"1916 ж Ұлт-азаттық көтеріліске 100 жыл"

Тәуелсіздікке жету – қазақ халқы үшін даңғыл жол болған жоқ, ол ұлы белестерден, қиын-қыстау асулардан тұрды. Тарихи күрделі кезеңнің басты оқиғаларының бірі  –  1916 жылғы ұлт-азаттық көтеріліс болатын. Биыл бұл тарихи оқиғаға 100  жыл толып отыр.

Азаттық жолындағы қасиеті де, қасіретті күрестің тарихын қайта жаңғыртып, тереңірек  зерделеу, жас ұрпаққа жеткізу – біздің парызымыз. Осы мақсатта  лицей-интернатта 6 сәуір күні бірнеше  іс-шара болып өтті. Атап айтатын болсақ:

Тарих пәнінің мұғалімі Сүгірова Нұрсұлудың ұйымдастыруымен  9А,Б сыныптары арасында «Әлихан Бөкейханов-тәуелсіздік жаршысы, ұлт көсемі» тақырыбында  танымдық кеш өткізілді. Кеш барысында  оқушыларға  Әлихан Бөкейханов жайлы толық танымдық мәліметтер беріліп, оқушылар түрлі сұрақтарға жауап беріп, ойындар ойнады.

Тарих  пәнінің мұғалімі  Байтабынова Анардың ұйымдастыруымен 10 А сыныбында «Азаттық таңын аңсаған алаш арысы -Ахмет Байтұрсынұлы» тақырыбында дәріс сабақ өткізілді.Сабақ барысында 1916 жылғы ұлт-азаттық қозғалыс кезіндегі Ахмет Байтұрсыновтың ролі, қызметі жайлы мәліметтер айтылды.

Тарих пәнінің мұғалімі Шамшатова Нұриланың ұйымдастыруымен  9А сыныбында  «1916 жылғы ұлт-азаттық көтеріліс» тақырыбында ашық сабақ өткізілді. Ашық сабаққа Қорқыт Ата атындағы Қызылорда мемлекеттік университетінің тарих ғылымдарының докторы, доцент Дастан Сәтбай, №23 қазақ орта мектебінің тарихшысы Изтелеуова Айгүл және лицей ұстаздары қатысты. Ашық сабақ барысында оқушыларға 1916 жылғы көтерілістің барысы,  тарихи маңызы жайлы толық мәлімет беріліп, оқушылар  слайд, тақырыптық деректі фильмдер тамашалады. Сынып екі топқа бөлініп, топтық жұмыс жасады.Топтық жұмыс барысында оқушылар  ipad  пайдалана отырып, «Quizlet» бағдарламасымен  ойын арқылы сұрақтарға жауап берді. Сабақ барысында оқушылар аталған тақырып бойынша кездесетін ҰБТ сұрақтары бойынша құрастырылған тестке жауап берді. Сабақ соңында университет мұғалімі Дастан Сәтбай 1916 жылғы оқиғаға тарихи баға беріп, оқушылармен ой бөлісті.