?азіргі заман ?аза?стан тарихы ?олданбалы курс жоспары

Түсінік хат

Қазақстан тарихы пәні қазіргі замандағы оқушыларға патриоттық тәрбие берудегі елеулі роль атқаратын пәндердің ең негізгісі.Сонымен бірге, Қазақстан тарихы ең күрделі, ең қызықты, оқушылардың өз Отаны үшін мақтаныш сезімін тәрбиелеуге қызмет ететін, шығармашылығын дамытатын, зерттеу жұмыстарына баулитын пән.

“Қазақстан тарихында” ақтаңдақтар өте көп, сонымен бірге, тарихта орын алған қарама – қайшы түсініктерді түзету, жөндеу, бар түсініктерге қосымшалар, өзгертулер енгізуді талап етеді.

«Өткенін білмеген, бүгінінің қадірін бағалай алмайды» демекші, тарих - шежіре қойнауы. Өткен дүниеміздің тарихы мен адамзат ұрпағының дамуы, мемлекетіміздің пайда болуы мен бүгінгі қоғам – мұның барлығы тарих пен тығыз байланысты. Халқымыздың өткенін, яғни еңсесі түсіп, ауыр күйзелісін білдіретін «Елім- ай» атты мұңды да зарлы ән кешегі тарихымыз болса, «Мен қазақпын» - өжет халқымыздың бүгінгі тарихы. Ата- бабамыздың арманы орындалып, Тәуелсіздік бүгінгі төрде тұр. Біздің Елбасымыз Н.Ә. Назарбаев бәрін дұрыс жоспарлап сауатты іске асырғандықтан, еліміздің дамуы сәтті болды. Жасампаздыққа жұмыла кіріскендіктен, дамудың даңғыл жолына түстік. Толағай табыстармен дүние жүзін мойындатқан Қазақстанның әл- ауқаты артып, саяси жағынан да, экономикасы жағынан да серпінді бола түсті. Қазақтан жан- жақты қуатты да табысты мемлекетке айналып, өзінің бастамалары арқылы жоғары халықаралық беделге ие болды. Қуаты мен дүние жүзіне даңқы шықты. Қазақстан әлемді өз жетістіктері мен таң қалдырды, БҰҰ-на мүше болуымыз, одан әрі Қазақстанға Еуропадағы Қауіпсіздік және Ынтымақтастық Ұйымына төрағалық ету мәртебелі миссиясы сеніп тапсырылды. Мұндай мәселелер өміріміздің барлық саласында бар, олар тіршілік қарекетіміздің барлық қырына, былайша айтқанда тән азығынан бастап жан азығына дейін, қазақтың имандылық, мәдени, рухани талап- тілектеріне түгел қатысты. Бүгінгі таңда Қазақстанның ең басты байлықтарын өсіріп- өндіріп, шашпай-төкпей жинап алған жанкешті еңбегі мен біздің еліміздегі тұрақтылықты, біздің тәуелсіздігімізбен егемендігімізді қамтамасыз еткен азаматтарымыздың алдында мәңгілік басымызды иеміз, тағзым етеміз.

Негізгі міндеті: Тарихи балама жолдың болу мүмкіндігін қарастыра отырып, саясат, қоғам диалектикасына ой жүгірту; терең ойлау, іздену, зерттеу, өз жұмысымен жұмыстану қабілетін дамыту.

Мақсаты: Отаншылдық, патриоттық, демократтық идеяларға баулу. Болашақ Қазақстанды өркендететін өздері екендігін сезіндіру.

• Отандық тарих және Отандық деректемелерді оқу арқылы оқушылардың қызығушылығы артады;

• Оқушыларда тарихтағы тұлғалардың қоғам, ғылым, әдебиетті, экономиканы, мәдениетті дамытудағы еңбегі мен үлестері туралы жан-жақты, терең және тиянақты түсінік қалыптасады;

• Қазіргі таңда болып өткен тарихи оқиғаларты салыстырып оларға баға бере алады және өз білімдерін пікірталас, дискуссия, диспут кездерінде қолдана алады;

• Жағымды және жағымсыз тарихи оқиғалардың тарихтағы рөлін айыра алады және қолайлы моделін жасай біледі;

• Әртүрлі негіздеме бола алатын әдебиеттермен жұмыс жүргізе алады, олардың материалдарын тақырыптар және даталар бойынша топтасытыра біледі;

• Рефераттар, хабарламалар дайындай алады және ақтаңдақтар бойынша материалдар іздестіру қажеттігін ұғынады;

• “Мәліметтер банкін” жаратады;

• Сайыс, байқау, тест кезінде өз білімдерін көрсете алады, яғни ұқсас және ұқсас емес жағдайда білімдерін қолдана алады.

Оқушылардың білімі, біліктілігі және дағдыларына қойылатын талаптар

І. Оқушылар төмендегідей дағдыларды игеруі қажет:

• Тарихи материалдар: құжаттар, хаттар, ережелерді танысып зерттей білуі;

• Кестелер, салыстырмалы кестелер, диаграммалармен жұмыс істей білуі;

• Оқиғалардың алдын немесе кейін болғанын айыра білуі;

• Карта, хронологиялық картадан қажетті мағлұматтарды ала білуі;

• Өз білімдерін ұқсас, ұқсас емес жағдайларда қолдана білуі;

• Пәнаралық байланысты таба білуі;

• Тарихи тұлғалардың тарихи жағдайлардағы іс-әрекетіне баға бере білуі;

• Белгілікті тұлғаның идеал образын жасай білуі;

• Тапсырмалар бойынша баяндама, реферат, хабарламалар дайындай білуі;

• Оқушылар конференциялары немесе семинар сабақтарда өз материалдарымен қатысуы;

• Қоғамдық, саяси, әскери, мәдени, әлеуметтік, экономикалық құбылыстардың себептері мен салдарына зерттеу жүргізе білу;

ІІ.Оқушылардың білімі мен біліктілікті игеруіне қойылатын талаптар:

• Тарихи оқиғалардың мекен-жайы, мерзімі, оның кейіпкерлерінің аты-жөнін білуі;

• Әр тарихи тұлғаның тарихтағы орнын нақты білуі;

• Қоғам қайраткерлерінің, ел азаматтарының, қаһарман батырларының қай салада, қай заманда еңбек еткендігін, олардың өмірлік мұратын, қоғамды дамытудағы ерекшелігін айыра білуі;

• Тарихи тұлғалардың образына сипаттама бере білуі;

• Тарихи тұлға немесе құбылыстар туралы хабарламалар дайындап оны қорғай білуі;

• Бағдарлама бойынша тиянақты білімі болуы қажет;

• Хронологиялық жағдайлар және тұлғалар туралы материалдарды көркем, саяси, шығармашылық және деректемелік әдебиеттер бойынша таба білуі қажет.