«Жа?а технологияны дамыта о?ыту - белсенділікті арттыру»

«Жаңа технологияны дамыта оқыту - белсенділікті арттыру»

Р.Қ.Күдері – Семей қаласындағы № 37 гимназияның бейнелеу өнері, сызу және еңбек пәні мұғалімі

Қазіргі кезде ғылыми -технологиялық прогрестің қарқынды дамыған кезі. Сондықтан заман талабына сай мамандықты сапалы меңгеруді жоғары деңгейде талап етеді. Оқушылардың өзіндік талаптарының құндылығының артуы,мектептегі оқушыларға берілетінтәрбие саласының бірі. Эстетикалық тәрбие сызу және бейнелеу өнерінің мүмкіндіктеріне қарай жүзеге асырылады. Әр сабақтың тиімді формалары мен эстетикалық тәрбие берудің әсерлі тәсілдерін табу.

Мұғалімнің негізгі міндеті сабақты оқыту барысында оқушылардың белсенділігін арттырып, алған білімдерін өмірде, күнделікті тұрмыста пайдалана білуге үйрету. Бүгінгі таңда жас ұрпаққа эстетикалық тәрбие беру ісіне ерекше мән беру арқылы сабақта жаңа технология тәсілдерін меңгерту.

9 сыныптарға арналған «Графикалық тапсырма жұмыстары» тақырыбында оқушыларға графикалық кескіндерді түрлендіру дағдыларын қалыптастыру олардың кеңістік туралы ойлау деңгейінің шапшаңдығын дамыту болып табылады. Сызу пәні мұғалімінің алдына үш міндет қойылады:

1. Кескін түрін және құрамын түлендіру;

2. Проекцияларды түрлендіру; (проекция жазықтарын алмастыру әдістері барысында қарастыру)

3. Кескіндеуші заттың кеңістік қасиетін түрлендіру; (графикалық кескіндерді түрлендіруде біз біріншіден кеңістікті қалай дұрыс ойлауды меңгеру құралы ретінде қарастырамыз)

Оқыту әдістері – бұл мұғалім мен оқушылардың оқу-тәрбие жұмысының міндеттерін ойдағыдай шешуге бағытталған өзара байланысты іс-әрекет тәсілдері. Оқыту әдісі мақсатқа жетудің сапалы түрде қолданылатын тәсілі, ал мақсатқа жету мұғалімнің шеберлігіне, оның оқыту процесіне тиімді ұйымдастыра білуіне, оқушылардың жаңа тәсілімен сызуды үйрету.

Оқушылардың шығармашылық қабілеттерін арттырып, ынталандыру үшін сыныптан тыс оқуда, келесі жолдармен өткізуге болады. Кеңістік пен зат өте тығыз болғандықтан оқушылардың өмір шындығын бейнелеген әрбір суреттерінде кеңістік ұғымын түсіндіру, уақыт сияқты кеңістікте материяның өмір сүру формасы өмірдегі қандай зат пен құбылыс болсын белгілі кеңістіктентабылады. Оқушылардың шығармашылық белсенділігін арттыруда мектепте жүргізілетін сызу пәнінен үйірме жұмыстарыныңәсері өте мол. Оқушылар осы үйірме жұмысында алған білімдерін толықтырып, кеңейтеді. Сондай-ақ, оқушылардың шығармашылық қабілетін дамытудың бірі жоғары оқу орындарымен тығыз байланыста болу. Бірлесе оқыту, тәжірибе алмасу әрекет белсенділігін арттыра түседі. Соңғы жылдары Семейдің Шәкәрім атындағы университетінің «Бейнелеу өнері және сызу кафедрасымен» бірлесе отырып атқарған іс-шаралар оқушы мен машықкер студенттер арасындағы байланыстың жоғары дәрежеде дамуына әсерін тигізуде. Жоғары оқу орындарымен тәжірибе алмасу оқушылардың бейнелеу өнері сабағынан алған білімдеріне толықтырып, одан әрі кеңейтеді. Сонымен қатар оқушылар жұмыстарынан көрмелер ұйымдастыру олардың шығармашылық қабілеттерін арттыра түсуге септігін тигізеді.

«Ұдайы еңбек ету өнерінде өмірдің заңы бар» деп О.Балзак айтқандай кескін бойынша зат пішінін ойша түрлендіре білумен байланысты оқушылардың шығармашылық графикалық іс-әрекет тәжірибесін меңгерту белсенділігін арттыру мұғалімге үнемі ізденуді, тұрақты еңбек етуді міндттейді.

Белсенді шығармашылық жұмыс оқушыларды еңбекке тәрбиелейді, қарапайым заттарға эстетикалық талғам тұрғысынан қарауға және кескіндер бойынша заттарды ойша түрлендіру дағдыларын дамытады, ойлау қабілетін жетілдіреді.

Пайдаланылған әдебиеттер:

1. Ж.М.Есмұқанов «Сызу» Алматы, Мектеп, 1986 жыл

2. А.Л.Ботвинников., В.И.Виноградов., И.С.Вышнепольский «Сызу» жалпы орта білім беретін мектептің 7-8 сыныптарға арналған оқулық, Алматы, Рауан баспасы, 1990 жыл.