Абай мен Ш?к?рімні? діни м?ралары

Сабақтың тақырыбы

“Абай мен Шәкәрімнің діни мұралары”

Сабақтың мақсаты

1. Оқушыларға Абай мен Шәкәрімнің діни мұралары жайлы түсінік беру

2. Өз заманының кемеңгер ойшылдары, ұлы ақындардың діни ұстанымдарына құрмет сезімдерін қалыптастыру, мұраларын қастерлеуге ықпал ету

3. Оқушының ұлылар ойының тағылымды бағыттарын танып-біліп, өзіндік пікірін қалыптастыруға жол ашу

Тапсырмалар

Қызығушы- лықты ояту

Мағынаны тану

Ой толғаныс

Топтық жұмыс

Сабақ кезеңдері:

-Қызығушылықты ояту

- Мағынаны тану

- Ой толғау

Оқушыларды түгелдеу

Ынтымақтастық атмосферасын құру мақсатында «Шаттық шеңбері» арқылы оқушылар бір-біріне жақсы тілек лебіздерін білдіреді.

Топқа бөлу:

1 – жасыл түс «Дінтанушылар»

2 – көк түс «Зерттеушілер»

3 – сары түс «Ғалымдар»

Оқушыларға видео проектор арқылы «Қазіргі діни ахуал» туралы бейнеролик көрсетіледі. Оқушылардың ой-пікірлері тыңдалады

Оқушыларға Джигсо әдісі арқылы мәтінмен және дәптермен жұмыс жасау тапсырылады. Абай мен Шәкәрімнің дін туралы жазылған ойларын берілген мәтіннен оқып дәптерге өз ойларын жазады.

1. “Ойлан, жұптас, талқыла” әдісі арқылы оқушылар жанындағы отырған оқушылармен жұптасып дәптерге жазғандарын талдайды.

2. «Сен маған, мен саған» әдісі арқылы жұптарын басқа топтағы оқушылармен ауыстырып өз ойларын бөліседі.

3. «Ыстық орындық» әдісі арқылы ортаға бір орындық қойылып осы орындыққа әр топтан бір оқушы шығып отырып басқа топтың оқушылары тақырыпқа қатысты сұрақтарға жауап береді.

Абай Құнанбайұлы

(1845-1904)

Абай (Ибраһим) Құнанбайұлы (1845-1904) — ақын, жазушы, қоғам қайраткері, қазіргі қазақ жазба әдебиетінің негізін салушы, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды көздеген реформатор.

Абай шығармашылығы – мұсылман дінінің көкейкесті, зәру мәселелеріне арналған құнды туынды. Оның Ислам дінінің негіздері, оларды түсіндіру, насихаттау жөніндегі жиған тергендері өзара тығыз байланысқан сан-саласы тақырыптарды қамтиды.

Абай пайғамбарларға, әулиелерге, хакімдерге тән әділеттілік, шапағаттық, ғылымды сүю сияқты ізгі қасиеттер әр адам бойында табылу керек деп біл деді.

Құдай жолы, яғни тура жол қайтсек ашылмақ?
Мүмин болсаң, әуелі иманды бол,
Пендеге иман өзі ашады жол!
Гәп иманда екен.

Жалпы осы екі жол Абайдың дінге деген көзқарасын ұғудың кілті есепті.

Шәкәрім Құдайбердиев (1858-1931)

Шәкәрімнің 1911 жылы Орынборда басылып шыққан «Мұсылмандық шарты» еңбегі бүгінгіге қажетті ғылыми мұра саналады.

«Азды ұқсаң, бұл сөзді анықтап ұқ,

Иеңдей болам деме, иеңе ұқса.

Тәңірің – таза, болып бақ, сен де кірсіз,

Әлің келсе, менен қаш, Иең мінсіз.

Бұл құдайдай боламын деген емес,

Сөзімнің түбін ұқпай деме, дінсіз.

Алланың пендесіне рақымы мол,

Сен де өзіңдей адамға мейірімді бол

Ол жаратты, сен дағы жаратып бақ,

Бардан барды шығарсақ болады сол.

Керексізді қылмайды Иең-дағы,

Мен де сүйтем деп қара, сен де тағы»-деп зорлық,алдау, мансапқорлық, мақтанқұмарлық, мейірімсіздік қатыгездік сияқты, т.б. жаман мінезден арылуды ұсынады.

І топ «Бес жолды өлең» құрастыру

ІІ топ «Кластер сызбасы» арқылы екі ақынның өлеңдерін сызады

ІІІ топ «Венн диограммасы» екі ақынның өлеңдері мен өмірлерін салыстырады

Осы берілген тапсырмалар бойынша топпен постерлерін қорғайды.

Сабақты қорытындылау

Бейне көрініс көрсетіледі «Шәкәрім қойған 5 сауал»

Осы кесте бойынша оқушылар өз ойларын айтып сабақты қорытындылайды

Бағалау критерийлері

-Топпен жұмыс жасау белсенділігі

-Өз ойын еркін айта алуы

-Өз ісіне рефлексивті талдау жасауды үйренуі

Қосымша тапсырма

Абай мен Шәкәрімнің діни мұраларына қосымша мәліметтер жинап келу