"Өлкетанудан" арнайы курстың бағдарламасы

Ақтоғай ауданының «жалпы білім беретін Харьков орта мектебі» КММ

7-9-сыныпқа көптілдік оқыту бойынша «Өлкетанудан»

арнайы курстың бағдарламасы

Ақтоғай, 2016 жыл

Пікір жазған:

«ӨРЛЕУ» БАҰО АҚФ Павлодар облысы бойынша ПҚБАЙ-дің МКД ППҚ кафедрасының меңгерушісі, тарих ғылымдарының кандидаты, ҚР тарих және қоғамдық ғылымдар Академиясының академигі Б.Құдайбергенұлы

Құрастырған:

Ақтоғай ауданының жалпы білім беретін Харьков орта мектебі» КММ-нің тарих-география пәнінің мұғалімі Рази Манейқызы Алимова

Түсінік хат

Ұсынылып отырған бағдарлама Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес Қазақстан Республикасының Білім және ғылым министрінің 2013 жылғы 3 сәуірде №115 бұйрығымен бекітілген тарих-география пәніне арналған бағдарламаны (Негізгі орта білім беру деңгейінің 5-9-сыныптарына арналған оқу бағдарламасы. – Астана: Ы. Алтынсарин атындағы ҰБА, 2013), 2015-2016 оқу жылына арналған әдістемелік-нұсқау хаты басшылық алып жасалды.

Аталған стандартқа сәйкес бағдарламаның мазмұндық бағыттары мынадай мақсаттарға бағдарланып құрылды:

-«Отан отбасынан басталады» дегендей оқушылардың Отанға деген сүйіспеншілігін туып-өскен шағын ғана өз ауылынан бастағаны абзал. Мектеп оқушыларына көптілдік оқыту бойынша ауданымыз бен ауылымыздың тарихын, ауылымыздың біртуар ұлдарының тарихта қалдырған ізін кеңінен танытып, сол арқылы көптілде оқыта отырып болашақ қазақстандықтардың өмірлік айқындамаларын қалыптастырып, рухани дүниесі бай, отансүйгіш, ұлтжанды азаматтарды қалыптастыру мақсатын көздейді.

-сондай-ақ, оқушылардың көптілде оқыту бойынша оқырмандық мәдениетін жетілдіру, ақыл-ойын, тілін дамытып, оқумен қатар оны талдау, саралау дағдыларын жетілдіру, шығармашылықпен, ғылыми-зерттеу жұымысымен айналысуға баулу, бейіналды білім-білікті қалыптастыру сияқты практикалық мақсаттарды алға қояды.

Мақсатқа жету үшін қойылатын міндеттер:

• Тарихи деректерді құрылымдық, көркемдік және стильдік ерекшеліктері бойынша топтастыра отырып оқыту;

• ғылыми-зерттеу, сыни тұрғыдағы еңбектерден дәйектер ала отырып берілетін білім мазмұнын тереңдету;

• оқыту мен талдаудың тиімді технологиясы мен әдіс-тәсілдерін таңдау арқылы жекелеген тақырыптарға толыққанды талдау жасата алу білім-білік дағдыларын арттыруға мүмкіндік жасау;

• түсіну, ой қорыту, ойын көркем әрі шешен тілде жеткізу мен ғылыми-зерттеу, шығармашылық жұмыстармен айналысуға жол ашу, бағыт-бағдар беру.

• терминдерді меңгеру

Бұл бағдарлама төмендегідей бөлімдерден тұрады:

1. Оқу материалының мазмұны

2. Оқу жүктемесі 51 сағатқа арналды.

3. Оқушылардың дайындық деңгейіне қойылатын талаптар

4. Тақырыптық-күнтізбелік жоспар

Оқушылардың дайындық деңгейіне қойылатын талаптар

Оқушы:

• оқуға, талдауға, пікір алысуға және қосымша оқуға ұсынылған шығармаларды оқып, мұғалім көмегімен меңгеруі;

• оқылған, талданған немесе өздігімен оқыған туындының негізгі мазмұнын, идеялық-тақырыптық негізін білуі;

• кейіпкерлерді тану;

• мәтінге жоспар, сұрақтар мен тапсырмалар құра алуы;

• шығарма (ой толғау сипаттағы) жаза алуы;

• қосымша мәліметтер даярлай алуы керек;

• ғылыми-зерттеу жұмыстарын, жоба қорғай білу;.

• сөздікпен жұмыс істей алуы.

Көптілдік оқыту бойынша арнайы курстың күнтізбелік жоспары

51 сағат (7-сынып 17 сағат, 8-сынып 17 сағат, 9-сынып 17 сағат)