Арнайы курсы "Павлодар өлкесінің көне тарихы

Түсініктеме

Тарих пәні мектептегі барлық гуманитарлық және қоғамтанушылық курстардың өзегін құрайды. Тарих ұлттық өзіндік сана-сезімді және жас ұрпақты тәрбиелеудің адамгершілік –этикалық нормаларын бекітуге назар аударады.

Тарих ғылымы, пән ретінде аса маңызды білім саласына жатады. Өйткені, ол бүкіл адамзаттың басынан өткізген тарихын, тәжірибесін баяндайды.

Тарихты білу әрбір адамға қажет.

Тарихшы мұғалім ретінде мақсатым тек тарих пәнін оқыту ғана емес, қоғам мүддесін толық түсіне алатын, қоғамдық процестерге баға бере алатын азамат дайындау. Өз Отанына, өз өлкесіне деген сүйіспешілігін нығайту.

Оқушылардын осы курсты оқыту процесінде қызығып оқуына назар аударып, оқутыдың тиімді тәсілдерін қолдануға тырысамын. Қосымша материалдарды, деректерді, әдебиеттерді пайдалана отырып қазақ тарихын, оның ішінде Павлодар өңірі тарихын шындық тұрысынан баяндаймын.

Сабақтардың білімділік, тәрбиелік, дамытушылық мақсаттарына мән бере отырып, оқушылардың тарихи мәселелерді өз бетінше ізденіп, шығармашылықпен ұғына білу қабілетіне баулаймын.

Бағдарламаның өзіндік ерекшелігі туған жер Павлодар өңірі тарихытуралы толық ақпараттарды жинақтап, оқушылардың игеруіне көмектеседі.

Оқу жоспары бойынша курсты оқытуға аптасына 1 сағат, жылына 34 сағат уақыт бөлінеді.

Оқушылардың дайындық деңгейіне қойлатын талаптар

Нені білу керек:

- Павлодар өңірінің көне тарихы туралы мәліметтер;

- облысымыздағы түрлі уақыттардағы адамдардың пішін-келбетін, баспанасын, еңбек құралдарын, тұрмыстық заттарын, киімдерді, ертедегі қалаларды сипаттап, салыстарып айтуы;

- ежелгі Павлодар өңірінде алғашқы қауымдық қоғамының дамуының негізгі белгілері мен ерекшеліктерін; алғашқы адамдардың мекен- тұрақтарын және орналасқан жерін, географиялық жағдайларын, табиғат ерекшеліктерін, тіршілігін, кәсібін, тұрмысын, еңбек құралдарын; алғашқы адамдардың ашқан жаңалықтарын;

- ертедегі діни, археологиялық және өнер ескерткіштерін;

- алғашқы мемлекеттердің шекараларын, территориясын, қалаларын және басқа объектілерді.

Нені үйрену керек:

- тарихи картадан ертедегі адамдар мекендеген аймақтарды, олардың қоныстаған орындарын, аймақтың шекарасын, басқа объектілерді көрсете алу;

- көне замандағы еңбек құралдарының суретін салып, олар бойынша әңгіме құрастыру;

- оқылған құжат мазмұнын өз сөзімен әңгімелеп беру;

- тарихи терминдердің аңықтамасын айту және оларды қолдана беру;

- тарих мәтінің толық жоспарын жасау; қосымша әдебиеттермен жұмыс істеу, өз бетінше іздену;

- оқылған құжат мазмұның өз сөзімен әңгімелеп беру.

Курстың мазмұны және құрылымы

Кіріспе сабақ ( 2 сағат). «Павлодар өлкесінің көне тарихы»курсының мазмұны. «Павлодар өлкесінің көне тарихы»курсы «Қазақстан тарихы» курсының құрамдас бөлігі.

Ежелгі дәуірдегі Павлодар өңірі (9 сағат). Тас дәуіріндегі Павлодар өңірі. Алғашқы адамның іздері. Қола дәуірі. Облысымыздағы Андрон мәдениетінің ескерткіштері. Қорытындылау сабағы. Жерлесіміз академик Ә.Х.Марғұлан – археолог, этнограф, тарихшы. Павлодар өңірі темір дәуірінде. Тасмола мәдениеті. Қорытындылау сабағы.

Облысымыздағы алғашқы тайпалардың тұрмыс- тіршілігі (10 сағат).

Павлодар өлкесіндегі ежелгі тайпалар одағы, мекендеген орны. Скиф тайпаларының «Аң стилі». Скиф тайпаларының жерлеу дәстүрі. Башмачное селосының маңындағы скиф зираты. Қорытындылау сабағы. Тест.

«Ұлы көші» кезеңі (9 сағат). Павлодар өңірі «Ұлы көші» кезінде. Көшпенділердің шаруашылығы мен тұрмысы. Облысымыздағы ежелгі тайпалардың мәдениеті. Қайталау сабағы. Тест.

Облысымыздағы алғашқы мемлекеттер (3 сағат). Алғашқы мемлекеттердің құрылу тарихы мен құрылымы. Алғашқы мемлекеттер халықтарының тұрмыс-тіршілігі. Қорытынды сабақ.

Жинақтау сабағы (1 сағат).

Пайдаланған әдебиеттер:

1. Т.А. Есенбаев «Павлодар өңірінің тарихы туралы очерктер» 1-ші бөлімі. Павлодар, 2001.

1. М.И. Чуб «Павлодар облысының географиясы» Орта мектептің 8-9 сыныптарына арналған эксперименталды оқулық, Павлодар қаласы, 1999 ж.

1. М.Қани «Қазақтың көне тарихы» Алматы: Жалын, 1993-400 б.

1. Павлодар қаласы мәдениет басқармасы Бұқар-жырау атындағы әдебиет өнер музейі «Әлкей Марғұлан». Серия «Біздің әйгілі жерлестеріміз». Павлодар қаласы, 2004 ж.