Астана-?аза?станны? бас ?аласы

«Тексерілді»_______________

Сабақтың тақырыбы: Астана – Қазақстанның бас қаласы

Сабақтың мақсаты:

Білімділік: Оқушылардың Қазақстанның бас қаласы – Астана тарихы туралы білімдерін арттыру, Еуразия құрлығында орналасқан үлкен мегаполис- Астана қаласының даму ерекшеліктерін зерттеу. Дамытушылық: Ақпаратты өз бетінше меңгеруге ықпал ету, сыни тұрғыда ойлануға төселдіру, өз бетімен іздену дағдысын дамыту. Тәрбиелік: Өз еліне,жеріне деген мақтаныш сезіміне тәрбиелеу, бір –біріне сыйластық сезімдерін тереңдету. Сабақтың түрі: саяхат сабақ Сабақтың әдісі: СТО технологиясы, диалог арқылы оқыту, АКТ, топтық таныстырылым, «Сұрақты ұстап ал» әдісі.
Сабақтың көрнекілігі: суреттер, «Астана» қаласының маршрут картасы, бағалау парағы, кері байланыс ағаштары, видеороликтер. Сабақтың барысы: I .Ұйымдастыру кезеңі: 

Амандасу. Саяхат сабақ ұйымдастыру мақсатында көлік түрлерінің қимылдарын жасау арқылы амандасу, топтасу. (Оқушылар 2 топқа бөлініп отырады)
І топ: Машина
ІІ топ: Байкер

ІІ. Үй тапсырмасын тексеру. 

1-тапсырма:

«Сөзжұмбақты шеш»

1.Мемлекеттің негізгі заңы.

2.Қазақстан Республикасының тұңғыш Президенті.
3.Мемлекеттік маңызды мәселені шешу үшін дауыс беру, бүкілхалықтық сайлау.

4.Мемлекетті басқару формасының бір түрі.

5.Халық билігі, азаматтардың еркіндігі мен тең құқылығы ұстанымдарына негізделген саяси құрылым.

2-тапсырма: ҚР Мемлекеттік рәміздері.

Жаңа сабақ:

Мұғалім:-Балалар,бүгінгі сабағымыз ерекше, ол-саяхат сабағы . Елордамыз-Астана қаласына саяхатқа шығамыз. -Ал саяхатқа шығу үшін біздің қолымызда не болуы керек? -Карта.

-Дұрыс айтасыңдар, ендеше мен сендерге қазір Астана қаласының маршрут картасын таратып беремін.( «Астана» қаласының маршрут қартасы таратылады. Маршрут қартадағы тапсырмалар сайын бағалау парағы бойынша топ болып бірін-бірі бағалап отырады.)

-Балалар, бір-біріңе жұмыс алдында не тілейсіңдер?

( топтар бір-біріне іске сәттілік, жетістікке жетейік деген тілектер айтады)

Астана қаласының маршрут қартасы

Алғашқы аялдама «Бәйтерек». Тапсырмасы: Топтық таныстырылым жасау

І топ: Бозоқ (Бұзоқ) – ортағасырлық қала.

ІІ топ: Астана – ел мақтанышы.

Тақырыпты меңгеру арқылы видео-фильм арқылы «Бәйтерекке» шығады.

2- аялдама: «Президент резиденциясы. «Ақ Орда»

«Сұрақты ұстап ал» әдісімен диалогқа түседі, сұрақтарға жауап береді.

Сұрақтар:

1.Н.Ә.Назарбаев қай жылы, қай жерде дүниеге келді? (1940ж 6 шілде, Алматы обл, Қарасай ауданы, Шамалған ауылы)

2.1991 жылы 1 желтоқсанда қандай оқиға болды? (Бүкілхалықтық Президент сайлауы өткізіліп, халықтың бірауыздан қолдауымен Н.Ә.Назарбаев ҚР Президенті болып сайланды)

3.Елбасының қандай әндерін білесіңдер? ( «Үш қоңыр», «Елім менің», ҚР Әнұраны)

4.Елбасының қандай кітаптарын білесіңдер? ( «Тарих толқынында», «Әділеттің ақ жолы», т.б.)

5.Елбасының биылғы Жолдауы қалай аталады? ( «Нұрлы жол-болашаққа бастар жол»)

6. Биылғы жылы 26 сәуір қандай елеулі оқиға болды? (ҚР Президентінің сайлауы)

Мәлімет беру: «Ақ Орда» Қ.Р Президентінің резиденциясы. Ол Есіл өзенінің сол жақ жағалауында орналасқан. Ғимарат ауданы 36 720 ш.м құрайды. Резиденция жанында КР Парламенті, ҚР Үкімет үйі, ҚР жоғары соты, ҚР министрліктер үйі орналасқан.

Тақырып талданған соң видео-фильмнен «Президент резиденциясы» көрсетіледі.

3-аялдама: «Думан» ойын-сауық орталығы. Сергіту сәті: «Көңілді күн» биі

Сергіту сәтінен соң видео-фильм арқылы «Думан» ойын-сауық орталығын тамашалайды.

Мәлімет беру: «Думан» ойын-сауық орталығы Елорданың сол жағалауында салынған. 3д кинотеатры, «Джунгли» аттракционы,боулинг, көпфункционалдық зал мен қонақ үй кешені, сонымен қатар сауда залдары, балаларға арналған ойын алаңдары бар. «Думан» ересектердің де, балалардың да сүйікті демалыс орны.

4-аялдама: «Ханшатыр» сарайы.

Тапсырмасы:

1-топ. Оқиғалар мен даталар арасын сйкестір.

2-топ.Сөзжұмбақты шеш.

1.Қазіргі Астана қаласының орнында өмір сүрген ортағасырлық қала.

2.Астана қаласының рәміз-белгісі.

3.Астана қаласының маңындағы көл.

4.Оғыздың үлкен балаларынан тарайтын оғыз-түркі тайпасы.

Мәлімет беру: Бейбітшілік және келісім сарайының желісін жалғастыратын сауда және ойын-сауық орталығы. 200 дей мертлік кешен қаланың зәулім доминантына айналды. Оның қаңқасы ұсақ тордан құралған зәулім шатыр ішінде ауданы 100 шаршы метр қалалық саябақ, дүкендер, кино театрлар, концерт алаңы бар. Астана тұрғындар өздерінің бос уақыттарын осы жерде өткізе алады.

Видео-фильмнен «Ханшатыр» көрсетіледі.

5-аялдама: «Жаңа алаң»

Шығармашылық жұмыс: «EXPO-2017» көрмесіне не ұсынар едіңіздер?

Видео-фильмнен «Жаңа алаң» мен Астананың болашағы көрсетіледі.

6-аялдама: Есіл жағасы.

Тапсырмасы: «Астанаға арнау» (Өз қалаулары бойынша)

• «Синкуейн» әдісімен 5 жолдық өлең шығару;

• Жүрекжарды тілегін білдіру;

• Өз бетімен өлең шығару;

• Монолог оқу, ән айту т.б.

Бағалау:

Маршрут картасында бағалау парағы бойынша бағалау.

Астанаға саяхаттан алған әсерімен кері байланыс арқылы бөліседі.

Рефлексия (Кері байланыс):

Сабақты меңгерсе «Алма» ағашына – сабақты меңгеріп, жеміс алғаны, алма-стикерін; «Бәйтерек» ағашына –жақсы әсер алса, жапырақ-стикерін; «Тікенек» ағашына – жағымсыз эмоция болса, үшбұрыш-стикеріне жазып, кері байланыс қалдырады.

Үй тапсырмасы: Шығарма жазу. «Астана-арман қала»