1941-1945 жылы ?лы Отан со?ысына ?атыс?ан ардаргерлерімізге мы? та?зым! Ауылымызды? ардагерлері ?ОС ?атысып, оралып келгендегі балалы? кездегі естеліктер жазыл?ан. Ауыл т?р?ындарыны? мектеп ?имаратында "Батырлар б?рышын" жасау?а шешім ?абылда?андары туралы жазыл?ан ша?ын ма?ала.
Со?ыс миллионда?ан адамдарды? ?мірін ?иды, к?птеген ?ала мен елді мекендерді ?иратып кетті. 1941-1945 жыл?ы ?лы Отан со?ысы ?р ?йге, ?р отбасыны? ?міріне жазылмас жарадай із ?алдырды. Б?л со?ыс б?кіл Ке?ес Ода?ы хал?ыны? тарихында?ы ?асіретті бет болса да, сонымен ?атар ол халы?тарымызды? те?десі жо? ерлігі мен ?ажыр-?айратыны?, бірлігіні? д?лелі екенін к?рсетті.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Просмотр содержимого документа
«Ерлік ?шпейді, ер ?мытылмайды »
Ерлік өшпейді, ер ұмытылмайды
Соғыс басталды! Соғыс басталды! Соғыс басталды!
Қандай суық хабар! Суық сөз! Қанша адамның үмітін үзді!
Сол сұрапыл жылдарда жас та, кәрі де азамат пен азаматшыларда жер құшты, балалар мен қыздар әке-шешесінен айырылды, аналар балаларынан, сүйген жарларынан айырылды, қаншама үй тірегінен айырылды. Ауылдың, қаланың, әлемнің сәні мен мәні кетіп, айналаның барлығы сұр дүниеге айналып кетті.
Соғыс миллиондаған адамдардың өмірін қиды, көптеген қала мен елді мекендерді қиратып кетті. 1941-1945 жылғы Ұлы Отан соғысы әр үйге, әр отбасының өміріне жазылмас жарадай із қалдырды. Бұл соғыс бүкіл Кеңес Одағы халқының тарихындағы қасіретті бет болса да, сонымен қатар ол халықтарымыздың теңдесі жоқ ерлігі мен қажыр-қайратының, бірлігінің дәлелі екенін көрсетті.
1941 жылы 22-маусымда гитлерлік Германия КСРО-ға опасыздық пен шабуыл жасады. Сол күні кеңес үкіметі халықты Отан қорғауға шақырды. Майдан даласынан қаншама қазақ азаматтары да белін бекем буып өз ұрпағының келешегі үшін аттанды...
Сол сұрапыл соғысқа Алматы облысы, Қарасай ауданы, Көлащы ауылынан 72 адам кеткен екен. Сонда елімізге қайтып оралып келген азаматтар саны 40-тан сәл асты, ал 34 атамыз мәңгілікке Кеңес Одағының кең жерінде майдандастар қабірінде жерленді.
Бала кезімізде бізге ертегі боп көрінетін соғыс жайында аталарымыз бен апаларымыздан сұрағанымызда жанарларына бір мұң ұялап, терең күрсініспен сөздерін іркіп-іркіп бастайтын. «Балам-ау, соғыс жақсы емес қой...» - деп басталатын әңгімелері. Әскерге барып, қай шайқасқа қатысқанын айтып беретін бізге. Соғыс зардабы кім-кімге де ес жиғызған жоқ. 1945 жылы соғыс аяқталса да, соғыстан кейінгі уақыт ең қиын кезеңдердің бірі болды. Қаншама жауынгерлер жаралы оралса, қаншама адамдардың үйіне күн сайын қара қағаздар жіберіліп жатты... Аталарымыз жанарын бір нүктеге қадағандай қатып қалатын. Бейне бір майданды кино лентасынан көріп тұрғандай... көз алдына елестеп те кеткен болар- деп ойлаймын қазір.
Ақыл - кеңестің таусылмас қазынасындай боп ауылда әр үйдің төрінде отыратын тау тұлғалы аталарымыздың бәрі бұл дүниеден мәңгілік сапарға аттанды. Олардың қазасы біздің жанымызға қатты батты. Амал не, әр күн сайын аталарымызды еске алып тұрамыз.
Ашық аспан, бейбіт өмір. Бүгінгі ұрпақ қазіргі тәуелсіз Қазақстан елінде алаңсыз өмір кешуде. Мұндай еркіндік бақытын адамзат тарихындағы ең жойқын күресте бесіктен белі шықпай еңбекке араласып, бұғанасы бекімей қолына қару алып, қасық қаны қалғанша күрескен аға ұрпақ сыйлады.
Биыл Ұлы Жеңіске – 70 жыл. Осынау күнге орай, ауылымыздың тұрғындары Ж.Бәрібаев атындағы мектеп ғимаратына «Батырлар бұрышын» жасауға бір ауыздан шешім қабылдады. Ол бұрышта соғысқа кетіп, аман-есен оралғандар, боздақтар, тылда жұмыс істеген ата-бабаларымыз туралы мәліметтерді жинақтап, шығаруды көздеп отыр.
Сонау Жер-ананы өрт шарпыған соғыс жылдарында елі мен жерін, ұрпағының болашағын қорғаған, Отанға бейбіт өмірді тарту еткен, қан майданда от кешкен ержүрек жауынгерлер - бүгінгі ақ сақалды ардагерлер мен ақ жаулықты аналар әрқашан жоғары құрметке лайық екені даусыз. Сондықтан да, оларға деген ыстық ықылас пен құрмет, алғыс ешқашан толастамайды, керісінше «тау алыстаған сайын биіктей түседі» демекші, уақыт өткен сайын еселене бермек.
Бүгінгі ұрпақ бұл азаттықтың қалай келгенін әрине біледі. Қазіргі таңда қаншама елдің бірлігінің бұзылған уақытында тату-тәтті ғұмыр кешіп жатқан біздер, шынымен де бақыттымыз. Бұл тәуелсіздік біздің Отанымызға берілген тәңірдің сыйы. Аналар да, балалар да жыламасын, даламыз жұтамасын. Ұланғайыр кең даламызды соғыс өрті шарпымасын. Бұл әрине барлық адам баласының арман - тілегі. Бейбітшілік жасасын!
