Кескіндеме Сералиева Айгерім

Тобы: Сәулет - 305

Сабақтың тақырыбы: Кескіндеме

Сабақтың мақсаты: Кескіндеме өнерін оқушыларға таныстыру және де оның заңдылықтарын үйрету. Оқушылардың қабілетін арттыруда жұмыстар жасау.

Білімділігі: Бейнелеу өнерінің бір түрі кескіндеме өнерін оқушыларға түсіндіру. Кескіндеме өнері салаларын таныстыру және ұғындыру.

Тәрбиелігі: оқушыларды өнер танушылыққа, ұқыптылыққа тәрбиелеу.

Дамытушылығы: эстетикалық талғамдарын, іскерлік дағдыларын дамыту.

Сабақтың типі: аралас

Сабақтың әдісі: ауызша, көрнекілік, жазбаша.

сабақтың барысы:

сабақты ұйымдастыру

Жұмыс орнын әзірлеу, сабаққа көңілдерін аудару. Оқушылардың сабаққа дайындығын тексеру, құрал – жабдықтарын түгендеу, жұмыс орындарын ұйымдастыру.

Жаңа сабақты түсіндіру

Кескіндеме дегеніміз – әр түрлі бояу түрлерімен жазықтық бетінде орындалатын көркем шығарма.

Живопись атауы орыстың « живой писать» деген сөзінен алынған, яғни көріністер мен нәрселерді өмірдің өзіндегідей жанды етіп жазу деген мағынаны білдіреді.

Кескіндеме бейнелеу өнерінің аса дамыған түрі болып табылады.

Кескіндеме суреттері қағазға, картонға, тақтайға, кенепке, т.б. салынады. Негізінен қолданылатын бояу түрлері: акварель, гуашь, темпера, майлы бояу, пастель, сангина және т.б.

Кескіндеме станокты және монументті деп екіге бөлінеді. Арнаулы мольбертте орындалған сурет «станокты живопись» деп аталады. Ал үйлердің, ғимараттардың ішкі немесе сыртқы қабырғаларына салынған сурет «монументті живопись» деп аталады.

Монументтік кескіндемеде зертас пен фреска қолданылады.

Декорациялық кескіндеме дегеніміз – театр сахнасын безендіруде қолданылатын бейнелеу өнерінің түрі.

Монументтік бейнелеу өнері туындылары әр түрлі болып келеді: витраж, мозайка, панно, фреска.

Мозайка – смальта мен асыл шынының түрлі түсті сынықтарынан құрастырылған сурет. Русьте мозайка өнерін дамытуда В. Ломоносов смальтаның 112 реңін тапты.

Витраж – терезеге салынатын шытыра сурет. Ол француздың «терезе, әйнек» деген мағынадағы сөзінен шыққан.

Панно – үйдің ішкі және сыртқы қабырғасын безендіру үшін қолданылатын көлемді живописьтік сурет.

Фреска – әктелген сыз қабырғаға суға езілген бояумен салынатын сурет. Живопись шығармаларында қолданылатын майлы бояу негізінен 10 ғасырда пайда болған. Оны кеңінен пайдалану ағалы – інілі нидерланд суретшілері Ван Эйктердің атымен тығыз байланысты.

Живопись – бейнелеу өнерінің ең негізгі түрлерінің бірі. Живописьте өң мен түс, жарық пен көлеңке және сызық пен дақ жетекші орын алады.

Қорытынды: сабақты қорыта келе оқушыларға бірнеше сұрақтар қоямын.

1. Кескіндеме неше түрге бөлінеді?

2. Мозаика дегеніміз не?

3. Витраж дегеніміз не?

4. Панно дегеніміз не?

5. Фреска дегеніміз не?

Бағалау: сабаққа жақсы араласқан оқушыларды бағалаймын.

Үйге тапсырма: үйден кескіндеме өнерін толығырақ оқу және натюрморт салу.