге әкелген қолөнері болады, солардың ішінде біздің қазақ халқы қолөнерінің даму ерекше.

Қолөнермен айналысатын адамдарды төрт топқа бөлуге болады

Қолөнер

Шебер Зергер Ісмер Ұста

1.Шебер-ағаштан әр түрлі бұйымдар жасайтын адам.

2.Зергер-алтын мен күмістен әшекей бұйымдар жасайтын адам.

3.Ісмер-ұлттық киімдер тігумен айналысатын, қолынан іс келетін адам.

4.Ұста-қару –жарақ, ер-тұрман, сауыт-сайман жасаумен айналсатын адам.

ІV.Топтық жұмыс: Оқушылар А тобы, В тобы, С тобы, Д тобы болып 4 топқа бөлініп сәндік қолданбалы өнер түрлеріне эскиз сызады. Әрбір топтан бір оқушы шығып өз жұмыстарын қорғайды.

А тобы

1. Кілемнің эскизін сызады.

2.Ертегі жазу.

В тобы

1.Керамикалық бұйымдардың эскизін сызады.

2.Салыстыру. Өткен ғасырдағы қыш бұйымдармен керамикалық бұйымдарды салыстыру

С тобы

1.Металдан жасалған бұйымның эскизін сызады.

2. Зергерлік бұйым түрлерінің атауларын жазу.

Д тобы

1.Көркем оймыш ағаштан жасалған бұйымның эскизін сызады.

2. Ою-өрнектер түрлерінің атауларын жазу

Топтар бірін-бірі смайликтер арқылы бағалайды.

V.Галерея аралау әдісі. Оқушылардың жұмыстарынан көрме ұйымдастырылады және оқушылардың жұмыстары бағаланады.

VІ. Қорытындылау

1.Сәндік қолданбалы өнердің қандай түрлерін білесің?

2.Сәндік қолданбалы өнерді әзірлеу үшін қандай материалдар қолданылады?

3.Қолөнермен айналысатын адамдарды неше топқа бөлуге болады?

4.Ісмер қолөнердің қай түрімен айналысады?

VІІ. Үйге тапсырма.

Керамикалық бұйымдардың суретін салу