Мақсаты: оқушыларға мемлекеттік рәміздерді насихаттау, олардың әрбіріне сипаттама беру, мағынасын ашу, түсініктерін кеңейту, алған білімдерін жан-жақты бағытта қолдана білуге тәрбиелеу. Елін, жерін сүйетін ұлтжанды жеке тұлға тәрбиелеу.
Сабақтың түрі: пікірталас
Сабақтың әдістері: ой қозғау түсіндіру, мағынасын ашу
Көрнекілігі: слайд, видео
Барысы
Фанфар орындалады
Мұғалім сөзі: Құрметті ұстаздар, оқушылар! Тәуелсіздігіміздің 20 жылдың мерей тойы қарсаңындағы бүгінгі іс-шарамыз «Еркіндігім елтаңбам» тақырыбындағы пікір таласымызды бастауға рұқсат етіңіздер. Тәуелсіздік ұығымына келер болсақ, тәуелсіздік жолында талай жандар құрбан болып, елім деп еңіреп өткені белгілі. Талай кезең қиын-қыстау, қуғын-сүргінді ата-бабаларымыз басынан кешті. Қазақстан Республикасының президенті Н.Ә.Назарбаевтың сөзі: «Біз Қазақстанның тәуелсіздігінің оңайлықпен келмегенін біліп оны қадірлеуіміз керек. Әрбір Қазақстанның азаматы мақтанышпен Елтаңбаны, Гимнді, Туды көтеруі керек. Әрбір азамат өз Отаны үшін еңбек етуге, мемлекеттік рәміздерін насихаттауға және қадір тұтуға міндетті».
Қазақстан Республикасының Мемлекеттік Гимні шырқалады.
Сабақтың кезеңдері
«Сәлем сөздің анасы»
5 а сынып оқушылары «Менің елім» тобы
5 ә сынып оқушыларының тобы «Менің жерім» топтарымен таныстырады. /тақпақ, өлең, би, көрініс/ таныстыру кезінде қолдануға болады.
2. «Еркіндігім елтаңбам» сөздерінің мағынасын ашу. Топтағы оқушылар бірлесіп, шағын эссе жазып, кезекпен-кезек оқиды.
Білімнің ұшқырлығын танып сен,
Асыл тасып, асықпа,қалыспа сен.
Уақыт деген зымырап , зулап жатыр,
Шапшаңдық бұл сайыста керек екен.
3. «Сен жалғастыр жауабын» ойыны бір-біріне сұрақтар қояды. Әр топтан
/5 сұрақ қойылады/
Кешіміз жалғасады тағаттасақ
Шыңымыз биік болар білім қусақ
Өмір деген өнермен үйлеспей ме
Жадыратар жанымызды ән тыңдасақ!
4. Қосыл досым әніме «Атамекен» әнін екі топ бірлесіп айтады.
5. Мақал сөздің мәйегі /оқушылар мақалдың бірінші жолын айтады, екінші жолдарын келесі топ табады/
6. Шаттық шеңбері
Оқушылардың тілегі
ҚР Туымен тұғырлы,
Гимнімен айбатты,
Елтаңбасымен еңселі тәуелсіз мемлекет
Болашақтың кілті – біздің қолымызда.
7. Мұғалім сөзі.
Оқшылар сендердің тілектерің орындалсын, тәуелсіз Қазақстанымыз өсіп, өркендесін. Көк байрақты туымыз, еңселі де, егеменді еліміздің елтаңбасының мәртебесі көтеріліп, гимніміздің әрқашан салтанатты жиылыстар мен мерекелерде шырқалсын. Өз Отанымыздың ары қарай өсіп өркендеуіне әрбір Қазақстандықтың қосар үлесі болуы тиіс. Бір шаңырақ астында берекелі бірлікте, ынтымақты ауызбірлікте болып, өз Отанымызды гүлдендіріп, өсіруіміз әркімнің болса да, патриоттық міндетті.
